agriculture news in marathi, waste based energy generation project in market committee, pune, maharashtra | Agrowon

बाजार समित्यांमध्ये कचऱ्यावर आधारित ऊर्जानिर्मिती प्रकल्प
टीम अॅग्रोवन
शनिवार, 29 सप्टेंबर 2018

५० टनांपर्यंत कचरा निर्माण हाेणाऱ्या बाजार समित्यांमधील कचऱ्याची विल्हेवाट लावण्यासाठी वर्षाला किमान दाेन काेटी रुपयांपर्यंत खर्च येत आहे. हा खर्च कमी करून गॅस आणि ऊर्जानिर्मिती प्रकल्प उभारल्यास कचऱ्याचा प्रश्‍नदेखील संपेल. याबराेबरच बाजार समित्यांचा विजेसाठी हाेणारा खर्च कमी हाेईल. अतिरिक्त वीज किंवा गॅस विक्रीतून उत्पन्न देखील मिळेल. यासाठी पणन मंत्री सुभाष देशमुख यांच्या सूचनेनुसार विविध बाजार समित्यांचे सर्वेक्षण करण्यात येणार आहे.
- सुनील पवार, कार्यकारी संचालक, पणन मंडळ, पुणे.

पुणे   ः शहरांत तसेच बाजार समित्यांमधील कचऱ्याचा प्रश्‍न गंभीर बनत आहे. या कचऱ्यावर प्रक्रिया करून वायु आणि ऊर्जानिर्मिती प्रकल्प उभारण्यात येणार आहेत यासाठी पणन मंत्री सुभाष देशमुख यांच्या सूचनेनुसार पणन मंडळाच्या वतीने कचऱ्यावर प्रक्रिया आणि ऊर्जानिर्मिती करणाऱ्या संस्थेने बाजार समित्यांच्या पदाधिकाऱ्यांना ‘पणन’च्या संचालक मंडळाच्या बैठकीदरम्यान शुक्रवारी (ता. २८) सादरीकरण केले. या वेळी पणन मंडळाचे कार्यकारी संचालक सुनील पवार, सरव्यवस्थापक दीपक शिंदे उपस्थित हाेते.   

बाजार समित्यांमधील कचऱ्यावर प्रक्रिया करून गॅस आणि ऊर्जानिर्मितीसाठी पणन मंडळाने पुढाकार घेतला आहे. गॅस आणि वीजनिर्मितीमधून बाजार समित्या स्वयंपूर्ण झाल्यास विजेसाठी हाेणारा लाखाे रुपयांचा खर्च कमी करून, अतिरिक्त वीज विक्री करता येणार आहे. यामुळे बाजार समित्यांना अतिरिक्त उत्पन्नदेखील मिळवणे शक्य हाेणार आहे. ऊर्जा प्रकल्पाबाबत एन्प्राेटेक साेल्युशनचे संजय नांद्रे यांनी विविध क्षमतेच्या प्रकल्प आराखड्यांचे सादरीकरण केले.

या वेळी दरराेज ५० टन आेला कचरानिर्मिती हाेणाऱ्या बाजार समित्यांमध्ये प्रकल्प उभारणे शक्य आहे. ५० टन कचरा प्रक्रिया प्रकल्पासाठी १५ काेटी रुपये खर्च अपेक्षित असून, यासाठी एक एकर जागेची आवश्यकता असेल. हा प्रकल्प संबंधित कंपनी १० वर्षांपर्यंत चालविणार असून, ७ ते ८ वर्षांमध्ये प्रकल्पाची किंमत वसूल हाेण्याचा दावा कंपनीच्या वतीने करण्यात आला.

या प्रकारचे प्रकल्प शिर्डी देवस्थान, काेल्हापूर, पुणे येथे उभारण्यात आले असून ते यशस्वीरित्या सुरू अाहेत. या प्रकल्पांसाठी केंद्र आणि राज्य शासनाकडून प्रत्येकी एक काेटी रुपयांपर्यंत अनुदान मिळणार असल्याचेही नांद्रे यांनी सांगितले.
 

इतर ताज्या घडामोडी
काकडी, दोडका, कारल्याच्या दरात सुधारणापुणे : गुलटेकडी येथील कृषी उत्पन्न बाजार...
‘गिरणा‘च्या पाण्यासाठी वाळूचा बंधाराजळगाव : गिरणा नदीतून पिण्यासह शेतीच्या पाण्याचे...
‘समृद्धी’च्या उभारणीसाठी रॉयल्टीत देणार...नाशिक   : मुंबई-नागपूर समृद्धी महामार्गाच्या...
व्याजासह एफआरपी दिल्याशिवाय...पुणे  : राज्यातील साखर कारखान्यांनी थकीत...
कोल्हापुरात पहिल्या टप्प्यात गूळदरात वाढकोल्हापूर  ः यंदाच्या गूळ हंगामाला सुरवात...
सरुड येथील गुऱ्हाळघरमालक उसाला देणार...कोल्हापूर : गुऱ्हाळघर व्यवसायात व्यावसायिकपणा...
नगर जिल्ह्यात १७८ टॅंकरद्वारे पाणीपुरवठानगर   : जिल्ह्यात यंदा गंभीर पाणीटंचाई जाणवत...
पुणे बाजार समितीत हापूस आंब्यांची आवकपुणे  ः कोकणातील हापूस आंब्यांची या...
सातारा जिल्ह्यात पाणीटंचाई वाढलीसातारा   ः जिल्ह्याच्या पूर्व भागात...
नागपूर जिल्ह्यात रब्बीची २१ टक्के पेरणीनागपूर   ः पाणी उपलब्धतेची अडचण, जमिनीत...
राज्यकर्ते दूध भेसळ का थांबवत नाहीत :...पुणे : राज्यात राजरोस दुधात भेसळ सुरू असून, अन्न...
आर. आर. पाटील यांचे स्मारक युवकांना...सांगली   ः आर. आर. पाटील यांनी ग्रामविकास,...
जळगाव जिल्हा परिषद पाणी योजनांचे वीज...जळगाव : पाणी योजनांचे बिल भरण्यात आले नसल्याने...
जमीन सुपीकतेसाठी सेंद्रिय कर्बाचे...जमिनीच्या सुपीकतेमध्ये सेंद्रिय कर्ब हे अत्यंत...
खानदेशात कांदा लागवड निम्म्याने...जळगाव : खानदेशात यंदा उन्हाळ कांद्याची लागवड...
सटाणा, मालेगावसाठी सोडणार चणकापूर...नाशिक : सटाणा व मालेगावला भेडसावणाऱ्या...
पुणे विभागात ४८ हजार हेक्टरवर कांदा...पुणे   ः पुणे विभागात आत्तापर्यंत ४८ हजार...
वीजदरवाढीचा शॉक, अनुदानाची फक्त घोषणाचजळगाव ः वस्त्रोद्योगाला चालना मिळावी, उद्योजकांचा...
महिलांनी नाचणीपासून बनवले सत्तरहून अधिक...कोल्हापूर   : नाचणीची आंबील, नाचणीच्या...
बुलडाणा जिल्ह्यात रब्बीची ५६ हजार...बुलडाणा  ः कमी व अनियमित पावसामुळे संपूर्ण...