agriculture news in marathi, Water stock in Marathwada is 52 percent | Agrowon

मराठवाड्यातील पाणीसाठा ५२ टक्‍क्यांवर
टीम अॅग्रोवन
मंगळवार, 2 जानेवारी 2018

औरंगाबाद : परतीचा पाऊस मराठवाड्यातील काही भागात चांगला झाला असली तरी पाणीसाठा ५२ टक्क्यांवर आला आहे. डिसेंबरअखेर मराठवाड्यातील २८४ लघुप्रकल्पांसह १६ मध्यम प्रकल्पांमध्ये उपयुक्‍त पाणीसाठ्याची अवस्था चिंतनीय असल्याची बाब समोर आली आहे.

आजपासून किमान सहा महिने सिंचनासह पिण्याच्या पाण्याची गरज साठलेल्या पाण्यातूनच करावी लागणार असल्याने त्यासाठी पाण्याच्या कार्यक्षम वापराचे नियोजन होण्याची गरज निर्माण झाली आहे.

औरंगाबाद : परतीचा पाऊस मराठवाड्यातील काही भागात चांगला झाला असली तरी पाणीसाठा ५२ टक्क्यांवर आला आहे. डिसेंबरअखेर मराठवाड्यातील २८४ लघुप्रकल्पांसह १६ मध्यम प्रकल्पांमध्ये उपयुक्‍त पाणीसाठ्याची अवस्था चिंतनीय असल्याची बाब समोर आली आहे.

आजपासून किमान सहा महिने सिंचनासह पिण्याच्या पाण्याची गरज साठलेल्या पाण्यातूनच करावी लागणार असल्याने त्यासाठी पाण्याच्या कार्यक्षम वापराचे नियोजन होण्याची गरज निर्माण झाली आहे.

डिसेंबरच्या मध्यान्हाअखेर मराठवाड्यातील ८६४ मोठ्या, मध्यम, लघुप्रकल्पांसह बंधाऱ्यांमधील उपयुक्‍त पाणीसाठा पन्नास दिवसात जवळपास ९ टक्क्‍यांनी घटला होता. १५ डिसेंबरअखेर मराठवाड्यातील सर्वच प्रकल्पांमध्ये ५६ टक्‍केच उपयुक्‍त पाणीसाठा शिल्लक होता. तो आता ५२ टक्‍क्‍यांवरच आला आहे. मोठ्या संख्येने असलेल्या ७४३ लघु प्रकल्पांध्ये केवळ ४१ टक्‍केच उपयुक्‍त पाणी शिल्लक असल्याची माहिती जलसंपदा विभागाच्या सूत्रांनी दिली.

यंदा २७ ऑक्‍टोबर नंतर मराठवाड्यातील सर्वच पाणीसाठ्यांमधील पाणीपातळी हळूहळू कमी होण्यास सुरूवात झाली. नोव्हेंबरच्या पहिल्या आठवड्यात संकल्पीत साठ्याच्या तुलनेत ६४ टक्‍क्‍यांवर असलेला उपयुक्‍त पाणीसाठा डिसेंबरच्या सुरवातीला ५९ टक्‍क्‍यांवर तर डिसेंबरच्या अखेरीस ५२ टक्‍क्‍यांवरच आला आहे.

मराठवाड्यातील मोठ्या प्रकल्पांपैकी येलदरी व ऊर्ध्व पैनगंगा प्रकल्पात अनुक्रमे ८ व ११ टक्‍केच उपयुक्‍त पाणीसाठा आहे. तर निम्न मनारमध्येही १८ टक्‍केच उपयुक्‍त पाणीसाठा शिल्लक आहे. गतवर्षी डिसेंबरअखेर ११ मोठ्या प्रकल्पांत ७० टक्‍के असलेला उपयुक्‍त पाणीसाठा यंदा मात्र याच तारखेअखेर ५२ टक्‍क्‍यांवरच आला आहे.
औरंगाबाद जिल्ह्यातील १६ मध्यम प्रकल्पांपैकी ८ प्रकल्पांत उपयुक्‍त पाणीसाठाच शिल्लक नाही. तर औरंगाबाद, जालना, नांदेड, परभणी व हिंगोली या पाच जिल्ह्यातील २८४ लघु प्रकल्पातील उपयुक्‍त पाणीसाठ्याची अवस्था चिंतनीय आहे.

औरंगाबाद जिल्ह्यातील ९० लघुप्रकल्पात २३ टक्‍के, जालन्यातील ५७ लघुप्रकल्पात २७ टक्‍के, नांदेडमधील ८८ लघुप्रकल्पांत २६ टक्‍के, परभणीतील २२ लघुप्रकल्पात २४ टक्‍के तर हिंगोलीतील २७ लघुप्रकल्पांत २६ टक्‍केच उपयुक्‍त पाणीसाठा शिल्लक आहे. गतवर्षी डिसेंबरअखेर मराठवाड्यातील ७४३ लघु प्रकल्पात ६४ टक्‍के उपयुक्‍त पाणीसाठा शिल्लक होता तो यंदा केवळ ४२ टक्‍केच शिल्लक आहे.

इतर बातम्या
तूर, हरभरा अनुदान मिळण्यासाठी अचूक...मुंबई : शेतकऱ्यांचे आधार क्रमांक बँक खात्यास...
पाकिस्तानात घुसूनच सर्जिकल स्ट्राइक करा...नवी दिल्ली : दहशतवादाविरोधात सर्व राजकीय पक्षांनी...
शिवजयंतीला शिवनेरी किल्ल्यावर शिववंदनापुणे : छत्रपती श्री शिवाजी महाराज यांच्या...
हुतात्मा संजय राजपूत, नितीन राठोड यांना...बुलडाणा  ः काश्मीरमधील पुलवामा सेक्टरमध्ये...
जिवाणूंमुळे होतो फुफ्फुसाच्या...फुफ्फुसाच्या ट्यूमरच्या विकासामध्ये तेथील...
पाणीटंचाईची ऊस लागवडीला झळपुणे :ऑक्टोबरपासून सुरू झालेल्या...
पाण्याअभावी फळबागांवर संकटअकोला : फळबागांसाठी अोळख असलेल्या अकोट तालुक्यात...
दुष्काळ निधीच्या याद्यांच्या नावे महसूल...जळगाव ः खानदेशात दुष्काळ निधीसंबंधी जिल्हा...
तूर हमीभाव नोंदणीकडे शेतकऱ्यांची पाठसांगली : खरेदी केंद्रात तूर विक्रीसाठी ऑनलाइन...
मराठवाड्याच्या घशाला कोरडऔरंगाबाद : मराठवाड्यातील पाणीसाठ्यांची...
नगर जिल्हा परिषदेचे उद्या अंदाजपत्रकनगर : जिल्हा परिषदेची अंदाजपत्रकीय विशेष सभा...
सौरपंपांपासून साडेचार हजार शेतकरी वंचितजळगाव : मुख्यमंत्री सौरकृषिपंप योजनेच्या लाभासाठी...
सौर कृषिपंप योजनेच्या लाभार्थ्यांचा...सोलापूर : शेतकऱ्यांना सौरऊर्जेद्वारे दिवसाही...
औरंगाबादेत द्राक्ष प्रतिक्विंटल ३५०० ते...औरंगाबाद : येथील कृषी उत्पन्न बाजार समितीमध्ये...
‘स्वराज्य स्वर्णिम' योजनेद्वारे गड-...पुणे ः ग्रामीण पर्यटनातून रोजगार निर्मितीला...
कार्यकर्त्यांवर दडपशाही करून लाँग मार्च...नगर ः सरकारच्या विश्वासघाताविरोधात २०...
विठ्ठल विठ्ठल गजरी, अवघी दुमदुमली पंढरीपंढरपूर, जि. सोलापूर: माघ वारीसाठी (जया...
शिवसेना-भाजपचे युतीच्या दिशेने पुढचे...मुंबई: लोकसभा निवडणुकीतील युतीसाठी शिवसेना-...
महिला सक्षमीकरणाला गती : नरेंद्र मोदी यवतमाळ : यवतमाळसह राज्यात महिला बचत गटांचे...
द्राक्षाला निर्यातीची गोडीमुंबई  ः यंदा देशातील द्राक्ष हंगामावर...