agriculture news in marathi, villages select for drip irrigation scheme, satara, maharashtra | Agrowon

शंभर टक्के सूक्ष्म सिंचनासाठी साताऱ्यातील १७३ गावांची निवड
टीम अॅग्रोवन
बुधवार, 4 जुलै 2018

१०० टक्के सूक्ष्म सिंचनासाठी जिल्ह्यातील १७३ गावे प्रथम टप्प्यात निवडण्यात आली आहेत. यामध्ये या गावांमधील सर्व विहिरींवरील भीजक्षेत्र पुढील दोन वर्षांत ठिबक सिंचनाखाली आणण्याचे उद्दिष्ट ठेवण्यात आले आहे. या निवडलेल्या गावांतील लोकांना पाण्याचा कार्यक्षम वापर करण्याकरिता सूक्ष्म सिंचन पद्धतीचा अवलंब करावा.
- श्‍वेता सिंघल, जिल्हाधिकारी, सातारा.

सातारा : पावसाचे प्रमाण दिवसेंदिवस कमी होऊ लागल्याने पाणीटंचाई वाढू लागली आहे. अतिरिक्त उपशामुळे भूजल साठा वेगाने घटत आहे. यास पर्याय म्हणून जिल्ह्यात सूक्ष्म सिंचनाला भर दिला जाणार आहे. त्यासाठी जिल्हाधिकारी श्‍वेता सिंघल यांनी १०० टक्के सूक्ष्म सिंचनासाठी १७३ गावांची निवड केली आहे. फलोत्पादन आणि बिगर फलोत्पादन पिकाकरिता सूक्ष्म सिंचन संचासाठी अल्प व अत्यल्प भूधारकांसाठी ५५ टक्के आणि इतर शेतकऱ्यांना ४५ टक्के अनुदान दिले जाणार आहे.

जिल्ह्यातील शेती प्रामुख्याने मोसमी पावसावर अवलंबून आहे. भूजल पातळीत दिवसेंदिवस होत असलेली घट आणि पावसाचा अनियमितपणा तसेच मागील तीन वर्षांत सरासरीपेक्षा कमी पडलेला पाऊस यांमुळे उपलब्ध पाणीसाठ्याचा काटकसरीने आणि नियोजनबद्ध वापर करणे अपरिहार्य झाले आहे. जलयुक्त शिवार अभियानातून जल व मृदसंवर्धनाबाबत कामे हाती घेण्यात आली आहे. परंतु, उपलब्ध असलेल्या व निर्माण झालेल्या पाणीसाठ्याचा पिकांसाठी अनियंत्रित व बेसुमार वापर होत असल्याने पाणीटंचाई निर्माण होत आहे. तसेच, जलसंवर्धनाच्या कामाचा अपेक्षित परिणाम दिसून येत नाही. पावसाचे प्रमाण कमी होत असल्याने दुष्काळजन्य स्थिती निर्माण होत आहे. दुष्काळी स्थितीमुळे पाण्याचा एकंदर असलेला साठा हा वेगाने घटत आहे.

या समस्येवर पर्याय म्हणून ठिबक सिंचन व तुषार सिंचन पद्धती वापरावर भर दिला जाणार आहे. २०१५-२०१६ ते २०१८-२०१९ अखेर जलयुक्त शिवार अभियानामध्ये निवडण्यात आलेली गावे व पाणी फाउंडेशनअंतर्गत वॉटर कॅप स्पर्धेत भाग घेतलेल्या गावांपैकी काही गावे शंभर टक्के सूक्ष्म सिचंनाखाली आणण्याचे जिल्हाधिकारी श्‍वेता सिंघल कृषी दिन कार्यक्रमात घोषित केले होते. यानुसार जिल्ह्यातील १७३ गावांची निवड करण्यात आली आहे. २०१८-१९ मध्ये केंद्र शासनाने महाराष्ट्राकरिता पंतप्रधान कृषी सिंचन योजनेंतर्गत केंद्र पुरस्कृत सूक्ष्म सिंचन योजना या नावाने योजनेस मान्यता दिली आहे.

यातून केंद्र व राज्याचा हिस्सा ६०:४० टक्के या प्रमाणात जिल्ह्याकरिता मोठ्या प्रमाणात निधी देणार आहे. या योजनेत फलोत्पादन आणि बिगर फलोत्पादन पिकाकरिता सूक्ष्म सिंचन संचासाठी अल्प व अत्यल्प भूधारकांसाठी ५५ टक्के आणि इतर शेतकऱ्यांना ४५ टक्के दराने अनुदान दिले जाणार आहे.

तालुका निहाय निवड झालेली गावे ः सातारा १५, कोरेगाव ३०, खटाव ४०, कराड २०, पाटण ४, वाई १०, जावली ५, खंडाळा ४, फलटण २५, माण २०.
 

इतर ताज्या घडामोडी
एचटी सीड ‘एसआयटी’ची पोलिसांच्या...नागपूर  ः राज्य शासनाने स्थापन केलेल्या एच....
इतिहासकालीन जलसंधारण अन् त्यामागचे...दरवर्षी पिढ्यानपिढ्या पावसाचे पाणी वेगवेगळे उपाय...
अभ्यासक्रमात हवा भूसूक्ष्मजीवशास्त्राचा...महाराष्ट्रात चार कृषी विद्यापीठे असून, तिथे १२...
ठिबकचे अनुदान वाटपासाठी अधिकाऱ्यांची...पुणे ः शासनाकडून ठिंबक सिंचनासाठी तरतूद केलेली...
होळीमुळे द्राक्ष काढणी मंदावलीनाशिक : द्राक्षपट्ट्यात द्राक्ष काढणीसाठी आदिवासी...
एकरकमी एफआरपीबाबत साखर कारखान्यांचे मौनसातारा ः जिल्ह्यातील बहुतांशी कारखान्यांचा ऊस...
‘बळिराजा'चे सोळा उमेदवार जाहीरकोल्हापूर : देशात शिक्षण, आरोग्य, रोजगार तसेच...
साताऱ्यात हिरवी मिरची ४०० ते ५०० रुपये...सातारा ः येथील कृषी उत्पन्न बाजार समितीत मंगळवारी...
धुळ्यात भाजपमध्ये अंतर्गत धुसफुसजळगाव ः लोकसभा निवडणुकीत भाजपचे जळगाव व...
नाशिकमध्ये युतीचे उमेदवार ठरेनानाशिक: लोकसभेच्या निवडणुकीसाठी नाशिक व दिंडोरी...
पुणे जिल्ह्यातील सात साखर कारखान्यांचा...पुणे ः पुणे जिल्ह्यातील साखर कारखान्यांचा ऊस गाळप...
उष्णतेचे कारण देऊन पपईच्या दरात अडवणूकनंदुरबार : जिल्ह्यातील पपई उत्पादकांना अपेक्षित...
नांदेड जिल्ह्यात साडेअकराशे हेक्टरवर...नांदेड ः नांदेड जिल्ह्यात गुरुवार (ता. १४) पर्यंत...
नगर जिल्हाधिकाऱ्यांच्या तपासणी मोहिमेची...नगर : जनावरांच्या छावण्या सुरू केल्या. मात्र,...
वऱ्हाडात हळद काढणीला सुरवातअकोला : वऱ्हाडात दुष्काळी परिस्थिती, तसेच पाणी...
परभणीतील पशुवैद्यक विद्यार्थ्यांचे भीक...परभणी ः पशुसंवर्धन विभागांतर्गंत पशुधन सहायकांना...
नाशिक जिल्ह्यात बिबट्यांचा धुमाकूळनाशिक : नाशिक शहर व जिल्ह्यात बिबट्याच्या...
सोलापूर कृषी विज्ञान केंद्राला...सोलापूर : भारतीय कृषी व संशोधन परिषदेअंतर्गत...
नगर जिल्ह्यात सव्वा कोटी टन उसाचे गाळपनगर ः जिल्ह्यातील २३ सहकारी व खासगी साखर...
सोलापूर जिल्हा दूध संघाचे पैसे...सोलापूर : दूध अनामत रक्कम, पशुखाद्य व गायी...