‘वनामकृवि’त रविवारपासून राज्य आंतरविद्यापीठ युवक महोत्सव

‘वनामकृवि’त रविवारपासून राज्य आंतरविद्यापीठ युवक महोत्सव

परभणी :  वसंतराव नाईक मराठवाडा कृषी विद्यापीठामध्ये रविवार (ता. ५) ते गुरुवार (ता. ९) या कालावधीत १५ व्या महाराष्ट्र राज्य आंतरविद्यापीठ युवक महोत्सव इंद्रधनुष्य- २०१७ चे आयोजन करण्यात आले आहे. या महोत्सवामध्ये राज्यातील २० विद्यापीठांचे विद्यार्थी विविध कलाप्रकार सादर करणार आहेत. रविवारी (ता. ५) सकाळी दहा वाजता महोत्सवाचे उद्‍घाटन होणार असल्याची माहिती कुलगुरू डाॅ. बी. व्यंकटेश्वरलू यांनी शुक्रवारी (ता. ३) पत्रकार परिषदेत दिली. वसंतराव नाईक मराठवाडा कृषी विद्यापीठातील विद्यार्थी कल्याण अधिकारी कार्यालयाच्या मैदानावर इंद्रधनुष्य युवक महोत्सवाचे उद्‍घाटन परभणीचे आमदार डाॅ. राहुल पाटील यांच्या हस्ते होणार आहे. या वेळी प्रसिद्ध कवी प्रा. इंद्रजित भालेराव हे प्रमुख पाहुणे म्हणून उपस्थित राहणार आहेत. कुलगुरू डाॅ. बी. व्यंकटेश्वरलू अध्यक्षस्थानी राहतील. गुरुवारी (ता. ९) या महोत्सवाच्या समारोपीय आणि बक्षीस वितरण कार्यक्रमास खासदार संजय जाधव उपस्थित राहणार आहेत. राज्‍यातील महाविद्यालयीन युवकांमधील कलागुणांना वाव मिळावा या हेतूने दरवर्षी राज्‍यपाल कार्यालयाच्‍या आदेशानुसार या महोत्सवाचे आयोजन करण्‍यात येते.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com