agriculture news in marathi, water scaricity increase in sangli, maharashtra | Agrowon

सांगली जिल्ह्यात पाणीटंचाई वाढली
टीम अॅग्रोवन
बुधवार, 23 मे 2018

सांगली : जिल्ह्यातील ताकारी, म्हैसाळ आणि टेंभू उपसा सिंचन योजना सुरू आहेत. मात्र, या योजना सुरू असून देखील जिल्ह्यातील पाणीटंचाई दूर करण्यासाठी जिल्हा प्रशासन आणि पाटबंधारे विभागाचे अधिकाऱ्यांनी मध्यम व लघुप्रकल्पात पाणी सोडले नाही. त्यामुळे दिवसेंदिवस पाणी टंचाई वाढत आहे. सद्यःस्थितीला जिल्ह्यातील पाच मध्यम व ७९ लघुप्रकल्पात १९ टक्के पाणीसाठा उपयुक्त आहे.

सांगली : जिल्ह्यातील ताकारी, म्हैसाळ आणि टेंभू उपसा सिंचन योजना सुरू आहेत. मात्र, या योजना सुरू असून देखील जिल्ह्यातील पाणीटंचाई दूर करण्यासाठी जिल्हा प्रशासन आणि पाटबंधारे विभागाचे अधिकाऱ्यांनी मध्यम व लघुप्रकल्पात पाणी सोडले नाही. त्यामुळे दिवसेंदिवस पाणी टंचाई वाढत आहे. सद्यःस्थितीला जिल्ह्यातील पाच मध्यम व ७९ लघुप्रकल्पात १९ टक्के पाणीसाठा उपयुक्त आहे.

जिल्ह्यातील ८४ प्रकल्पात गत महिन्यातच्या पहिल्या आठड्यात २६ टक्के पाणीसाठा उपयुक्त होता. मात्र, मे महिन्याच्या तिसऱ्या आठवड्यात ७ टक्‍क्‍यांनी कमी झाला आहे. जिल्ह्यातील ताकारी आणि टेंभू उपसा सिंचन योजनचे दुसरे आवर्तन सुरू आहे. तर म्हैसाळ उपसा सिंचन योजनेचे पहिले आवर्तन सुरू आहे.

ज्या वेळी पाणीटंचाई सुरू झाली. त्या वेळी या योजना सुरू झाल्या आहेत. मात्र, हे पाणी केवळ मुख्य कालव्यातून पुढे जाऊन शेतीच्या पाण्याचा प्रश्‍न मिटवण्यास पाटबंधारे विभागाला यश आले आहे. परंतू जिल्ह्यातील तासगाव, आटपाडी, जत, कवठेमहांकाळ आणि खानापूर तालुक्‍यातील शेतकरी आणि पाणीपुरवठा संस्थांनी तलाव भरून देण्याची मागणी केली होती.

त्यानुसार जिल्हाधिकारी कार्यालयात याबाबात बैठकही झाली होती. त्यानुसार तलाव भरून देण्याचे आदेश जिल्हाधिकारी यांनी पाटबंधारे विभागाच्या अधिकाऱ्यांना दिले. ताकारी आणि म्हैसाळ उपसा सिंचन योजनेतून लाभ क्षेत्रातील तलाव भरण्यात येणार असल्याने पाणी प्रश्‍न मिटेल या आशेवर शेतकरी आजही वाट पाहतोय. मात्र, तलाव भरून देण्याबाबत पाटबंधारे विभागाने तसदीही घेतली नाही. जिल्हाधिकारी यांनी दिलेल्या आदेशाचे पालन पाटबंधारे विभागाने केले नाही.

जत तालुक्‍यात सुमारे २८ तलाव आहेत. सात तलावात ३० ते ५० टक्के उपयुक्त पाणीसाठा आहे. उर्वरित १२ तलावांत ३ टक्‍क्‍यांपासून ते २० टक्‍क्‍यांपर्यंत उपयुक्त पाणीसाठ्याचा लाभ मिळणार आहे. तर ९ तलाव कोरडे पडले आहेत. जत तालुक्‍यात म्हैसाळ उपसा योजनेचे आवर्तन सुरू आहे. जत तालुक्‍याला या योजनेचे पाणी उशीरा मिळाले आहे. त्यामुळे तालुक्‍यातील तलाव भरून द्या, अशी मागणी होऊ लागली आहे.

इतर ताज्या घडामोडी
संत्रा पीक सल्लासध्या विविध ठिकाणी संत्राबागेमध्ये फळगळची व काळी...
कृषी सल्ला : भात, नागली, आंबा, काजू,...भात पावसाचे प्रमाण कमी असल्याने...
श्रावणमासानिमित्त जळगावातून केळीपुरवठा...जळगाव ः जिल्ह्यात दर्जेदार केळीला क्विंटलमागे १५०...
कळमणा बाजारात बटाट्याची वाढली आवकनागपूर ः बटाटा आणि डाळिंब या शेतमालाची सर्वाधिक...
मोसंबी, डाळिंबाच्या दरात चढउतारऔरंगाबाद : येथील कृषी उत्पन्न बाजार समितीमध्ये गत...
नगरमध्ये हरभरा प्रतिक्विटंल ३७५० रुपयेनगर ः नगर बाजार समितीत मागील सप्ताहात ४३४ क्विंटल...
कोल्हापुरात घेवडा प्रतिदहा किलो ३००...कोल्हापूर : येथील कृषी उत्पन्न बाजार समितीत या...
आता खाण्यातही क्रिकेट !क्रिकेट हा आपला खेळ म्हणून माहित असला तरी त्या...
चीन येथील सफरचंद उत्पादकांचा निर्यातीवर...चीनमधील काही भागांमध्ये सफरचंदांचे उत्पादन होते....
राधानगरी धरणाचे दोन दरवाजे उघडलेकोल्हापूर : जिल्ह्याच्या पश्‍चिम भागासह पूर्व...
संत्र्याकरिता शेतकरी उत्पादक कंपन्या,...अमरावती : सिट्रस इंडिया लिमिटेड नांदेड आणि...
ठिबकसाठी २ टक्के व्याजाने कर्जपुरवठा सांगली ः पाण्याची बचत व ऊस उत्पादनवाढीसाठी कमी...
‘भंडारदरा’ तांत्रिकदृष्ट्या भरल्याचे...नगर : नगर जिल्ह्यामध्ये उत्तरेतील तालुक्‍यासाठी...
बोंड अळी नियंत्रणासाठी डोमकळ्या नष्ट करापरभणीः गुलाबी बोंड अळीच्या प्रभावी नियंत्रणासाठी...
धुळ्याच्या बुराई नदीवरील ३२ बंधाऱ्यांचे...धुळे : साक्री व शिंदखेडा तालुक्‍यांतून वाहणारी...
सहकार विकास महामंडळाला शेअर्स विक्रीतून...सोलापूर : "सहकारी पतसंस्थांना भविष्यात आर्थिक मदत...
भाजीपाल्याची हंगामातील विक्रमी २२५ ट्रक...पुणे ः ९ आॅगस्टचा महाराष्ट्र बंद, शनिवार (ता. ११...
कंपोस्ट खतनिर्मिती यंत्राचे तयार केले... स्वयंपाक घरातील ओला कचरा हा कचरा कुंडीत न...
पुणे जिल्ह्याच्या धरणक्षेत्रात पावसाची...पुणे : सह्याद्रीच्या पूर्व उतारावर असलेल्या...
भाऊसाहेब फुंडकर फळबाग योजनेसाठी दोन...पुणे ः चालू वर्षी खरीप हंगामात फळबाग लागवड करू...