agriculture news in marathi, water scaricity in parbhani, maharashtra | Agrowon

परभणी जिल्ह्यात पाणीटंचाई वाढतेय
टीम अॅग्रोवन
सोमवार, 7 मे 2018
परभणी : वाढते तापमान, बाष्पीभवन, उपसा आदी कारणांमुळे जिल्ह्यातील अनेक प्रकल्पांनी तळ गाठला आहे. अनेक तलाव कोरडे आहेत. विहिरी, बोअरची पाणीपातळी खोलवर गेली आहे. त्यामुळे अनेक गावे, वाड्या, वस्त्या, तांड्यावरील ग्रामस्थांना पाण्याची उपलब्धता कमी होत आहे. दिवसागणिक पाणीटंचाईची दाहकता वाढत चालली आहे. त्यामुळे जिल्ह्यातील गावांना पाणीपुरवठा करणाऱ्या टॅंकरची संख्या २६ पर्यंत वाढली आहे.
 
परभणी : वाढते तापमान, बाष्पीभवन, उपसा आदी कारणांमुळे जिल्ह्यातील अनेक प्रकल्पांनी तळ गाठला आहे. अनेक तलाव कोरडे आहेत. विहिरी, बोअरची पाणीपातळी खोलवर गेली आहे. त्यामुळे अनेक गावे, वाड्या, वस्त्या, तांड्यावरील ग्रामस्थांना पाण्याची उपलब्धता कमी होत आहे. दिवसागणिक पाणीटंचाईची दाहकता वाढत चालली आहे. त्यामुळे जिल्ह्यातील गावांना पाणीपुरवठा करणाऱ्या टॅंकरची संख्या २६ पर्यंत वाढली आहे.
 
रविवारी (ता. ६) पैठण येथील जायकवाडी प्रकल्पात ३७.६९ टक्के, माजलगाव प्रकल्पात १८.९१ टक्के, निम्न दुधना प्रकल्पात ३५.७८ टक्के उपयुक्त पाणीसाठा शिल्लक होता. आठवडाभरामध्ये या तीन धरणांतील पाणीसाठ्यात अनुक्रमे ३.०८, २.३१, २ टक्‍क्‍यांनी घट झाली आहे. पूर्णा नदीवरील येलदरी आणि सिद्धेश्वर या दोन्ही धरणांतील उपयुक्त पाणीसाठा संपला आहे. या धरणामध्ये आता केवळ मृत पाणीसाठ शिल्लक राहिला आहे.
 
करपरा मध्यम प्रकल्पातील उपयुक्त पाणीसाठ्यात आठवडाभरात ३ टक्के घट झाली असून, रविवारी या धरणामध्ये १६ टक्के उपयुक्त पाणीसाठा होता. मासोळी धरणामध्ये आता केवळ मृत पाणीसाठा असून, त्यामध्येही घट होत आहे. धरणांवर अवलंबून असलेल्या नळ पाणीपुरवठा योजनांना पाणी कमी पडत आहे.
 
२२ लघु तलावांपैकी टाकळवाडी, जोगवाडा, बेलखेडा, चिंचोली, आडगाव, दहेगाव हे सहा तलाव कोरडे पडले आहेत. नखातवाडी, तांदूळवाडी, राणी सावरगाव, कोद्री, देवगाव, वडाळी, चारठाणा, केहाळ, भोसी या नऊ तलावांतील पाणीसाठा जोत्याखाली गेलेला आहे.
 
उर्वरित तलांवापैकी झरी (ता. पाथरी) येथील तलावांमध्ये जायकवाडी डाव्या कालव्याचे पाणी सोडण्यात आल्यामुळे पाणीसाठ्यामध्ये ९७ टक्‍क्‍यांपर्यंत वाढ झाली आहे. पेडगाव तलावात ४, आंबेगाव तलावात २, पिंपळदरीत ७, कवडामध्ये ९, मांडवी मध्ये ३, पाडाळीमध्ये ३२ टक्के उपयुक्त पाणीसाठा शिल्लक आहे.  विहिरी, बोअर आटत चालले आहेत. त्यामुळे ग्रामीण भागातील नागरिकांना पुरेशा प्रमाणात पाणी उपलब्ध होत नाही. परिणामी, टॅंकरची संख्या वाढत चालली आहे.
 
पालम तालुक्‍यात पाणीटंचाईची दाहकता सर्वाधिक आहे. या तालुक्‍यात ९ गावे आणि दोन वाड्यांना १३ टॅंकरद्वारे पाणीपुरवठा सुरू आहे. पूर्णा तालुक्‍यातील पाच गावांना ५ टॅंकरने, गंगाखेडमधील २ गावे आणि दोन वाड्यांना ४ टॅंकरने पाणीपुरवठा केला जात आहे.
 
सेलू तालुक्‍यात एका गावात १ टॅंकर सुरू आहे. जिंतूर तालुक्‍यातील ३ गावे, १ तांडा यांसाठी ३ टॅंकर सुरू आहेत. परभणी, सोनपेठ, पाथरी, मानवत हे तालुके अजून टॅंकरमुक्त आहेत. टॅंकरसाठी १४ आणि टॅंकरव्यतिरिक्त १३५, अशा एकूण १४९ खासगी विहिरींचे अधिग्रहण करण्यात आले आहे.

इतर ताज्या घडामोडी
कृषी सल्ला : पेरू, गहू, हरभरा, डाळिंब,...पेरू - फळमाशीच्या नियंत्रणासाठी प्रतिएकर ४ रक्षक...
कमाल तापमानात वाढ, उन्हाळी हंगामाला...महाराष्ट्रावर १०१२ हेप्टापास्कल इतका कमी हवेचा...
पलटी नांगर, रोटाव्हेटरचे अनुदान वाढणार...जळगाव : जिल्हा परिषदेच्या आगामी अंदाजपत्रकात (...
ढगाळ वातावरणाचा द्राक्ष खरेदीवर परिणामपांगरी, जि. सोलापूर : गेल्या दोन दिवसांपासून...
जमीन अधिग्रहणाला शेतकऱ्यांचा विरोधनाशिक : नाशिक-पुणे रेल्वे लाईनच्या महाराष्ट्र रेल...
तुमच्या आग्रहापुढे मी नाही कसे म्हणू...टेंभूर्णी, जि. सोलापूर : सोलापूर जिल्ह्यातील...
शिराळ्यातील गूळ हंगाम अवघ्या तीन...सांगली ः शिराळा तालुक्यातील दरवर्षी पाच ते साडे...
आठ दिवसांत पूर्ण एफआरपी द्या; अन्यथा...सातारा ः सांगली, कोल्हापूर जिल्ह्यातील साखर...
अडत्यांवरील कारवाईला प्रशासकांचीच...पुणे ः खरेदीदार आणि शेतकऱ्यांकडून नियमबाह्य...
छावण्यांच्या मंजुरीसाठी शिवसेनेचा ठिय्यानगर : जिल्ह्यात पशुधनाला दिलासा देण्यासाठी...
जालन्यातील कृषी माल निर्यात सुविधा...जालना : येथील कृषी उत्पन्न बाजार समितीच्या...
पैठण तालुक्यातील पिकांना अवकाळीचा फटकाचितेगाव, जि. औरंगाबाद : विजेच्या कडकडाट व वादळी...
परभणी जिल्ह्यातील ‘शेतकरी सन्मान निधी’...परभणी ः पंतप्रधान शेतकरी सन्मान निधी...
पाकिस्तान युद्धाच्या तयारीत,...श्रीनगर : काश्‍मीरमधील पुलवामा येथे दहशतवादी...
कृषी सल्ला : वाल, आंबा, काजू, नारळ,...वाल काढणी अवस्था वाल पिकाची काढणी जसजशा शेंगा...
तेल्हारा, अकोट तालुक्यांत अवकाळी पाऊस;...अकोला : जिल्ह्यात तेल्हारा, अकोट तालुक्यांत...
ढगाळ वातावरणामुळे शेतकरी चिंतेत जळगाव : मागील दोन-तीन दिवसांपासून खानदेशात ढगाळ,...
अमरावती जिल्ह्यात सव्वालाख शेतकऱ्यांची...अमरावती : पंतप्रधान किसान सन्मान योजनेतील दोन...
माथाडी कामगारांच्या आंदोलनामुळे गूळ...कोल्हापूर ः माथाडी कामगारांनी जादा वेळ काम...
जायकवाडी पाटबंधारे विभाग क्रमांक...परभणी ः परभणी येथील जायकवाडी पाटबंधारे विभाग...