agriculture news in marathi, water level increase in dam, akola, maharashtra | Agrowon

अकोला, वाशीममधील प्रकल्पांतील पाणीसाठ्यात वाढ
टीम अॅग्रोवन
मंगळवार, 21 ऑगस्ट 2018

अकोला  : कमी पावसामुळे प्रकल्पांमधील पाणीसाठ्याची स्थिती सुधारत नसल्याने वऱ्हाडातील नागरिक चिंतेत होते. मात्र, अाॅगस्ट महिन्यात पुनरागमन केलेल्या पावसाने मोठा दिलासा दिला अाहे. प्रामुख्याने अकोला, वाशीम जिल्ह्यांतील प्रकल्पांमधील पाणीसाठ्याची स्थिती चांगली झाली असून, बुलडाणा जिल्ह्याला मात्र अद्यापही पावसाची गरज कायम अाहे.   

अकोला  : कमी पावसामुळे प्रकल्पांमधील पाणीसाठ्याची स्थिती सुधारत नसल्याने वऱ्हाडातील नागरिक चिंतेत होते. मात्र, अाॅगस्ट महिन्यात पुनरागमन केलेल्या पावसाने मोठा दिलासा दिला अाहे. प्रामुख्याने अकोला, वाशीम जिल्ह्यांतील प्रकल्पांमधील पाणीसाठ्याची स्थिती चांगली झाली असून, बुलडाणा जिल्ह्याला मात्र अद्यापही पावसाची गरज कायम अाहे.   

या महिन्यात गेल्या अाठवड्यापासून पावसाने जोर धरलेला अाहे. प्रामुख्याने अकोला जिल्ह्यात अतिवृष्टी झाली. वाशीममध्येही जोरदार पाऊस पडला. या पावसाचा फायदा प्रकल्पांना मोठ्या प्रमाणात झाला अाहे. अकोला जिल्ह्यातील काटेपूर्णा हा मोठा प्रकल्प असून, त्याची एकूण क्षमता ८६.३५ दलघमी अाहे. त्यात सध्या ४६.५९ दलघमी उपयुक्त साठा झाला आहे. त्याची टक्केवारी ५३.५९ एवढी अाहे. वान प्रकल्पाची एकूण क्षमता ८१.९५ दलघमी असून त्यात सध्या ५६.१५ दलघमी म्हणजेच ६८.५२ टक्के पाणीसाठा झाला अाहे. मध्यम प्रकल्पांमध्ये अकोला जिल्ह्यातील निर्गुणा प्रकल्पात ६५.१६, उमा प्रकल्पात ७९.११, वाशीम जिल्ह्यातील अडाण प्रकल्पात ७९.८२, सोनल प्रकल्पात ६६.४९, एकबुर्जी प्रकल्पात १०० टक्के पाणीसाठा झाला आहे.

बुलडाणा जिल्ह्यातील ज्ञानगंगा प्रकल्पात १६.६५, पलढगमध्ये १७.८४, मस प्रकल्पात ४.१२, मन प्रकल्पात १८.६५, तोरणा प्रकल्पात १३.०५, उतावळी प्रकल्पात ३०.२२ टक्के पाणीसाठा झालेला अाहे. कोराडी प्रकल्प मात्र अद्याप कोरडा अाहे. बुलडाणा जिल्ह्यातील मोठा प्रकल्प असलेल्या नळगंगा प्रकल्पाची एकूण क्षमता ६९.३२ दलघमी असून, त्यात सध्या ९.८६ दलघमी म्हणजेच १४.२२ टक्के पाणीसाठा अाहे. पेन टाकळी प्रकल्पाची एकूण क्षमता ५९.९७ दलघमी असून त्यात केवळ ४.४५ दलघमी म्हणजेच ७.४२ टक्के पाणीसाठा शिल्लक अाहे.

खडकपूर्णा या मोठ्या प्रकल्पाची एकूण क्षमता ९३.४० दलघमी असताना आज यात उपयुक्त पाणीसाठा शिल्लक नाही. अकोला जिल्ह्यातील प्रकल्प मागील वर्षात कमी पावसामुळे कोरडे पडले होते. यामुळे रब्बीत सिंचनासाठी पाणी मिळाले नाही. नागरिकांना पाणीटंचाईचे चटके सहन करावे लागले. यावर्षी मात्र जिल्ह्यात अाजवर चांगला पाऊस झाला. त्यातही गेल्या अाठवड्यात झालेल्या पावसाने मोठा फायदा झाला.
 
अमरावती विभागातील जलसाठा

  • मोठे प्रकल्प - १०
  • उपयुक्त पाणीसाठा     ७७६.७४ दलघमी
  • टक्केवारी     ५१.१० टक्के
  • मध्यम प्रकल्प - २४
  • उपयुक्त पाणीसाठा     ३६४ दलघमी
  • टक्केवारी     ५३.७९ टक्के
  • लघू प्रकल्प - ४६६
  • उपयुक्त पाणीसाठा     ४३४ दलघमी
  • टक्केवारी     ४७.९८ टक्के

इतर ताज्या घडामोडी
राष्ट्रीय महामार्गाचे चौपदरीकरण...जळगाव : जळगाव आणि धुळे जिल्ह्यांतून जाणाऱ्या...
अंजनीसह पाच गावांची पाण्याविना आबाळसांगली ः तासगाव तालुक्‍याचा पूर्वभागात भीषण...
सोलापुरात दुष्काळ जाहीर करण्याची मागणीसोलापूर : सोलापूर जिल्ह्यात अद्यापही दमदार पाऊस...
गोंदिया जिल्ह्यात गणेशोत्सवाद्वारे शेती...गोंदिया :गणेशोत्सवाच्या माध्यमातून कृषी...
सातारा जिल्ह्यात स्ट्रॉबेरी लागवडीस...सातारा   ः राज्यभरात गोडव्यासाठी प्रसिद्ध...
सोलापूर जिल्ह्यावर दुष्काळ अन हुमणीचे...सोलापूर   ः जिल्ह्यात यंदाच्या हंगामात...
पीकविमा योजनेतून कंपन्यांचे भले ः विखे...पुणे   ः शेतकऱ्यांच्या पिकांना संरक्षण...
कृषी सल्ला : ऊस, कापूस, सोयाबीन, मका,...ऊस हुमणी किडीच्या नियंत्रणासाठी, फिप्रोनील (०.३...
अार्थिक व्यवस्थापनात राज्य सरकार अपयशी...मुंबई  : काँग्रेसच्या कार्यकाळात राज्याची...
कृषी सल्ला : भात, नागली, आंबा, नारळ,...भात  अवस्था ः पोटरी ते लोंबी बाहेर...
अकोल्यात मूग प्रतिक्विंटल ३८०० ते ५३००...अकोला ः या हंगामात लागवड झालेल्या मुगाची काढणी...
सोयाबीन, मूग, उडदासाठी १९ खरेदी केंद्रे...नगर ः शेतकऱ्यांचा शेतमाल हमीदराने खरेदी करता यावा...
शेतीमाल तारण योजनेत शेतकरी उत्पादक...कोल्हापूर : राज्यात शेतीमाल तारण योजना बाजार...
जळगावात आले २५०० ते ६००० रुपये...जळगाव ः येथील कृषी उत्पन्न बाजार समितीमध्ये...
सिंदखेडराजा दुष्काळग्रस्त जाहीर कराअकोला : जिल्ह्यात या मोसमात तेल्हारा व अकोट या...
खान्देशातील धरणांत अल्प पाणीसाठा जळगाव : खान्‍देशातील तापी व पांझरा नदीवरील...
कोल्हापूरात धरणे भरली; नद्यांची...कोल्हापूर : केवळ पंधरा दिवसांतच जिल्ह्यातील...
जळगाव जिल्हा परिषदेत विरोधक शांत;...जळगाव : पोषण आहार, शिक्षक बदल्या यावरून जिल्हा...
नगर जिल्ह्याच्या काही भागांत पावसाचे...नगर ः गेल्या अनेक दिवसांपासून गायब झालेला आणि...
भंडारा जिल्ह्यातील धान उत्पादनात घटीची...भंडारा : गेल्या वीस दिवसांपासून धानपट्ट्यात...