agriculture news in marathi, water scaricity become low, nagar, maharashtra | Agrowon

नगरमध्ये सतरा वर्षांत पहिल्यांदाच पाणीटंचाईची तीव्रता कमी
सूर्यकांत नेटके
रविवार, 15 एप्रिल 2018

नगर ः जिल्ह्यात सध्या गेल्या सतरा वर्षांत पहिल्यांदाच पाणीटंचाईची तीव्रता कमी आहे. गतवर्षी या काळात सुमारे ११४ टॅंकरने पाणीपुरवठा सुरू होता. सध्या फक्त संगमनेर तालुक्‍यात दोन दिवसांपासून चार टॅंकरद्वारे पाणीपुरवठा केला जात आहे. 

नगर ः जिल्ह्यात सध्या गेल्या सतरा वर्षांत पहिल्यांदाच पाणीटंचाईची तीव्रता कमी आहे. गतवर्षी या काळात सुमारे ११४ टॅंकरने पाणीपुरवठा सुरू होता. सध्या फक्त संगमनेर तालुक्‍यात दोन दिवसांपासून चार टॅंकरद्वारे पाणीपुरवठा केला जात आहे. 

ऊस आणि साखर कारखान्यांचा तसेच बागायती जिल्हा अशी ओळख असलेल्या नगरमध्ये अलीकडच्या पंधरा वर्षांत ही ओळख पुसू लागली होती. उत्तरेकडील मुळा, भंडारदरा, निळवंडे या धरणांच्या पाणलोटाचा लाभ असलेल्या काही तालुक्‍यांचा अपवाद वगळला तर जवळपास आठ तालुक्‍यात टंचाई निर्माण होत आहे.
 
गेल्या दहा वर्षांत तर परिस्थिती वरचेवर गंभीर होत आहे. पारनेर, शेवगाव, पाथर्डी, जामखेड, संगमनेर, कर्जत तालुक्‍यांसह इतर तालुक्‍यातही पिण्यासाठी टॅंकरने पाणीपुरवठा करावा लागला. गेल्या सतरा वर्षांचा विचार करता टॅंकरची संख्या सातत्याने वाढत गेली होती. मात्र, गेल्या सात वर्षांपासून तर चक्क डिसेंबरमध्ये पिण्याच्या पाण्याचा पुरवठा टॅंकरद्वारे करावा लागत होता. २००२ मध्ये पाणीपुरवठा करणाऱ्या टॅंकरची संख्या १३१ होती, तर २०१६ मध्ये तब्बल ८२८ टॅंकरने पाणीपुरवठा करावा लागला होता. 
 
हा जिल्ह्यातील टॅंकर संख्येचा विक्रम मानला जातो. जिल्ह्यातील पारनेर, जामखेड, नगर, संगमनेर, पाथर्डीसारख्या दुष्काळी तालुक्‍यांत तर वर्षातील पावसाळ्याचे महिने वगळता टॅंकर सुरू असायचे. यंदा मात्र आतापर्यंत टॅंकरने पाणीपुरवठा करण्याची गरज भासली नाही. 
 
दोन दिवसांपूर्वी संगमनेर तालुक्‍यातील वरवंडी, वनकुटे आणि कर्जुले पठार, पानोडी या गावांत पाणीटंचाई निर्माण झाली आहे. जिल्हाधिकारी महाजन यांनी टॅंकर मागणी प्रस्तावाला मान्यता दिल्याने पहिल्यांदाच चार टॅंकर सुरू झाले. मात्र गेल्या सतरा वर्षांचा विचार करता जिल्ह्यामध्ये अजून तरी टंचाई नाही.
 
नगर जिल्ह्यात गेल्या तीन वर्षांपासून ‘जलयुक्त’ची कामे जोरात सुरू आहेत. गेल्या दोन वर्षांत जिल्ह्यातील ५४३ गावांत झालेली ‘जलयुक्त’ची कामे व २०१७ मध्ये झालेला १६५ टक्के पाऊस याचा एकत्रित परिणाम म्हणून भूजलपातळीत वाढ झाली आहे. जलयुक्‍त शिवार व वृक्ष लागवडीच्या मोहिमांनी ही परिस्थिती झपाट्याने बदलली आहे.
 
त्यामुळे यंदा पहिल्यांदाच कडाक्‍याच्या उन्हाळ्यातही पाणीटंचाई निर्माण झाली नसल्याचा असा दावा प्रशासनाकडून केला जात आहे. १८ सप्टेंबर २०१७ पर्यंत संगमनेर तालुक्‍यातील पानोडी येथे टॅंकरद्वारे पाणीपुरवठा सुरू होता. त्यानंतर टॅंकर पूर्णतः बंद झाले.
 
 
वर्षनिहाय टॅंकरची संख्या
२००२ १३१ 
२००३ ३७७ 
२००४ ६१९
२००५ १९२ 
२००६ २२३ 
२००७ ४८ 
२००८ १२९
२००९ ८८ 
२०१० ५२
२०११ २२ 
२०१२ २८९ 
२०१३ ७०७ 
२०१४ ३६९ 
२०१५ ५२१
२०१६ ८२६
२०१७ ११४ 
२०१८ आजपर्यंत

 

 

इतर ताज्या घडामोडी
पाणीटंचाई निवारणासाठी ३२ कोटीनागपूर : ग्रामीण भागातील पाणीटंचाई...
परभणी जिल्ह्यात रब्बी ज्वारीचा अग्रीम...परभणी ः परभणी जिल्ह्यात उद्भवलेल्या दुष्काळी...
नांदेड, परभणी, हिंगोली जिल्ह्यांत १२...नांदेड ः चालू कापूस खरेदी हंगामामध्ये नांदेड,...
बेदाणानिर्मिती शेडवर बसू लागली यंत्रेसांगली ः जिल्ह्यातील कवठेमहांकाळ, मिरज...
उन्हाळी भुईमुगावरील कीड नियंत्रणउन्हाळी भुईमुगावर खालील विविध अळ्यांचा...
जातपडताळणीचा ‘ऑफलाइन’ छळ पुणे  : शासनानेच वाटलेल्या जातप्रमाणपत्रांची...
लागवड उन्हाळी तिळाची...उन्हाळी हंगामात लागवडीसाठी एकेटी १०१, पीकेव्ही एन...
सांगलीत शनिवारपासून सेंद्रिय परिषद,...सांगली ः रेसीड्यू फ्री ऑरगॅनिक मिशन इंडिया...
उन्हाळी भुईमुगावरील पानेे खाणारी अळी या अळीला तंबाूखूवरील पाने खाणारी अळी म्हणूनही...
लोहाच्या कमतरतेवरील वनस्पतींची...हेन्रिच हेईन विद्यापीठ डस्सेलडॉर्प आणि...
नेरच्या नदी पात्रातील भराव काढादेऊर, ता.धुळे : पांझरा नदी पात्रातील नव्या...
सौर कृषिपंप योजनेसाठी पुणे जिल्ह्यातून...पुणे : शेतकऱ्यांना दिवसा व सौरऊर्जेद्वारे शाश्वत...
अपारंपरिक ऊर्जा काळाची गरज : बावनकुळेभंडारा : पारंपरिक ऊर्जेची मर्यादा लक्षात घेऊन...
नांदेड जिल्ह्यामध्ये १८ टॅंकरद्वारे...नांदेड ः जिल्ह्यातील तीव्र पाणीटंचाई उद्भवलेली ११...
परभणी, नांदेड जिल्ह्यात २ लाख खात्यांवर...परभणी ः परभणी आणि नांदेड जिल्ह्यातील दुष्काळामुळे...
टेंभूच्या नेवरी वितरिकेची कामे २२...सांगली ः टेंभू उपसा सिंचन योजनेच्या नेवरी वितरिका...
पाणीटंचाईमुळे कांदा लागवडीच्या...पुणे ः वाढत असलेल्या पाणीटंचाईमुळे शेतकऱ्यांनी...
नगर जिल्ह्यामध्ये तुरीचे उत्पादन...नगर ः नगर जिल्ह्यामध्ये यंदा दुष्काळी परिस्थिती...
अण्णासाहेब पाटील महामंडळामार्फत १२ कोटी...कोल्हापूर : शासनाने अण्णासाहेब पाटील आर्थिक मागास...
कचारगडला `अ’ वर्ग पर्यटनस्थळाचा दर्जा...गोंदिया ः कचारगड हे देशभरातील भाविकांचे...