agriculture news in marathi, water flow start for farmer from Palkhed dam | Agrowon

पालखेडच्या धरणातून आवर्तन सुटले
टीम अॅग्रोवन
रविवार, 5 ऑगस्ट 2018
नाशिक : येवला, मनमाडसह पाणीपुरवठा योजनांसाठी पालखेड धरणातून आवर्तन पाटबंधारे खात्यातर्फे सोडण्यात आले आहे. निफाड, येवला तालुक्यांत पावसाने दिलेली ओढ आणि दुबार पेरणीचे संकट लक्षात घेता कालव्यावाटे जाणाऱ्या या पाण्याची वाटेत चोरी होण्याची भीती अधिकाऱ्यांमध्ये आहे. चोरी थांबवण्यासाठी कालव्यातील डोंगळे काढणे, पोलिसांची गस्त ठेवण्यासाठी अधिकारऱ्यांनी धावाधाव सुरू केली आहे.
नाशिक : येवला, मनमाडसह पाणीपुरवठा योजनांसाठी पालखेड धरणातून आवर्तन पाटबंधारे खात्यातर्फे सोडण्यात आले आहे. निफाड, येवला तालुक्यांत पावसाने दिलेली ओढ आणि दुबार पेरणीचे संकट लक्षात घेता कालव्यावाटे जाणाऱ्या या पाण्याची वाटेत चोरी होण्याची भीती अधिकाऱ्यांमध्ये आहे. चोरी थांबवण्यासाठी कालव्यातील डोंगळे काढणे, पोलिसांची गस्त ठेवण्यासाठी अधिकारऱ्यांनी धावाधाव सुरू केली आहे.
पालखेडमधून डाव्या कालव्याद्वारे पाणी सोडताना वेळोवेळी पाटबंधारे, जिल्हा प्रशासन व पोलिस खात्याकडून खबरदारी घेण्यात आली आहे. दिंडोरी तालुक्यातून सुटणारे पाणी वाटेत नाशिक, निफाड या तालुक्यांतून पुढे येवला व नंतर मनमाडपर्यंत जाते. वाटेत पाण्याची चोरी केली जात असल्याचे अनेक उदाहरणे आहेत. कालव्यात जमिनीखाली डोंगळे टाकून तसेच पाइपलाइनच्या माध्यमातून चार ते पाच किलोमीटरपर्यंत पंपाच्या साह्याने पाणी नेले जाते. त्यामुळे पाणी सोडतेवेळी कालव्याच्या दुतर्फा वीजपुरवठा खंडित करणे, पाणीचोरी रोखण्यासाठी पोलिसांची गस्त ठेवणे, डोंगळे जेसीबीच्या साह्याने उद्‍ध्वस्त करणे आदी उपाययोजना केल्या जातात. परंतु १ आॅगस्ट रोजी पालखेड धरणातून ४०० दशलक्ष घनफूट पाणी सोडण्यापूर्वी पाटबंधारे, महसूल व पोलिस खात्याने कोणतीही उपाययोजना केली नाही.
 
गेल्या आठवड्यात येवला, मनमाड शहर, रेल्वे, पाणीपुरवठा योजनांसाठी पाणी सोडण्यात आले असून, दोन दिवसांत सदरचे पाणी सुमारे ५० किलो मीटरपर्यंत पोचल्यानंतर पाटबंधारे खात्याला उपाययोजनांची आठवण झाली आहे. जिल्ह्यात गेल्या दोन महिन्यांपासून पावसाने हजेरी लावली असली तरी सिन्नर, निफाड, नांदगाव या तालुक्यांकडे पावसाने पाठ फिरविली आहे. शेतकऱ्यांनी पावसाच्या भरवशावर पेरणी केली. मात्र, आता पावसाअभावी दुबार पेरणीचे संकट उभे ठाकले आहे. पिके जगविण्यासाठी पाण्याची नितांत निकड भासू लागली असून, त्यामुळे पालखेडमधून सोडण्यात आलेले पाणी वाटेत चोरी होण्याची भीती पाटबंधारे खात्याच्या अधिकाऱ्यांना आहे.

इतर ताज्या घडामोडी
बोंड अळीचे जीवनचक्र खंडित करण्यासाठी...परभणी : सद्यःस्थितीत पाणी दिलेल्या कपाशीच्या...
नागपूरला होणार रेशीम कोष मार्केटनागपूर   ः राज्यात विस्तारत असलेल्या रेशीम...
खानदेशातील रब्बी पाण्याअभावी संकटातजळगाव  : अत्यल्प पावसामुळे खानदेशात...
साखर कारखान्यांच्या ताबेगहाण कर्जाला...मुंबई  ः साखर कारखान्यांना शेतकऱ्यांच्या ‘...
नगरमधील शेतकऱ्यांना मिळणार शेळीपालन,...नगर   : पशुसंवर्धन विभागामार्फत शेतकऱ्यांना...
जळगावात सीताफळाला प्रतिक्विंटल २५०० ते...जळगाव : कृषी उत्पन्न बाजार समितीमध्ये बुधवारी (ता...
संग्रामपूर खरेदी केंद्रावर अाॅनलाइन...बुलडाणा   : अाधारभूत किमतीने शेतीमाल...
एफआरपी थकवलेल्या ११ कारखान्यांवर कारवाई...मुंबई  : राज्यातील ११ साखर कारखान्यांनी...
गोंदिया जिल्ह्यात ५२ हजार क्विंटल धान...गोंदिया  ः शासनाच्या वतीने नाफेडच्या...
मदत, पुनर्वसन समितीच्या अहवालानंतर...अकोला  ः कमी तसेच अनियमित पावसामुळे निर्माण...
सातारा जिल्ह्यात रब्बीसाठी आतापर्यंत...सातारा : जिल्ह्यातील राष्ट्रीयीकृत तसेच सहकारी...
‘उजनी`चे २० टीएमसी पाणी सोलापूर, अऩ्य...सोलापूर : सोलापूर आणि इतर शहरांच्या पिण्याच्या...
मक्यावरील अमेरिकन लष्करी अळीचे नियंत्रणशास्त्रीय नाव ः स्पोडोप्टेरा फ्रुजीपर्डा  ...
बेणापूर ग्रामपंचायतीने केली गायरानावर...खानापूर तालुक्यातील बेणापूर ग्रामपंचायतीने आपल्या...
भुरीच्या प्रादुर्भावावर लक्ष ठेवासर्व द्राक्ष विभागांमध्ये वातावरण पुढील आठ...
नगर जिल्ह्यात ११५ टॅंकरद्वारे पाणीपुरवठानगर   : जिल्ह्यातील गाव-शिवारातील...
साताऱ्यात सोयाबीनच्या दरात सुधारणासातारा   ः जिल्ह्यात सोयाबीनच्या दरात...
गुंजवणी प्रकल्पाच्या ‘सुप्रमा’मधील अटीत...मुंबई   : पुणे जिल्ह्याच्या वेल्हे...
खपली गहू लागवडीचे सुधारित तंत्रगेल्या काही दशकांमध्ये कमी उत्पादकतेमुळे खपली गहू...
सुरळीत वीजपुरवठ्यासाठी परभणीत भजन आंदोलनपरभणी  ः महावितरणच्या बोबडे टाकळी (ता. परभणी...