agriculture news in marathi, Waiting for milk supply of Marathwada farmers | Agrowon

मराठवाड्यातील उत्पादकांना जाहीर दूधदराची प्रतीक्षा
टीम अॅग्रोवन
बुधवार, 1 ऑगस्ट 2018

औरंगाबाद : दूध दरवाढीसाठीच्या आंदोलनानंतर जाहीर करण्यात आलेला २५ रुपये प्रतिलिटरचा दर मिळण्याची मराठवाड्यातील शेतकऱ्यांना प्रतीक्षा कायम आहे. तूर्त ३.५ फॅट्‌स व ८.५ एसएनएफ असलेल्या दुधाला १९ ते २० रुपये प्रतिलिटरचा दर मिळत असल्याची माहिती दूध उत्पादकांनी दिली.

औरंगाबाद : दूध दरवाढीसाठीच्या आंदोलनानंतर जाहीर करण्यात आलेला २५ रुपये प्रतिलिटरचा दर मिळण्याची मराठवाड्यातील शेतकऱ्यांना प्रतीक्षा कायम आहे. तूर्त ३.५ फॅट्‌स व ८.५ एसएनएफ असलेल्या दुधाला १९ ते २० रुपये प्रतिलिटरचा दर मिळत असल्याची माहिती दूध उत्पादकांनी दिली.

दूध दरवाढीसाठी औरंगाबाद जिल्ह्यातील लाखगंगा मोफत दधूवाटप सुरू करून शेतकऱ्यांनी दूधदराच्या प्रश्नाकडे सर्वांचे लक्ष वेधले होते. त्यानंतर स्वाभिमानी शेतकरी संघटनेने उठविलेल्या आवाजाला साथ देत मराठवाड्यातील शेतकऱ्यांनी मोठ्या प्रमाणात दूध संघ वा डेअऱ्यांना न घालण्याचा निर्णय घेतल्याने मराठवाड्यातील बीड, उस्मानाबादसह जवळपास सर्वच जिल्ह्यांतील दूध संकलनावर मोठा परिणाम झाला होता.

आंदोलनाच्या समारोपाला गायीच्या ३.५ फॅट्‌स व ८.५ एसएनएफला २१ जुलैपासून प्रत्येक संघ व डेअऱ्यांनी २५ रुपये प्रतिलिटरप्रमाणे दर देण्याचे शासनाने आदेशीत केले होते; परंतु त्यानंतरही मराठवाड्यात ३.५ फॅट्‌स व ८.५ एसएनएफ असलेल्या दुधाला १९ ते २० रुपये प्रतिलिटरपुढे दर मिळाला नसल्याची माहिती उत्पादकांनी दिली. याविषयी सुरू असलेल्या बैठकांच्या खलबतांमधून येत्या १ ऑगस्टपासून दर मिळेल, ही आस दाखविली जात असल्याने तूर्त काही बोलण्याऐवजी तेव्हापासून दर मिळतो का याची वाट आम्ही पाहत असल्याचे उत्पादकांनी सांगितले. शासन याविषयी माहिती संकलित करण्याचे काम करते आहे. त्यासाठी जवळपास चार बैठका झाल्या आहेत. येत्या १ ऑगस्टला त्याविषयी अंमलबजावणी होणे अपेक्षित असल्याच्या दूध उत्पादक संघाच्या सूत्रांनी सांगितले.

मराठवाड्यात साधारणत: साडेनऊ लाख लिटर दुधाचे संकलन दररोज केले जाते. त्यापैकी जवळपास एक लाख लिटर शासन, जवळपास सव्वादोन लाख लिटर सहकारी दूध संघ तर उर्वरित खासगी यंत्रणा संकलीत करीत असल्याची स्थिती आहे. दुग्धविकास विभागाचे प्रादेशिक अधिकारी, काही डेअरी, दूध संघाचे प्रतिनिधी आदींची मुंबईत मंगळवारी (ता. ३१) बैठक बोलावली गेली होती. त्या बैठकीच्या खलबतांकडेही सर्वांचे लक्ष लागल्याचे सूत्रांनी सांगितले. त्यामुळे तूर्त जाहीर दर मिळत नसलेल्या उत्पादकांना तो कधी मिळतो याची प्रतीक्षा लागून असल्याची माहिती दूध उत्पादकांनी दिली.

इतर बातम्या
खानदेशात टॅंकरचा आकडा शंभरी पारजळगाव  : खानदेशात पाणीटंचाई तीव्र होत आहे....
जंगलातून होणाऱ्या नत्र प्रदूषणाचे...अमेरिकन वनसेवेतील शास्त्रज्ञांनी जंगलातून...
वनस्पती अवशेषापासून स्वस्त, शाश्वत हवाई...पिकांचे अवशेष आणि झाडांची लाकडे यांच्यापासून...
नागपुरात लघुसिंचनचे बारा तलाव कोरडेहिंगणा, नागपूर : जिल्हा परिषद लघुसिंचन विभागाच्या...
खानदेशात बाजरी मळणीवरजळगाव : खानदेशात बाजरी पीक मळणीवर आले आहे. आगामी...
गिरणाच्या पाण्यासाठी आज रास्ता रोकोजळगाव : दुष्काळी परिस्थितीमुळे गिरणा पट्ट्यातील...
थकीत चुकाऱ्यांसाठी स्वाभिमानी आक्रमकबुलडाणा : जिल्ह्यात शेतकऱ्यांनी तूर, मूग, उडदाची...
सोलापूरसाठी उजनीतून पाणी सोडलेसोलापूर : उजनी धरणातून भीमा नदीपात्रात सोलापूर...
सोलापूर जिल्ह्यात टँकरचा आकडा सव्वाशेवरसोलापूर  : जिल्ह्यात उन्हाच्या वाढत्या...
लासुर्णेमध्ये जिल्हा बॅंकेसमाेर...वालचंदनगर, जि. पुणे ः लासुर्णे (ता. इंदापूर)...
अकोला, बुलडाण्यात अर्ज दाखल करण्यासाठी...अकोला : लोकसभा निवडणूकीसाठी उमेदवारी अर्ज दाखल...
सांगली जिल्ह्यात ऊस गाळप हंगाम अंतिम...सांगली ः साखर कारखान्यांच्या गळीत हंगामातील...
देहूगाव-लोहगाव गटातून शिवसेनेच्या शैला...पुणे : सदस्याचे जातपडताळणी प्रमाणपत्र फेटाळल्याने...
परभणी जिल्ह्यात मनरेगाअंतर्गत १४६...परभणी ः महात्मा गांधी राष्ट्रीय ग्रामीण रोजगार...
जळगाव, धुळे, नंदुरबारमध्ये रंगणार...जळगाव ः खानदेशात रावेर वगळता नंदुरबार, धुळे व...
शेतकऱ्यांना संपूर्ण कर्जमुक्ती : '...मुंबई ः शेतीच्या शाश्वत सुधारणेला गती देण्यासाठी...
शेतकरी कंपन्यांमार्फत रेशीम धागा...परभणी ः ‘‘शेतकरी उत्‍पादक कंपन्‍या स्‍थापन करून...
गरिबांना वार्षिक ७२ हजारांच्या हमीचे...नवी दिल्ली : लोकसभा निवडणुकीसाठी कॉंग्रेसने...
नांदेड जिल्ह्यात तूर उत्पादकता...नांदेड  ः नांदेड जिल्ह्यात २०१८-१९ मधील खरीप...
सांगली : कडब्याचे दर पोचले साडेचार हजार...सांगली  ः यंदा दुष्काळी स्थिती तीव्र आहे....