agriculture news in marathi, Villages from Sangli Districts to get water form Karnataka | Agrowon

जत तालुक्यातील ४२ गावांना पाणी देण्यास कर्नाटक सकारात्मक
अभिजित डाके
शुक्रवार, 6 एप्रिल 2018

सांगली ः जत तालुक्‍यातील ४२ गावांतील पाणीप्रश्‍न सोडविण्यासाठी कर्नाटक राज्याने सकारात्मक भूमिका घेतली आहे. त्यामुळे कर्नाटक राज्यातील तुबची बबलेश्‍वर उपसा सिंचन योजनेतून या ४२ गावांना पाणी दिले जाणार आहे. याबाबत दोन्ही राज्यांतील पाटबंधारे विभागाने सर्वेक्षण केले असून वरिष्ठ पातळीवर बैठकाही घेतल्या जात आहेत, अशी माहिती पाटबंधारे विभागाच्या सूत्रांनी दिली.

सांगली ः जत तालुक्‍यातील ४२ गावांतील पाणीप्रश्‍न सोडविण्यासाठी कर्नाटक राज्याने सकारात्मक भूमिका घेतली आहे. त्यामुळे कर्नाटक राज्यातील तुबची बबलेश्‍वर उपसा सिंचन योजनेतून या ४२ गावांना पाणी दिले जाणार आहे. याबाबत दोन्ही राज्यांतील पाटबंधारे विभागाने सर्वेक्षण केले असून वरिष्ठ पातळीवर बैठकाही घेतल्या जात आहेत, अशी माहिती पाटबंधारे विभागाच्या सूत्रांनी दिली.

जत तालुक्‍यातील ४२ गावांना म्हैसाळ उपसा सिंचन योजनेतून पाणी देणे शक्‍य नाही. त्यामुळे अनेक वर्षांपासून या गावातील शेतीला पाणी मिळावे, अशी मागणी या गावातून होते आहे. त्यासाठी आघाडी सरकारने पुढाकार घेतला होता. मात्र, मध्यंतरीच्या काळात याबाबत ठोस पावले उचलली गेली नव्हती. त्यामुळे या गावांना पाणी मिळणे कठीण झाले होते. पाणीटंचाईमुळे या गावांतील शेतकऱ्यांनी स्थलांतर करू अशी भूमिका घेतली होती. या पार्श्‍वभूमीवर सरकारने याबाबत बैठका घेतल्या.

सांगली पाटबंधारे विभागात गेल्या महिन्यात कर्नाटक राज्यातील पाटबंधारे विभागाचे अधिकारी यांनी जून २०१७ मध्ये कर्नाटक राज्यातील प्रकल्पांना भेटी दिल्या. कृष्णा नदीवरील तुबची बबलेश्‍वर उपसा सिंचन योजना व त्याची वितरण प्रणाली ही जत तालुक्‍यातील वंचित गावांच्या जवळ आहे. या योजनेच्या शेवटच्या टिकोटा वितरणापासून जत सीमा अंतर सुमारे १० किलोमीटरचा आहे. त्यामुळे जत पूर्व भागातील गावांना तिकोटा वितरणापासून पाणी देणे शक्‍य असल्याचा प्राथमिक अंदाज पाटंबधारे विभागाचा आहे. त्यामुळे सांगली पाटंबधारे विभाग आणि कर्नाटक पाटबंधारे विभागाची सांगली येथे  बैठक झाली. 

याबाबबत सकारात्मक चर्चा झाली. त्यामुळे या गावातील पाणीप्रश्‍न सुटण्यास मदत होईल. सध्या कर्नाटक राज्यात निवडणुका आहेत. त्यामुळे या ४२ गावांना पाणी देण्यासाठी कायदेशीर करार झालेला नाही. हा कायदेशीर करार लवकरच होईल, असा विश्‍वास सांगलीच्या पाटबंधारे विभागाला आहे. 

कर्नाटक राज्याने पावसाळ्यात ४ टीएमसी पाणी जत तालुक्‍यातील ४२ गावांना द्यावे. त्याबदल्यात महाराष्ट्र राज्याने उन्हाळ्यात त्यांना तेवढेच पाणी द्यावे, असा दोन्ही राज्यांमध्ये सामंजस्य करार झाला तर कायमस्वरुपी पाणीप्रश्‍न मिटण्यास मदत होईल. त्यासाठी दोन्ही राज्याने असा करार करण्यासाठी पुढे आले पाहिजे.

असे दिले जाणार पाणी
कर्नाटक आणि महाराष्ट्राच्या सीमेवर असलेले तुबची बललेश्‍वर उपसा सिंचन योजनेतून जत तालुक्‍यातील धुळकरवाडी येथील तलावात पाणी देण्याचे नियोजन आहे. या तलावातून सुमारे २४ गावांना पाणी मिळणार आहे. त्यासाठी कर्नाटकच्या तुबची बललेश्‍वर उपसा सिंचन योजनेतून जुलै ते नोव्हेंबर म्हणजेच पावसाळ्यात नदीतून वाहून जाणारे ४ टीएमसी पाणी हे जत तालुक्‍यात देण्यात येईल.

इतर ताज्या घडामोडी
जळगाव जिल्ह्यात नवती केळीचे दर स्थिरजळगाव ः जिल्ह्यात नवती केळीचे दर मागील आठवड्यात...
कोल्हापुरात फळांची आवक मंदावली,...कोल्हापूर : येथील कृषी उत्पन्न बाजार समितीत या...
कळमणा बाजारात सोयाबीनच्या दरात वाढनागपूर ः सोयाबीनच्या दरात अल्पशी वाढ वगळता कळमणा...
नाशिकला टोमॅटोची आवक वाढली; कांदा,...नाशिक : नाशिक बाजार समितीत गतसप्ताहात टोमॅटोची...
कपाशीतील किडींचे एकात्मिक नियंत्रणसध्या कपाशीचे पीक पाते, फुले व बोंड लागण्याच्या...
सांगली जिल्ह्यात सेंद्रिय शेतमालाला हवी...सांगली जिल्ह्यामध्ये सेंद्रिय शेतीमाल विक्री...
नाशिक जिल्ह्यात सेंद्रिय शेतीची वाटचाल...नाशिक जिल्ह्यात सेंद्रिय शेतीचे तीन वर्षांपूर्वी...
नाशिक, निफाड कारखाना भाड्याने देण्याचा...नाशिक : कर्जबाजारी व आर्थिक डबघाईमुळे गेल्या काही...
अकोला, बुलडाण्यात पीक कर्जवाटप ३०...अकोला  ः शेतकऱ्यांना खरीप हंगामासाठी पीक...
गोंदियातील कृषी सेवा केंद्रे लावणार...गोंदिया   ः जमिनीची गरज ओळखूनच खताची मात्रा...
साताऱ्यात पावसाअभावी पिके करपू लागलीसातारा  : जिल्ह्यात सुमारे एक महिन्यापासून...
नगर जिल्ह्यात पावसाअभावी कांदा लागवड...नगर  ः जिल्हाभरात पावसाअभावी कांदालागवड...
वाशीममध्ये रब्बीत हरभऱ्याचे क्षेत्र...वाशीम  ः या हंगामात जिल्ह्यात चांगला पाऊस...
खरेदी केंद्र सुरू करण्याच्या मागणीसाठी...सातारा  : शेतीमाल खरेदी केंद्रे त्वरित सुरू...
संघर्ष गोकुळ ‘मल्टिस्टेट’चाकोल्हापूर जिल्हा दूध संघ (गोकुळ) मल्टिस्टेट...
'दारुमुळे दरवर्षी अडीच लाखापेक्षा जास्त...नवी दिल्ली- दारूमुळे दरवर्षी जवळपास अडीच...
जालन्यात पाण्यात बुडून तिघांचा मृत्यूजालना : गणपती बाप्पांचे विसर्जन करताना जालना...
शिखर, रोहितने पाकला धुतले; भारत अंतिम...दुबई : पाकिस्तानने उभारलेल्या 237 धावांचा सहजी...
खानदेशात मध्यम पाऊस; नंदुरबारला हुलकावणीजळगाव : खानदेशात शुक्रवारी (ता.२१) मध्यरात्री व...
पुणे जिल्ह्यात ढगाळ हवामानपुणे  : जिल्ह्यात आठवड्याच्या सुरवातीला...