agriculture news in marathi, Waiting for more ten days for extra milk rate | Agrowon

वाढीव दूधदरासाठी दहा दिवसांनंतरही प्रतीक्षाच
टीम अॅग्रोवन
बुधवार, 1 ऑगस्ट 2018

आता एक ऑगस्टापासून वाढीव दर देणार आहोत, असे सांगितले आहे. वाट पाहण्याशिवाय दुसरा पर्याय नाही?
- महेंद्रकुमार बाजारे, दूध उत्पादक, महूद, ता. सांगोला.

माझी स्वतःची खासगी छोटी डेअरी आहे. शेतकरी मला सातत्याने दराबाबत विचारणार करतात, पण शासन निर्णयानुसार आम्हाला दर मिळाला, तर पुढे आम्ही तो शेतकऱ्यांपर्यंत पोचवू शकतो. काहीतरी मार्ग काढून दर दिला पाहिजे.
- पदमाकर भोसले, अध्यक्ष, मथुरा दूध डेअरी, पापरी, ता. मोहोळ

``शासनाने जाहीर केलेल्या निर्णयानुसार आम्ही दर देणार आहोत. त्यासंबंधी माहिती घेण्याचे काम सुरू आहे. काही खासगी दूध संघासह सहकारी दूध संघांना दूधदर देण्यात काही तांत्रिक अडचणी आहेत. त्याबाबत दुग्ध विभागाशी चर्चा सुरू आहे. शासनाच्या सुधारित निर्णयाची वाट पाहतो आहोत. त्या निर्णयानंतर लागलीच नव्या निर्णयाची अंमलबजावणी केली जाईल.``
- सतीश मुळे, व्यवस्थापकीय संचालक,
सोलापूर जिल्हा दूध उत्पादक संघ, सोलापूर

सोलापूर : राज्यातील दूध उत्पादकांना प्रतिलिटर २५ रुपये वाढीव दर देण्याचा निर्णय शासनाने जाहीर करून आज दहा दिवसांचा कालावधी उलटला; पण सोलापूर जिल्ह्यातील दूध संघ आणि खासगी दूध संघांकडून टोलवाटोलवी सुरू आहे. शिवाय हा दर देण्यासाठीही एसएनएफ आणि फॅटच्या अटी आणि पुन्हा तो कसा द्यायचा, याबाबतही साशंकता असल्याने दूध उत्पादकांच्या पदरी निराशा पडली आहे. त्यामुळे आणखी काही दिवस तरी दूध उत्पादकांना प्रतीक्षा करावी लागणार आहे.
 
सोलापूर जिल्ह्यात जिल्हा दूध संघ आणि खासगी दूध संघाकडून जवळपास १२ लाख लिटरपर्यंतचे संकलन होते. शासनाकडूनच अद्याप आमच्याकडे दराविषयी काहीच आलेले नाही, त्यामुळे आम्ही दर देऊ शकत नाही, असे दूध संघांतर्फे सांगितले जात आहे. २० जुलै रोजी शासनाने काढलेल्या परिपत्रकातील त्रुटी दुरुस्ती करण्याचे काम सध्या युद्धपातळीवर सुरू आहे. दूध दर कसा द्यायचा, यावरच दुग्धविकास विभाग गोंधळात आहे. त्यामुळेही या प्रक्रियेला वेळ लागत असल्याचे सांगण्यात येते. शासनाने जाहीर केलेल्या निर्णयानुसार ३.५ फॅट ते ८.५ एसएनएफ असणाऱ्या दुधालाच हा दर मिळणार आहे.

...तर कसा मिळेल दूधदर?
गाईच्या दुधातील सर्वसाधारण नैसर्गिक फॅटचे प्रमाण हे २.५ ते ४.५, एसएनएफचे प्रमाण हे ७.५ ते ८.७, प्रोटिनचे प्रमाण हे ३३.५ टक्के ते ३४.५० टक्क्यांपर्यंत असते. हे सर्व घटक गाईची जात, वय, वेताचे दिवस आणि सर्वात महत्त्वाचे म्हणजे खाद्य या बाबींवर अवलंबून असतात. गाय कधीच ३.५ फॅट ते ८.५ एसएनएफ आणि ३४.५० टक्के अशा प्रकारे नैसर्गिकरीत्या दूध देत नाही, असे तज्ज्ञांचे मत आहे. त्यामुळे शासनाच्या निर्णयानुसार फॅट आणि एसएनएफचा विचार करता पुन्हा वाढीव दर मिळण्यात शेतकऱ्यांना अडचण येणार आहे.

 

इतर बातम्या
...आवाज कुणाचा? लोकसभा २०१९चा आज निकालनवी दिल्ली : संपूर्ण जगाचे लक्ष लागून असलेल्या...
कृषी विद्यापीठांना नकोय शिक्षण परिषदेचे...नागपूर : भारतीय कृषी संशोधन परिषदेने तयार...
कोकण, मध्य महाराष्ट्र, मराठवाड्यात...पुणे : उन्हाचा चटका वाढल्याने राज्यातील...
राज्यात कृत्रिम पावसाची तयारी सुरूमुंबई : राज्यातील यंदाच्या भीषण दुष्काळाची...
फळबाग लागवड योजनेवर ग्रामसेवकांचा...चिपळूण, जि. रत्नागिरी ः महाराष्ट्र ग्रामसेवक...
‘रिसॅट-२ बी'चे उपग्रहाचे यशस्वी...श्रीहरीकोट : भारतीय अंतराळ संशोधन संस्थेने (इस्रो...
‘कृष्णामाई’चा कर्नाटकातील काठ तहानला;...कोल्हापूर : कृष्णा नदीवर अवलंबून असणाऱ्या कर्नाटक...
देशभरात ७२४ महिला उमेदवारांचे भवितव्य...नवी दिल्ली : देशात नुकत्याच झालेल्या लोकसभा...
हृदयासाठी आरोग्यवर्धक पदार्थांतून सोया...अमेरिकी अन्न आणि औषध प्रशासनाने हृदयासाठी...
अमरावती : नाफेडने अचानक केली तूरखरेदी...अमरावती : ऑनलाइन नोंदणी केलेल्या दहा टक्‍के...
बुलडाणा जिल्ह्यात भीषण पाणीटंचाईबुलडाणा ः गेल्या काही वर्षांत पहिल्यांदाच...
दुष्काळात संत्रा बागेला टँकरच्या...अकोला ः दुष्काळी परिस्थितीने शेतकऱ्याला चौफेर...
खानदेशात सौर कृषिपंप योजनेतून लवकरच पंप...जळगाव ः सौर कृषिपंपासाठी खानदेशातून ८ हजार ९५०...
मिरज, तासगावसह सिंधुदुर्गात पाऊससिंधुदुर्ग, सांगली : विजांच्या कडकडाटांसह...
लातूर :थकित पैशांसाठी अडत्यांचे उपोषणलातूर : लातूर उच्चत्तम कृषी उत्पन्न बाजर...
मराठवाड्यात नवीन खासदारांबाबत उत्कंठानांदेड : मराठवाड्यातील आठ लोकसभा मतदारसंघांतील...
कोल्हापूर, सांगलीत निकालाची उत्सुकता...सांगली : लोकसभा निवडणुकीची मतमोजणी गुरुवारी (ता....
सोलापूर, माढ्याच्या निकालाकडे देशाचे...सोलापूर : अत्यंत प्रतिष्ठेच्या ठरलेल्या...
परभणी जिल्ह्यातील ग्रामीण भागात ७५...परभणी : जिल्ह्याच्या ग्रामीण भागात पाणीटंचाईचे...
सोलापूर : ओसाड रानं अन्‌ जनावरांची पोटं...सोलापूर ः टॅंकरच्या पाण्यासाठी गावोगावी...