agriculture news in marathi, water shortage may occur, kolhapur, maharashtra | Agrowon

कोल्हापुरात ‘पाणीबाणी’ची शक्यता
टीम अॅग्रोवन
मंगळवार, 21 मे 2019

कोल्हापूर : जिल्ह्यात वेळेवर पाऊस सुरू न झाल्यास पाणीटंचाई तीव्र होण्याची शक्यता आहे. नद्यांबरोबर अनेक तलावांत जेमतेम काही दिवस पुरेल इतकाच पाणीसाठा असल्याचे पाटबंधारे विभागाच्या सूत्रांनी सांगितले.

कोल्हापूर : जिल्ह्यात वेळेवर पाऊस सुरू न झाल्यास पाणीटंचाई तीव्र होण्याची शक्यता आहे. नद्यांबरोबर अनेक तलावांत जेमतेम काही दिवस पुरेल इतकाच पाणीसाठा असल्याचे पाटबंधारे विभागाच्या सूत्रांनी सांगितले.

सध्या जिल्ह्यात असणाऱ्या ४४७ तलावांपैकी २२२ तलाव कोरडे पडले आहेत. ज्या १९३ तलावांमध्ये पाणी आहे, त्यामध्येदेखील हाताच्या बोटावर मोजण्याइतक्या तलावांमध्ये पाणीसाठा चांगला आहे. राहिलेल्या तलावांमध्ये १५ ते २० टक्केच पाणीसाठा आहे. चंदगड तालुक्यातील सर्वाधिक ६० तलाव कोरडे आहेत. या तालुक्यात ८५ तलाव आहेत. याशिवाय आजरा तालुक्यातील २५, भुदरगडमधील ११, गगनबावडामधील ६, गडहिंग्लजमधील ३५, हातकणंंगलेमधील २२, कागलमधील २६, करवीरमधील १५, पन्हाळ्यातील ३३, राधानगरीमधील ८, शाहूवाडीमधील ९ व शिरोळ तालुक्यातील १४ तलावांमध्ये पाणी नाही.

अनेक विहिरींमधील पाणीपातळी खाली गेली आहे. टंचाईग्रस्त गावात पर्यायी पाणीपुरवठ्याचे प्रयत्न सुरू आहेत. पाणीटंचाईवर उपाययोजना करण्यासाठी विहिरीत पारा मारणे, विहीर फोडणे, गाळ काढणे, कूपनलिका खोदणे आदी प्रयत्न शेतकऱ्यांकडून सुरू आहेत. त्यामुळे पिकांना संजीवनी मिळणार आहे. परंतु, आर्थिक परिस्थिती नसतानाही पिके जगविण्यासाठी शेतकऱ्यांना कर्जबाजारी व्हावे लागत असल्याचे चित्र आहे. त्यामुळे शासनाने या कामांसाठी अनुदान द्यावे, अशी मागणी होत आहे.

एका बाजूला कडक ऊन आणि दुसरीकडे एकही वळीव पाऊस नसल्याने तहानलेल्या पिकांसाठी अधिक उपसा झाल्याने अनेक नद्या कोरड्या पडत आहेत. कोणत्याही परिस्थितीत पाऊस सुरू होईपर्यंत शेती आणि पिण्याच्या पाण्याचे नियोजन करणे पाटबंधारे विभागापुढे आव्हान ठरत आहे. 
नियोजनात बदल केला असला तरी गतवेळीइतकाच साठा यंदाही शिल्लक आहे. उलट, यंदा उसाचे वाढलेले क्षेत्र, वळीव नाही, त्यातच कडक उन्हाचा मारा, वाढलेले बाष्पीभवन यामुळे पाणी अधिक लागले. गतवर्षीपेक्षा यंदा उपसा कालावधीही जास्त होता, म्हणून पाण्याचा तुटवडा जाणवत असल्याची माहिती पाटबंधारे विभागाच्या सूत्रांनी दिली.

गेल्या काही दिवसांपासून शेतीला पाण्याचा ताण सहन करावा लागत असल्याने याचा परिणाम उसावर होत आहे. वेळेत पाणी उपलब्ध होत नसल्याने ऊस शेती तहानलेली राहत आहे. वळीव पाऊस नसल्याने पिकांना पाण्याची जादा गरज लागत असल्याचे शेतकऱ्यांनी सांगितले.

इतर ताज्या घडामोडी
फ्लॉवर, पापडी, घेवड्याच्या दरात १०...पुणे : गुलटेकडी येथील कृषी उत्पन्न बाजार...
मराठवाड्यात दूध संकलनात ९८ हजार लिटरने...औरंगाबाद : मराठवाड्यातील दुग्धोत्पादनाला घरघर...
ऊस बिलावरून शेतकरी आक्रमकनाशिक  : वसंतदादा सहकारी साखर कारखाना...
येवला, देवळा, मालेगाव, सटाणा तालुक्यात...नाशिक : जिल्ह्यात शनिवारी (ता. २२) पावसाला सुरवात...
संत श्री तुकाराम महाराज पालखी सोहळ्याचे...देहू, जि. पुणे  ः आषाढी वारीसाठी संत श्री...
पृथ्वीराज चव्हाण यांनी केली...कऱ्हाड, जि. सातारा  ः माजी मुख्यमंत्री आमदार...
अकोट तालुक्यातील केळी बागांना वादळी...अकोला  ः आधीच नैसर्गिक संकटांनी त्रस्त...
नगर जिल्ह्यातील अकरा महसूल मंडळात...नगर  ः जिल्ह्यातील सर्वच भागांत पावसाने...
शेतकऱ्यांना अडवणाऱ्यांना शिवसेना...नगर   ः विमा योजनेत घोटाळा झाला...
नाचणी प्राक्रियेत संधीनाचणी हे पीक आरोग्याच्या दृष्टीने अत्यंत...
बीबीएफ तंत्रज्ञानानेच पेरणी, विश्वी...बुलडाणा ः येत्या हंगामात बीबीएफ तंत्रज्ञानाने...
सांगली जिल्ह्यात १८३ गावांना टँकरने...सांगली : जून महिना सुरू होऊन दुसरा आठवडा संपला...
जळगाव जिल्ह्यातील प्रकल्प कोरडे...जळगाव  ः खानदेशात सिंचन प्रकल्पांमध्ये मिळून...
आषाढी वारीत शासकीय महापूजेचा वेळ...सोलापूर : आषाढी एकादशी दिवशीची श्री विठ्ठल-रुक्‍...
जळगाव बाजार समितीत व्यापारी संकुलावरून...जळगाव  : कृषी उत्पन्न बाजार समितीमध्ये...
वऱ्हाडात महाबीज बियाणे मिळण्यापूर्वी...अकोला ः राष्ट्रीय अन्न सुरक्षा मोहीम व ग्राम...
सातारा : जिल्हाधिकारी कार्यालयात...सातारा  : टेंभू उपसा सिंचन योजनेतून खटाव...
मंगळवेढा बाजार समितीत वांग्याला राज्यात...मंगळवेढा जि. सोलापूर : मंगळवेढा येथील कृषी...
नांदेड, परभणी, हिंगोलीत पाऊसनांदेड : नांदेड, परभणी, हिंगोली जिल्ह्यातील ९८...
पाऊस लांबल्याने आता कोणते पीक घ्यावे?...नगर : मॉन्सून लांबल्याने आता खरीप पिकांत बदल...