agriculture news in marathi, the villages will be water scaricity free, pune, maharashtra | Agrowon

पुणे जिल्ह्यातील वीस गावे होणार पाणीटंचाईमुक्त
टीम अॅग्रोवन
सोमवार, 26 मार्च 2018
पुणे : पाणीटंचाई भासत असलेल्या पुणे जिल्ह्यातील गावांमध्ये भूजल विभागामार्फत जलस्वराज्य प्रकल्पाचा दुसरा टप्पा राबविण्यात येत आहे. या टप्प्यात वीस गावांमध्ये नवीन तंत्रज्ञानावर आधारित धातूच्या टाक्‍या उभारण्यात येत आहेत. त्यामुळे लवकरच या वीस गावांचा पाणीटंचाईमुक्तीच्या दिशेने प्रवास सुरु होणार असून, गावातील नागरिकांना वर्षभर पाणी उपलब्ध होणार आहे. 
 
पुणे : पाणीटंचाई भासत असलेल्या पुणे जिल्ह्यातील गावांमध्ये भूजल विभागामार्फत जलस्वराज्य प्रकल्पाचा दुसरा टप्पा राबविण्यात येत आहे. या टप्प्यात वीस गावांमध्ये नवीन तंत्रज्ञानावर आधारित धातूच्या टाक्‍या उभारण्यात येत आहेत. त्यामुळे लवकरच या वीस गावांचा पाणीटंचाईमुक्तीच्या दिशेने प्रवास सुरु होणार असून, गावातील नागरिकांना वर्षभर पाणी उपलब्ध होणार आहे. 
 
जिल्ह्यातील अतिदुर्गम, डोंगराळ भागातील गावे, वाड्या वस्त्यांना दरवर्षी उन्हाळ्यात सुमारे ९० ते १२० दिवस पिण्याच्या पाण्याची टंचाई भासते. यामुळे टॅंकर,बैलगाडीद्वारे पाणीपुरवठा करावा लागतो. तीन ते पाच किलोमीटरपेक्षा जास्त अंतरावरून महिलांना पाणी आणावे लागत असलेली गावे, पाचशेपेक्षा कमी लोकसंख्या असलेली आणि वर्षभर पाणीपुरवठ्यासाठी योजना असूनही उन्हाळ्यात टॅंकरद्वारे पाणीपुरवठा करावी लागणारी गावे या निकषाअंतर्गत वीस गावांची निवड या प्रकल्पात करण्यात आली आहे.
 
या गावात पारंपरिक सिंमेटच्या टाकीऐवजी नवीन तंत्रज्ञान आधारित धातूच्या टाक्‍या बसविणे प्रस्तावित आहे. या टाक्‍या पूर्वनिर्मित असून टंचाईग्रस्त गावांमध्ये योग्य जागेवर त्याची उभारणी करता येणार आहे. या टाकीचा बाहेरील भाग धातूचा आणि गंज प्रतिरोधक पन्हाळी असलेला आहे. 
 
आतील आवरण विशेष प्रकारच्या तीन थर असलेल्या साहित्याचे आहे. सध्या वीस गावांपैकी सहा गावांमध्ये या टाक्‍या उभारण्याचे कामे सुरू असून उर्वरित १४ 
गावांमध्ये लवकरच या धातूच्या टाक्‍या बसविल्या जाणार आहेत. 
 
याबाबत भूजल विभागाचे पुणे विभागाचे उपसंचालक डॉ. मिलिंद देशपांडे म्हणाले, की पेट्रोल आणि डिझेलसाठी टाक्‍या उभारल्याचे चित्र यापूर्वी पाहावयास मिळत होते. पण हे तंत्रज्ञान महाग असल्याने त्यांचा फारसा विचार पाणी साठवणीसाठी होत नव्हता. परंतु आता पाच ते सात रूपये प्रतिलिटर इतक्‍या खर्चात टाकी उभारणी शक्‍य झाले आहे.
 
महाराष्ट्र, गुजरात आणि दिल्लीमध्ये अशा पद्धतीच्या टाक्‍यांचे तंत्रज्ञान विकसित झाले आहे. टाकीसाठी चौथरा आवश्‍यक असून एक ते दोन दिवसांत टाकीची उभारणी करता येते. धातूचे पत्रे नट बोल्टने जोडले जातात. टाकीच्या शेजारी पाच हजार लिटरची टाकी उभारण्यात येते. त्याद्वारे नागरिकांना पाणीपुरवठा करण्यात येतो. या टाकीचे आयुष्यमान जवळपास ४० ते ५० वर्षे एवढे असल्याने कायमस्वरूपी नागरिकांना पाणीपुरवठा होऊ शकतो. 
 
टाक्‍या बसविण्यात येत असलेली गावे, वाड्या-वस्त्या 

ः खेडगणेशखिंड, ठाकरवाडी, गणेशनगर, काळेचदरा, ठोकेवस्ती, दोरेवस्ती, पवारवस्ती, ठाकर वस्ती, कुंभारदरे,

भोरभूतोंडे, धारंबेवाडी, अशिम्पी, मुळशीखरब, मानदेव खडक, आंबेगाव ः म्हातारदरे, जुन्नरशेळकेमळा, संतवाडी,  तोमगीरेवाडी, वेल्हा ः खंदारेवस्ती, कुबातलवस्ती.

इतर ताज्या घडामोडी
समुद्राच्या उधाणामुळे पीक नुकसान ...मुंबई  : समुद्र किनाऱ्यावरील शेतीचे तसेच...
‘मग्रारोहयो’त २८ नव्या कामांचा समावेशनागपूर : महात्मा गांधी राष्ट्रीय ग्रामीण...
पुणे जिल्ह्यात तीन लाख जमीन...पुणे   ः जमिनीतील विविध घटकांची माहिती...
पुणे जिल्हा परिषदेत दर रविवारी ‘...पुणे  : स्वयंसहायता समूहाच्या (बचत गट)...
गोदावरी कालव्यांचे लोकसहभागातून...कोपरगाव, जि. नगर ः शंभर वर्षांहुन अधिक आयुर्मांन...
सातारा जिल्ह्यात रब्बीत अवघे नऊ टक्के...सातारा  ः रब्बी हंगामात पीक कर्जाकडे...
महालक्ष्मी सरस प्रदर्शनामुळे  ग्रामीण...मुंबई   ः ॲमेझॉन, फ्लिपकार्टच्या...
सहकारमंत्र्यांनी राजीनामा द्यावा :...सोलापूर  ः उसाची एकरकमी एफआरपी देण्यात साखर...
काँग्रेसमध्ये नवचैतन्य; प्रियंका गांधी...नवी दिल्ली : काँग्रेस अध्यक्ष राहुल गांधी...
पीकनिहाय सेंद्रिय खत व्यवस्थापनपशुपालनातून जमिनीची सुपीकता हा विषय आता...
परोपजीवी मित्र-कीटकांची ओळखसध्या केवळ कीडनियंत्रणासाठी कीटकनाशकांच्या...
खोडवा उसाला द्या शिफारशीत खतमात्रापाण्याची उपलब्धता लक्षात घेऊन रासायनिक खतांचा...
परभणीत काकडी १००० ते १५०० रुपये क्विंटलपरभणी : येथील पाथरी रस्त्यावरील फळे,...
मागण्यांसाठी संग्रामपूर येथे...बुलडाणा  ः जनावरांसाठी चारा नाही, लोकांना...
शेतकऱ्यांनी पाडली तूर खरेदी बंदयवतमाळ : हमीभावापेक्षा ९०० ते १००० रुपये कमी...
कर्जमाफीसाठी पॉलिहाउस शेडनेटधारक...नगर  : पॉलिहाउस शेडनेटधारक शेतकऱ्यांचे...
विदर्भात पाच ठिकाणी होणार ब्रिज कम...अमरावती  ः भूजल पुनर्भरणाच्या उद्देशाने...
सोलापूर जिल्ह्यातील १६२ पाणंद...सोलापूर : सोलापूर जिल्ह्यात पालकमंत्री पाणंद...
खानदेशात मक्याची आवक नगण्यजळगाव : खानदेशातील प्रमुख बाजार समित्यांमध्ये मक्...
सातारा जिल्ह्यात ४६ लाख ३५ हजार टन ऊस...सातारा : जिल्ह्यातील ऊस गाळप हंगाम वेगात...