औरंगाबाद जिल्ह्यात पाणी टंचाईच्या झळा

टॅंकर
टॅंकर

पुणे: सह्याद्री पर्वताच्या घाटमाथ्यावर आणि पूर्व उतारावर झालेल्या पावसाने राज्यातील बुहतांशी धरणे भरली आहेत. मध्य महाराष्ट्राच्या पश्‍चिम भागात दमदार कोसळणाऱ्या पावसाने पूर्व भागात मात्र दडी मारली आहे. तर मराठवाड्यातही पावसाने जोर धरला नाही. त्यामुळे या भागात अद्यापही पाणी टंचाई कायम असल्याचे चित्र आहे. सामवारपर्यंत (ता. २७) राज्यातील नाशिक, पुणे, औरंगाबाद, अमरावती या विभागातील १० जिल्ह्यांच्या ३०९ गावे ३२२ वाड्यांमध्ये पाणीटंचाई भासत असल्याने ३११ टॅंकरने पाणीपुरवठा करण्यात येत आहे, अशी माहिती राज्याच्या पाणीपुरवठा व स्वच्छता विभागातर्फे देण्यात आली. पावसात पडणारे खंड, नाशिक, पुणे विभागातील कोरडवाहू तालुक्यांमध्ये पावसाने मारलेली दडी यामुळे यंदा टंचाई दूर झालीच नाही. मराठवाड्यातील औरंगाबाद, जालना, नांदेड, नाशिक विभागातील नाशिक, धुळे, जळगाव, नगर, पुणे विभागातील पुणे, सातारा आणि अमरावतीतील बुलडाणा या जिल्ह्यांमध्ये टंचाईच्या झळा कायम आहेत. अौरंगाबाद जिल्ह्यात सर्वाधिक टंचाई असून, २७ आॅगस्टपर्यंत १४९ गावांना पाणीपुरवठा करण्यासाठी १५८ टॅंकर सुरू होते. गतवर्षीच्या तुलनेत राज्यात यंदा पाणीटंचाई भासणाऱ्या गावांची, टॅंकरची संख्या कमी आहे. गेल्या वर्षी २८ ऑगस्ट रोजी राज्यातील ४३१ गावे, एक हजार १५८१ वाड्यांमध्ये टंचाई असल्याने ४०७ टॅंकरने पाणीपुरवठा करण्यात येत होता. नाशिक, पुणे, औरंगाबाद, अमरावती विभागांत गेल्या वर्षीही टंचाई होती. गतवर्षी पुणे विभागात टंचाईची तीव्रता अधिक होती, तर यंदा अाैरंगाबाद विभागात सर्वाधिक टंचाई आहे.  राज्यात टंचाई कमी होत असली, तरी पावसाने ओढ दिलेल्या भागात टंचाई पुन्हा वाढण्याची शक्यता आहे. गेल्या आठवड्यात (ता. २०) राज्यातील ५५५ गावे ३४४ वाड्यांची तहान भागविण्यासाठी ५९३ टॅंकर सुरू होते. साेमवारपर्यंत (ता. २७) जिल्हानिहाय पाणीटंचाई स्थिती 

जिल्हा     गावे     वाड्या     टॅंकर
नाशिक     ५७     १४८     ४२
धुळे     ७   ०  
जळगाव     २३  २१
नगर    १६  ७७    २०
पुणे   ४   ३६ 
 सातारा  १३   ५७ ११
अौरंगाबाद    १४९  ०      १५८
जालना १८    ३  २४
नांदेड    १  १   २
बुलडाणा  २१     ०  २१

राज्यातील विभागीय टंचाईची स्थिती

विभाग गावे  वाड्या  टॅंकर
नाशिक   १०३  २२५ ९०
पुणे    १७    ९३ १६
औरंगाबाद १६८   ४   १८४
अमरावती  २१   ०  २१
एकूण  ३०९   ३२२  ३११

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com