agriculture news in marathi, Vidharbha Farmers agitate in Pandharpur for their demands | Agrowon

विदर्भातील शेतकऱ्यांचे पंढरपुरात आंदोलन
टीम अॅग्रोवन
शुक्रवार, 6 एप्रिल 2018

पंढरपूर, जि. सोलापूर : मुख्यमंत्री देवेंद्र फडणवीस सरकार सर्वच पातळ्यांवर अपयशी ठरल्याने राज्यभरात विरोधकांचा सरकारविरोधी हल्लाबोल सुरू असतानाच आता मुख्यमंत्र्यांच्या विदर्भातील नागपूर आणि यवतमाळ जिल्ह्यातील शेतकऱ्यांनी गुरुवारी (ता. ५) पंढरपुरात सरकारविरोधात आंदोलन केले. शेतीमालाला हमीभाव मिळावा, शेतकऱ्यांना सरसकट कर्जमाफी, कापसावरील बोंडअळीग्रस्त शेतकऱ्यांना नुकसानभरपाई मिळावी, शेतीपंपाचे वीजबिल माफ करावे, यांसह इतर प्रमुख मागण्यांसाठी विदर्भवासीय शेतकऱ्यांनी व गुरुदेव सेनेच्या कार्यकर्त्यांनी थेट विठ्ठलालाच आंदोलनाच्या माध्यमातून साकडे घातले.

पंढरपूर, जि. सोलापूर : मुख्यमंत्री देवेंद्र फडणवीस सरकार सर्वच पातळ्यांवर अपयशी ठरल्याने राज्यभरात विरोधकांचा सरकारविरोधी हल्लाबोल सुरू असतानाच आता मुख्यमंत्र्यांच्या विदर्भातील नागपूर आणि यवतमाळ जिल्ह्यातील शेतकऱ्यांनी गुरुवारी (ता. ५) पंढरपुरात सरकारविरोधात आंदोलन केले. शेतीमालाला हमीभाव मिळावा, शेतकऱ्यांना सरसकट कर्जमाफी, कापसावरील बोंडअळीग्रस्त शेतकऱ्यांना नुकसानभरपाई मिळावी, शेतीपंपाचे वीजबिल माफ करावे, यांसह इतर प्रमुख मागण्यांसाठी विदर्भवासीय शेतकऱ्यांनी व गुरुदेव सेनेच्या कार्यकर्त्यांनी थेट विठ्ठलालाच आंदोलनाच्या माध्यमातून साकडे घातले.

शेतकरी कर्जमाफीचा उडालेला गोंधळ आणि शेतीमालाला हमीभाव मिळत नसल्याने शेतकरी वैफल्यग्रस्त झाले आहेत, त्यामुळे राज्यात सरकारच्या विरोधात सर्वसामान्यांच्या मनामध्ये असंतोष निर्माण झाला आहे. अशातच मागील काही महिन्यांपासून राष्ट्रवादी कॉंग्रेसने सरकारविरोधी धार आणखी तीव्र करण्यास सुरवात केली आहे. राष्ट्रवादीने पुन्हा हल्लाबोल आंदोलन सुरू केले आहे. या आंदोलनामुळे राज्यातील जनतेमध्ये सरकारविरोधी भावना तयार होऊ लागली आहे. अशातच  विदर्भातील शेतकऱ्यांनी सरकारविरोधात एल्गार पुकारल्याने या आंदोलनाला विशेष महत्त्व आले आहे.

शेतकऱ्यांची संपूर्ण कर्जमाफी व्हावी, शेतीमालाला हमीभाव मिळावा, कापूस उत्पादक शेतकऱ्यांना नुकसानभरपाई मिळावी, यांसह इतर प्रमुख मागण्या घेऊन यवतमाळ जिल्ह्यातील अनेक शेतकरी पंढरपुरात विठू दरबारात येऊन धडकले. भाजप सरकारला विठ्ठलाने आता तरी सुबुद्धी द्यावी, असे साकडे या शेतकऱ्यांनी विठुरायाला घातले. 

विदर्भातून आलेल्या शेतकरी आणि महिलांनी सकाळी नामदेव पायरीजवळ काही वेळ थांबून सरकारविरोधी घोषणा देऊन भाजप सरकारबद्दल असलेला आपला रोष व्यक्त केला. त्यानंतर महाद्वार ते शिवाजी चौकापर्यंत शेतकऱ्यांनी सरकारच्या विरोधात मोर्चा काढला. त्यानंतर शिवाजी चौकात जाहीर सभा झाली. या वेळी गुरुदेव सेनेचे अध्यक्ष संदीप भोयर यांनी सरकारच्या शेतकरीविरोधी धोरणांचा पाढा वाचून मुख्यमंत्री देवेंद्र फडणवीस यांच्यावर टीका केली. 
या आंदोलनामध्ये शेतकरी व महिला मोठ्या संख्येने सहभागी झाल्या होत्या. मुख्यमंत्र्यांच्या विदर्भातून शेतकऱ्यांनी या पद्धतीने थेट विठ्ठलाला साकडे घातल्याने हे आंदोलन चर्चेचा विषय ठरत आहे.

इतर ताज्या घडामोडी
संत्रा पिकाबाबतच्या उपाययोजनांचा अहवाल...नागपूर  ः संत्रा उत्पादकांचे आर्थिक हित...
सूक्ष्म सिंचन विस्तारातील अडचणी, पर्याय...औरंगाबाद   : औरंगाबाद येथे आयोजित...
‘ई- टेंडरिंग’ रेशीम उत्पादकांच्या मुळावरपुणे  ः राज्यात पाणीटंचाईमुळे सर्वत्र...
आंदोलनामुळे शेतकऱ्यांना मिळाले ७४...पुणे  : साखर आयुक्तालयासमोर गेल्या तीन...
रोहित पवार यांनी वाढवला नगर जिल्ह्यात... नगर : कर्जत-जामखेड विधानसभा मतदारसंघात मरगळ...
लोणार तालुक्यात कडाक्याच्या थंडीमुळे...बुलडाणा : जिल्ह्यात द्राक्ष शेती टिकवून ठेवण्यात...
कृषी सल्ला (कोकण विभाग)भात रोप अवस्था : उन्हाळी भात रोपवाटिकेस...
थंडीच्या काळात केळी बागांची काळजीकेळीच्या पानांवर कमी तापमानाचे दुष्परिणाम २ ते ४...
पहाटे, रात्री थंडीचे प्रमाण अधिक राहीलमहाराष्ट्राच्या सह्याद्री पर्वत रांगावर १०१४...
पाणंद रस्त्यांची निविदा प्रक्रिया सुरू अकोला : शासनाच्या पाणंद रस्ते योजनेतून...
`साखर उद्योगातील संघटित गुन्हेगारी...मुंबई : गेल्या वर्षीच्या हंगामातील ७०-३०...
शासकीय दूध डेअरीत अमोनियाची गळतीअकोला : येथील मूर्तिजापूर मार्गावर असलेल्या...
कृषी योजनेतील विहिरींनाही दुष्काळाचा...धुळे : अत्यल्प पावसामुळे खानदेशात विहिरींनी...
नागपुरात `जलयुक्‍त`चा निधी आटलानागपूर : फडणवीस सरकारची महत्त्वाकांशी योजना...
मराठवाड्याची ७६२ कोटींची अतिरिक्‍त...औरंगाबाद ः शासनाने कळविलेल्या आर्थिक मर्यादेच्या...
नत्राच्या कार्यक्षम वापरासाठी सेन्सरचा...कृषी क्षेत्रातून होणाऱ्या नत्रांच्या प्रदूषणाची...
कृषिक प्रदर्शनातील प्रात्यक्षिके पाहून...बारामती, जि. पुणे ः कृषिक प्रदर्शनाच्या दुसऱ्या...
जाती-धर्माच्या भिंती तोडणे हीच स्व....इस्लामपूर, जि. सांगली : लोकनेते राजारामबापू पाटील...
पशुधन संख्येनुसार चारा उपलब्ध करून द्यापरभणी ः परभणी जिल्ह्यात गेल्या काही वर्षांत पशुधन...
ज्वारी, हरभरा, करडईच्या पेरणी...परभणी ः जिल्ह्यात यंदा ज्वारी, हरभरा, करडई या तीन...