मराठवाड्यात प्रकल्पांतील पाणीसाठ्यांनी वाढविली चिंता

प्रकल्पांतील पाणीसाठ्यांनी वाढविली चिंता
प्रकल्पांतील पाणीसाठ्यांनी वाढविली चिंता

औरंगाबाद : मराठवाड्यातील पाणीसाठ्यांची जुलैअंतीची स्थिती सर्वांचीच चिंता वाढविणारी आहे. सर्वाधिक ७४६ लघुप्रकल्पांमध्ये केवळ १२ टक्‍के उपयुक्‍त पाणीसाठा असून ३४ मध्यम प्रकल्पांत उपयुक्‍त पाण्याचा थेंब नाही. तीन मोठ्या प्रकल्पातही उपयुक्‍त पाणीसाठा नसून जालना औरंगाबादमधील प्रकल्पांमधील पाणीसाठ्यांची स्थिती बिकट आहे.

मराठवाड्यातील अकरा मोठ्या प्रकल्पांपैकी येलदरी, सिद्धेश्वर व सिनाकोळेगाव या तीन मोठ्या प्रकल्पांमध्ये उपयुक्‍त पाण्याचा थेंब नाही. दुसरीकडे उर्वरित आठ प्रकल्पांमध्ये केवळ १२ टक्‍केच उपयुक्‍त पाणीसाठा शिल्लक आहे. औरंगाबाद जिल्ह्यातील जायकवाडी, उर्ध्व पेनगंगा प्रकल्पात प्रत्येकी ३२ टक्‍के, निम्न तेरणा प्रकल्पात ४१ टक्‍के तर सुरवातीला मोठ्या प्रमाणात पावसाचे प्रमाण राहिलेल्या विष्णूपूरी प्रकल्पात ९३ टक्‍के उपयुक्‍त पाणीसाठा शिल्लक आहे.

बीडमधील माजलगाव प्रकल्पात १ टक्‍के, मांजरामध्ये ५ टक्‍के, नांदेडमधीलच निम्न मनारमध्ये १० टक्‍के तर निम्न दुधना प्रकल्पात ३६ टक्‍के उपयुक्‍त पाणीसाठा शिल्लक आहे. मराठवाड्यातील ७५ मध्यम प्रकल्पांपैकी ३४ प्रकल्पात उपयुक्‍त पाण्याचा थेंब नाही. उर्वरित मध्यम प्रकल्पांमध्ये केवळ १५ टक्‍केच उपयुक्‍त पाणीसाठा शिल्लक आहे. औरंगाबाद जिल्ह्यातील तेरा मध्यम प्रकल्पात उपयुक्‍त पाण्याचा थेंब नाही. तर तीन मध्यम प्रकल्पांत केवळ २ टक्‍केच उपयुक्‍त पाणीसाठा शिल्लक आहे.

जालना जिल्ह्यातील पाच मध्यम प्रकल्पांत केवळ ८ टक्‍के उपयुक्‍त पाणीसाठा शिल्लक आहे. तर २ मध्यम प्रकल्पात उपयुक्‍त पाणीच नाही. परभणी जिल्ह्यातील दोनपैकी एका प्रकल्पांत उपयुक्‍त पाणीसाठा नाही. तर एका प्रकल्पात केवळ ४ टक्‍केच उपयुक्‍त पाणीसाठा शिल्लक आहे. औरंगाबाद जिल्ह्यातील ९३ लघु प्रकल्पांमध्ये ६ टक्‍केच उपयुक्‍त पाणीसाठा शिल्लक आहे.

जालना जिल्ह्यातील ५७ लघु प्रकल्पांत केवळ १ टक्‍का उपयुक्‍त पाणी शिल्लक आहे. बीड जिल्ह्यातील १२६ लघु प्रकल्पांमध्येही केवळ ४ टक्‍के उपयुक्‍त पाणीसाठा शिल्लक आहे. परभणी जिल्ह्यातील २२ लघुप्रकल्पांमध्ये ५ टक्‍के उपयुक्‍त पाणी शिल्लक आहे. मध्यम ७५ प्रकल्पांपैकी तब्बल ५८ प्रकल्पात २५ टक्‍क्‍यांपेक्षाही कमी उपयुक्‍त पाणीसाठा असल्याची माहिती जलसंपदा विभागाच्या सूत्रांनी दिली.

उपयुक्‍त पाणी नसलेले जिल्हानिहाय मध्यम प्रकल्प
औरंगाबाद १३
जालना ०२
बीड ०८
लातूर ०३
उस्मानाबाद ०५
नांदेड ०२
परभणी ०१

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com