जळगाव जिल्ह्याला प्रकल्प भरण्याची प्रतीक्षा

जळगाव जिल्ह्याला प्रकल्प भरण्याची प्रतीक्षा
जळगाव जिल्ह्याला प्रकल्प भरण्याची प्रतीक्षा

जळगाव : जिल्ह्यातील प्रमुख प्रकल्पांमधील वाघूर व गिरणा धरण अजूनही ५० टक्के देखील भरलेले नाही. पावसाळा महिनाभर राहिलेला आहे. फारसे दिवस पावसाळ्याचे नसल्याने प्रकल्प भरतील की नाही, हा मुद्दाही उपस्थित झाला आहे.

जिल्ह्यात सरासरीच्या ६१ टक्केच पाऊस झाला आहे. सोयाबीन, कोरडवाहू कापसाच्या पिकाला पावसाची नितांत गरज आहे. वाघूरमध्ये ४६.७३, गिरणामध्ये ४८.२८ व हतनूरमध्ये ७१.७६ टक्के जलसाठा आहे. हतनूरचे दोन दरवाजे मागील आठवड्यात अर्ध्या मीटरने उघडे होते. पण पाण्याचा प्रवाह बंद असल्याने या धरणाचे दोन्ही दरवाजे बंद केले आहेत. इतर प्रकल्पांमधील पाण्याचा प्रवाहदेखील बंद झाला आहे. मागील दोन दिवसात कुठल्याही धरणाची पाणी पातळी फारशी वाढलेली नाही. पाणी पातळी वाढलेली नसल्याने टक्केवारी स्थिर दिसत आहे.

पश्‍चिम भागातील मन्याड, बहुळा, भोकरबारी, बोरी, अंजनी हे प्रकल्प कोरडेच आहेत. पाचोरा तालुक्‍यातील हिवरा प्रकल्पात ३० टक्केही साठा झालेला नाही. जामनेर तालुक्‍यातील तोंडापूर प्रकल्पात ३.७३ टक्के जलसाठा झाला आहे.

चोपडा व शिरपूर (जि. धुळे) तालुक्‍यासाठी उपयुक्त असलेल्या अनेर धरणातील साठा वाढला असून, तो ७०.९४ टक्के एवढा झाला आहे. तर यावल तालुक्‍यातील सातपुडा पर्वताजवळील मोर धरणातील साठा ५२ टक्के झाला आहे.

धुळ्यात पांझरा भरले

धुळे जिल्ह्यातील मालनगाव, अमरावती हे प्रकल्पही कोरडेच आहेत. फक्त पांझरा प्रकल्प भरला आहे. तापी नदीला चांगले प्रवाही पाणी आहे. सुलवाडे बॅरेजचे दरवाजेही बंद केल्याची माहिती मिळाली. शिंदखेडा, साक्री, धुळे भागात जोरदार पावसाची प्रतीक्षा आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com