agriculture news in marathi, water scaricity in tasgaon, sangli, maharashtra | Agrowon

येरळा नदीकाठच्या गावांमध्ये पाणीटंचाई
टीम अॅग्रोवन
गुरुवार, 8 मार्च 2018
तासगाव, जि. सांगली  ः तालुक्‍यातील येरळा नदीकाठच्या गावांमध्ये तीव्र पाणीटंचाई जाणवू लागली आहे. येरळेत ताकारी, आरफळचे पाणी तातडीने सोडावे, अशी मागणी या गावांतून होत आहे. अर्ज, विनंत्या करून व निवेदने देऊनही प्रशासनाकडून याबाबत कोणत्याही हालचाली होत नाही. त्यामुळे तीव्र प्रतिक्रिया उमटू लागल्या आहेत. नदीपात्रातील विहिरींची पाणीपातळी २५ फुटांखाली गेली आहे. दोन महिन्यांपासून येरळा नदी कोरडी पडली आहे.
 
तासगाव, जि. सांगली  ः तालुक्‍यातील येरळा नदीकाठच्या गावांमध्ये तीव्र पाणीटंचाई जाणवू लागली आहे. येरळेत ताकारी, आरफळचे पाणी तातडीने सोडावे, अशी मागणी या गावांतून होत आहे. अर्ज, विनंत्या करून व निवेदने देऊनही प्रशासनाकडून याबाबत कोणत्याही हालचाली होत नाही. त्यामुळे तीव्र प्रतिक्रिया उमटू लागल्या आहेत. नदीपात्रातील विहिरींची पाणीपातळी २५ फुटांखाली गेली आहे. दोन महिन्यांपासून येरळा नदी कोरडी पडली आहे.
 
येरळा पात्रात तासगाव तालुक्‍यातील राजापूरपासून निमणीपर्यंत शेकडो विहिरी आहेत. नदीकाठच्या गावांमधील पिण्याच्या पाण्याच्या योजनाही याच विहिरींवर अवलंबून आहेत. मात्र, सध्या येरळा पात्र कोरडे पडल्याने राजापूर, तुर्ची, ढवळी या गावांतून शेतीसह पिण्याच्या पाण्याचीही टंचाई जाणवू लागली आहे. पाणी योजना येरळा नदीतील पाण्यावर सुरू आहेत. मात्र, पात्रात पाणीच नसल्याने चक्‍क नदीकाठच्या गावांत एक दिवसाआड आणि अपुरा पाणीपुरवठा करण्याची वेळ आली.
 
काही वर्षे सलग येरळा बारमाही वाहिल्याने नदीकाठी बागायतीही मोठ्या प्रमाणात वाढली. ऊस आणि द्राक्षाचे क्षेत्र लक्षणीय वाढले. दुर्दैवाने दोन वर्षे केवळ पावसाळ्यात पाणी अशी पुन्हा स्थिती निर्माण झाली. ताकारी आणि आरफळचे पाणी वाझर बंधाऱ्यापर्यंत सोडले जाते. वाझर बंधारा भरल्यानंतर एक फळी काढून खालील गावांसाठी पाणी सोडण्यात येते. हे पाणी निमणीपर्यंत पोचते न पोचते तोच बंद होते.
 
परिणामी, या पाण्यावर कशीबशी शेती तग धरून आहे. येरळा काठावरील गावांतील विहिरींची पाण्याची पातळी खोल गेली आहे. येरळा पात्रातील विहिरी तर पंधरा-वीस फुटांखाली गेल्या आहेत. द्राक्ष हंगाम सुरू आहे. त्यानंतर पाण्याची गरज भासणार आहे. तातडीने पाणी सोडावे, अशी मागणी शेतकऱ्यांतून होत आहे. तीव्र आंदोलनाचाही इशारा शेतकऱ्यांनी दिला आहे.
 
धरण उशाला कोरड घशाला, अशी स्थिती येरळा काठच्या शेतकऱ्यांची झाली आहे. नदीकाठची शेती असूनही त्याकरिता पाणी पुरवून वापरावे लागत आहे. पाणीपट्टी भरण्यास तयार आहोत; पण पाणी द्या, असा टाहो शेतकरी फोडताना दिसत आहेत. नदीकाठच्या गावातील शेतकऱ्यांनी पाणी सोडण्यासाठी पाटबंधारे विभाग, तहसीलदार यांना निवेदने दिली आहेत. मात्र, आरफळचे पाणी पलूस भागात सुरू असून, खाली तासगाव तालुक्‍यात मात्र सोडण्यात येत नसल्याच्या तीव्र प्रतिक्रिया उमटत आहेत.

इतर ताज्या घडामोडी
एचटी सीड ‘एसआयटी’ची पोलिसांच्या...नागपूर  ः राज्य शासनाने स्थापन केलेल्या एच....
इतिहासकालीन जलसंधारण अन् त्यामागचे...दरवर्षी पिढ्यानपिढ्या पावसाचे पाणी वेगवेगळे उपाय...
अभ्यासक्रमात हवा भूसूक्ष्मजीवशास्त्राचा...महाराष्ट्रात चार कृषी विद्यापीठे असून, तिथे १२...
ठिबकचे अनुदान वाटपासाठी अधिकाऱ्यांची...पुणे ः शासनाकडून ठिंबक सिंचनासाठी तरतूद केलेली...
होळीमुळे द्राक्ष काढणी मंदावलीनाशिक : द्राक्षपट्ट्यात द्राक्ष काढणीसाठी आदिवासी...
एकरकमी एफआरपीबाबत साखर कारखान्यांचे मौनसातारा ः जिल्ह्यातील बहुतांशी कारखान्यांचा ऊस...
‘बळिराजा'चे सोळा उमेदवार जाहीरकोल्हापूर : देशात शिक्षण, आरोग्य, रोजगार तसेच...
साताऱ्यात हिरवी मिरची ४०० ते ५०० रुपये...सातारा ः येथील कृषी उत्पन्न बाजार समितीत मंगळवारी...
धुळ्यात भाजपमध्ये अंतर्गत धुसफुसजळगाव ः लोकसभा निवडणुकीत भाजपचे जळगाव व...
नाशिकमध्ये युतीचे उमेदवार ठरेनानाशिक: लोकसभेच्या निवडणुकीसाठी नाशिक व दिंडोरी...
पुणे जिल्ह्यातील सात साखर कारखान्यांचा...पुणे ः पुणे जिल्ह्यातील साखर कारखान्यांचा ऊस गाळप...
उष्णतेचे कारण देऊन पपईच्या दरात अडवणूकनंदुरबार : जिल्ह्यातील पपई उत्पादकांना अपेक्षित...
नांदेड जिल्ह्यात साडेअकराशे हेक्टरवर...नांदेड ः नांदेड जिल्ह्यात गुरुवार (ता. १४) पर्यंत...
नगर जिल्हाधिकाऱ्यांच्या तपासणी मोहिमेची...नगर : जनावरांच्या छावण्या सुरू केल्या. मात्र,...
वऱ्हाडात हळद काढणीला सुरवातअकोला : वऱ्हाडात दुष्काळी परिस्थिती, तसेच पाणी...
परभणीतील पशुवैद्यक विद्यार्थ्यांचे भीक...परभणी ः पशुसंवर्धन विभागांतर्गंत पशुधन सहायकांना...
नाशिक जिल्ह्यात बिबट्यांचा धुमाकूळनाशिक : नाशिक शहर व जिल्ह्यात बिबट्याच्या...
सोलापूर कृषी विज्ञान केंद्राला...सोलापूर : भारतीय कृषी व संशोधन परिषदेअंतर्गत...
नगर जिल्ह्यात सव्वा कोटी टन उसाचे गाळपनगर ः जिल्ह्यातील २३ सहकारी व खासगी साखर...
सोलापूर जिल्हा दूध संघाचे पैसे...सोलापूर : दूध अनामत रक्कम, पशुखाद्य व गायी...