agriculture news in Marathi, vidhyadhar anaskar says, District bank will get loan on NABARD rate, Maharashtra | Agrowon

नाबार्डच्या व्याजदरातच जिल्हा बँकांना पीककर्ज देणार : विद्याधर अनास्कर
टीम अॅग्रोवन
गुरुवार, 18 ऑक्टोबर 2018

मुंबई : राज्य बँकेला नाबार्डकडून मिळणाऱ्या पीककर्जाच्या व्याजदरानेच यापुढे राज्य बँकेकडूनही जिल्हा बँकांना पीककर्ज उपलब्ध करून दिले जाईल, अशी माहिती राज्य सहकारी बँकेच्या प्रशासकीय मंडळाचे अध्यक्ष विद्याधर अनास्कर यांनी दिली. 

मुंबई : राज्य बँकेला नाबार्डकडून मिळणाऱ्या पीककर्जाच्या व्याजदरानेच यापुढे राज्य बँकेकडूनही जिल्हा बँकांना पीककर्ज उपलब्ध करून दिले जाईल, अशी माहिती राज्य सहकारी बँकेच्या प्रशासकीय मंडळाचे अध्यक्ष विद्याधर अनास्कर यांनी दिली. 

राज्यातील जिल्हा मध्यवर्ती सहकारी बँकांच्या अडी-अडचणींसंदर्भात राज्य सहकारी बँकेने नुकतीच राज्यातील सर्व जिल्हा बँकांची एक दिवसीय परिषद घेण्यात आली. या परिषदेला राज्य शासनाचे प्रतिनिधी म्हणून सहकार आयुक्त व निबंधक सतीश सोनी, नाबार्डचे उपसरव्यवस्थापक डी. के. गवळी, कोल्हापूर जिल्हा बँकेचे अध्यक्ष व माजी मंत्री हसन मुश्रीफ, अकोला जिल्हा बँकेचे अध्यक्ष डॉ. संतोषकुमार कोरपे आदींसह राज्यातील जिल्हा बँकांचे अध्यक्ष, उपाध्यक्ष व मुख्य कार्यकारी अधिकारी उपस्थित होते. 

या वेळी बँकेचे प्रशासक विद्याधर अनास्कर म्हणाले, की राज्य बँकेच्या व्यवसायात जिल्हा बँका हा महत्त्वाचा घटक आहे. त्रिस्तरीय पतरचनेत जिल्हा बँकांचे महत्त्व ओळखून त्यांच्या अडचणी सोडविण्यासाठी राज्य बँक आग्रही आहे. या परिषदेपूर्वी राज्य बँकेने राज्यातील सर्व जिल्हा बँकांच्या अडचणी लेखी स्वरूपात मागवून राज्य शासनाशी संबंधित असलेल्या अडचणी, राज्य शासनास पाठविल्या. तसेच नाबार्डशी संबंधित असलेल्या अडचणी परिषदेपूर्वी नाबार्डकडे पाठविल्या आहेत. राज्य बँकेशी संबंधित असलेल्या विविध अडचणींवर विचार केल्यानंतर त्या संबंधीचे निर्णय व उपाययोजना या परिषदेमध्ये जाहीर केल्या आहेत. 

राज्य बँकेला नाबार्डकडून मिळणाऱ्या पीककर्जाच्या व्याजदरानेच राज्य बँकेने जिल्हा बँकांना कर्ज वितरीत करावे, अशी जिल्हा बँकांची प्रमुख मागणी होती. ही मागणी मान्य करण्यात आली असून, राज्य बँकेला नाबार्ड ज्या दराने पीककर्ज देईल त्याच व्याजदराने जिल्हा बँकांना पीककर्ज उपलब्ध करून दिले जाईल, असा निर्णय घेण्यात आला. तसेच शासन स्तरावरील व नाबार्ड स्तरावरील जिल्हा बँकांच्या अडचणींबाबत सहकार आयुक्त व निबंधक सतीश सोनी व नाबार्डचे उपसरव्यवस्थापक डी. के. गवळी यांनीदेखील जिल्हा बँकांच्या अडचणी सोडविण्याचे आश्वासन दिले.

परिषदेमध्ये झालेले निर्णय
पगारदार नोकरदारांच्या संस्थांना कमी व्याजदराने कर्जपुरवठा करणे, जिल्हा बँकांना एनपीएच्या निकषावर आधारित फेरकर्जपुरवठा यासंबंधी धोरणात्मक निर्णय घेणे, ठेवीवरील कर्ज मर्यादा ९० टक्क्यांपर्यंत वाढविणे, मुदतपूर्व कर्जभरणा केल्यास त्यावर दंडव्याज न आकारणे, कर्जाशी निगडित ठेव पातळीच्या निकषामध्ये सुसूत्रता आणणे, विकास संस्थांच्या सक्षमीकरणासाठी जिल्हा बँकांना मदत करणे, जिल्हा बँकांना व्याजपरतावा वेळेत मिळण्यासाठी राज्य बँकेच्या वतीने शासनाकडे पाठपुरावा करणे, सीबीएस प्लॅटफॉर्मवर विविध सुविधा व सेवा जिल्हा बँकांना अत्यल्प दरात उपलब्ध करून देणे आदी महत्त्वपूर्ण निर्णय या परिषदेमध्ये घेण्यात आले.

असे मिळते कर्ज
सध्याच्या दरानुसार नाबार्ड राज्य बँकेला ४.५० टक्के व्याजदराने पीक कर्ज देते. राज्य बँक जिल्हा बँकांना अर्धा टक्का अधीक, म्हणजेच ५ टक्के दराने कर्जपुरवठा करते. आता राज्य बँक नाबार्डच्या व्याजदरावर घेत असलेले अधीकचे अर्धा टक्का व्याज घेणार नाही. नाबार्ड ज्या व्याजदराने राज्य बँकेला कर्ज देईल त्याच दराने राज्य बँक जिल्हा बँकांना कर्जपुरवठा करणार आहे. यामुळ राज्य बँकेचे ३० कोटी रुपयांचे उत्पन्न कमी होणार आहे. 

इतर अॅग्रो विशेष
मराठवाड्यात रब्बीची केवळ १९ टक्‍केच...औरंगाबाद : मराठवाड्यात यंदा दुष्काळाची छाया किती...
केळीच्या आगारातून आखातात जाणार ४००...जळगाव ः केळीचे आगार असलेल्या जळगाव जिल्ह्यातून...
महाकॉट ब्रॅण्डची चमक पडली फिकीजळगाव ः पूर्व विदर्भ, उत्तर मराठवाडा व खानदेशातील...
शेतीला मिळाली पूरक उद्योगाची साथअंबाणी (जि. सातारा) येथील सौ. सुरेखा पांडुरंग...
दक्षिण कोकण, पश्‍चिम महाराष्ट्रात आज...पुणे : दक्षिण भारतामध्ये असलेल्या ‘गज’...
अभ्यास अन् नियोजनातून शेती देते समाधाननाशिक शहरातील प्रख्यात हृदयरोगतज्ज्ञ डॉ. अनिरुद्ध...
‘सीसीआय’ची कापूस खरेदी मंगळवारपासून...जळगाव : कापूस खरेदीसंबंधी जिनिंगमध्ये केंद्र...
दुष्काळ, मराठा आरक्षण अधिवेशनात गाजणारमुंबई : उद्यापासून (ता. १९) मुंबईत सुरू होत...
शेतकऱ्यांच्या विधवांचे २१ला मुंबईत...मुंबई : देशभरात विविध शेतकऱ्यांचे मोर्चे...
बा सरकार, प्रश्न जगण्याचा आहे!‘‘ज रा कुठे दुष्काळ पडला, गारपीट झाली,  पूर...
विना `सहकार` नाही उद्धारग्रामीण आणि शहरी भागांचा संतुलित विकास साधत...
राज्यातील धरणांमध्ये ५५ टक्के पाणीसाठापुणे   : राज्यात पाणीटंचाईची तीव्रता वाढू...
महाबळेश्र्वरमध्ये ३५०० एकरांवर...सातारा  ः महाबळेश्वरसह वाई, जावली, कोरेगाव...
दुष्काळात तीन श्रेणींत कामांचे नियोजन...पुणे : राज्यात आलेल्या दुष्काळात मदतीचा...
ओडिशात भाडोत्री ट्रॅक्टर योजनेस प्रारंभभुवनेश्‍वर ः राज्यातील शेतकऱ्यांना अद्ययावत...
सोयाबीन वधारण्याची चिन्हेपुणे: राज्यात सध्या सोयाबीनचे दर गडगडले असले...
राज्याच्या दक्षिण भागात पावसाची शक्यतापुणे : राज्यात थंडी वाढण्यास सुरुवात झाली आहे....
कापूस खरेदीला आजपासून प्रारंभनागपूर : पणन महासंघाव्दारे कापूस खरेदीला आजपासून...
चारा लागवडीसाठी शासकीय जमिनी देणारमुंबई : राज्यावरील दुष्काळाचे संकट लक्षात...
दुष्काळात २५ एकरांत शेवगा, रंगबिरंगी...मुंबई येथील ‘कोचिंग क्लास’चा व्यवसाय असलेले तपन...