agriculture news in marathi, Water storage in Nagar 7500 TCM' | Agrowon

जलयुक्तमुळे साडेसात हजार 'टीसीएम' पाणीसाठा
सू्र्यकांत नेटके
शुक्रवार, 24 नोव्हेंबर 2017

नगर : जलयुक्त शिवार योजनेतून दोन वर्षांत केलेल्या कामाचे फलित आता दिसू लागले आहेत. योजनेत लोकांचाही महत्त्वपूर्ण सहभाग दिसत आहे. नगर जिल्ह्यामध्ये दोन वर्षांत १६८९ तलावांतील गाळ काढला आहे. हा गाळ टाकल्यामुळे बावीस हजार ७३१ शेतकऱ्यांच्या तब्बल ८ हजार ६३७ हेक्‍टर क्षेत्रावरील जमिनीला सुपीकता आली, तर गाळ काढलेल्या तलावांत ७ हजार ५४२ ‘टीसीएम’ पाणीसाठा झाला आहे. जलयुक्त योजनेतून राज्यात सर्वाधिक तलावातील गाळ नगर जिल्ह्यामध्ये काढला आहे.

नगर : जलयुक्त शिवार योजनेतून दोन वर्षांत केलेल्या कामाचे फलित आता दिसू लागले आहेत. योजनेत लोकांचाही महत्त्वपूर्ण सहभाग दिसत आहे. नगर जिल्ह्यामध्ये दोन वर्षांत १६८९ तलावांतील गाळ काढला आहे. हा गाळ टाकल्यामुळे बावीस हजार ७३१ शेतकऱ्यांच्या तब्बल ८ हजार ६३७ हेक्‍टर क्षेत्रावरील जमिनीला सुपीकता आली, तर गाळ काढलेल्या तलावांत ७ हजार ५४२ ‘टीसीएम’ पाणीसाठा झाला आहे. जलयुक्त योजनेतून राज्यात सर्वाधिक तलावातील गाळ नगर जिल्ह्यामध्ये काढला आहे.

टंचाईग्रस्त गावे टंचाईमुक्त करण्यासाठी शासनाच्या विविध योजनांचा ताळमेळ घालत सुरू करण्यात आलेल्या जलयुक्त शिवार अभियानात सिंचन क्षेत्र वाढीसाठी खास प्रयत्न केले जात आहेत. नगर जिल्ह्यामध्ये जुन्या काळी झालेल्या तलाव-बंधारे, गाव तलाव, पाझर तलावांसह मध्य आणि लघू प्रकल्पांत मोठ्या प्रमाणात गाळ साचलेला आहे. रोजगार हमी व अन्य योजनांतून गाळ काढण्याची लोकांकडून मागणी केली जात होती. मात्र त्यासाठी फारसा निधी उपलब्ध होत नव्हता.

जलयुक्त शिवार योजना सुरू झाल्यापासून गाळ काढण्याच्या कामाला गती मिळाली आहे. जलयुक्तमधून नव्याने कामे करण्याबरोबरच जुन्या कामांच्या दुरुस्तीलाही प्रधान्य दिले जात आहे. "तलावातील गाळ काढून शेतात टाकला तर शेती सुपीक होते आणि तलावात पाणीसाठा वाढतो'' याबाबत जागृती करत लोकांची मदत घेतल्याने गाळ काढण्याच्या कामाला गती मिळाली आहे.

दोन वर्षांत लोकसहभाग, महात्मा फुले जलभूमी अभियान आणि जलयुक्त यातून तब्बल १६९८ तलावांतून तब्बल ८८ लाख ३४ हजार ४१० घनमीटर गाळ काढला आहे. या सर्व कामाची किंमत २२ कोटी रुपये आहे. तलावातील गाळ काढण्याचे आणि लोकसहभागातून राज्यात सर्वाधिक काम नगर जिल्ह्यात झाल्याचे प्रशासनाकडून सांगितले जात आहे.

लोकसहभागातून साडेसतरा कोटींचे काम
जलयुक्त शिवार अभियानात लोकहभागाला प्राधान्य दिले जात आहे. "आपल्या विकासासाठी आपणच काम करायचे''असे समजून लोकसहभाग वाढीसाठी प्रयत्न केले जात आहेत. त्याचा फायदाही चांगला झाला आहे. जलयुक्तमधून दोन वर्षांत तब्बल ६५५ तलावांतील गाळ काढला आहे. त्याची सरकारी दराने सतरा कोटी ५६ लाख ९३ हजार रुपये किंमत होते. त्या तलावात यंदा जवळपास पाच हजार टीसीएम पाणीसाठा झाला आहे. लोकसहभागातून काढलेला ६० लाख ५८ हजार २७४ घनमीटर गाळ पंधरा हजार शेतकऱ्यांनी शेतात टाकल्यामुळे पाच हजार चारशे हेक्‍टर क्षेत्राला सुपीकता आली आहे.

राज्यात जलयुक्त शिवार अभियानातून जोरात कामे सुरू आहेत. नगर जिल्ह्यामध्ये तर जलयुक्त शिवार म्हणजे लोकचळवळ झाली आहे. दोन वर्षांत झालेल्या कामांमुळे यंदा जिल्ह्यामध्ये अनेक गावे पाणीदार झाली आहेत. सरकारने योजनेतून शेतकऱ्यांच्या जीवनात क्रांती आणण्याचे ध्येय ठेवले आहे.
प्रा. राम शिंदे, जलसंधारणमंत्री व पालकमंत्री, नगर

 

इतर बातम्या
रत्नागिरी, देवगड, अलिबाग हापूसला...मुंबई : हापूस ‘कोणा’चा हा गुंता आता सुटण्याच्या...
‘ॲग्रोवन’चे आज चौदाव्या वर्षात पदार्पण !पुणे ः राज्यभरातील प्रगतिशील शेतकऱ्यांच्या...
कृषी विज्ञान केंद्रांमध्ये हवामान...पुणे : ‘‘देशातील शेतकऱ्यांना मोबाईलवरून हवामान...
३२०० साखर दराची अंमलबजावणी व्हावी :...कोल्हापूर : केंद्र सरकारच्या कृषिमूल्य आयोगाने...
चंद्रपूरमध्ये देशातील उच्चांकी...पुणे : गेल्या दोन ते तीन दिवसांपासून राज्यातील...
ग्रामीण भागात समिश्र चलन तुटवडा अकोला  : गेल्या काही दिवसांपासून चलन तुटवडा...
केसर आंबा संकटातचऔरंगाबाद :  सुरवातीला मोहराच्या काळात...
जमीन सुपीकतेसाठी प्रो-साॅईल प्रकल्पपरभणी  ः नाबार्ड आणि जर्मनीतील जीआयझेड या...
त्रस्त शेतकरी वाटणार ३ मेपासून मोफत दूधनगर/औरंगाबाद  : गतवर्षी शेतकरी संपानंतर...
नाशिकमधील ड्रायपोर्टचा मार्ग मोकळानाशिक  : नाशिक जिल्हा बँकेकडे तारण असलेली...
मोहफुलावरील बंदी उठलीनागपूर (सकाळ वृत्तसेवा) : आदिवासींसाठी मोहफुलाचे...
संत्रा पिकाचे ४० टक्‍के नुकसान जलालखेडा, जि. नागपूर : जगप्रसिद्ध असलेल्या...
पावसाळी अधिवेशन नागपूरमध्ये होणारमुंबई : येत्या ४ जुलैपासून सुरू होणारे...
पुणे जिल्ह्यात भाताचे क्षेत्र वाढण्याचा... पुणे: जिल्ह्यातील शेतकऱ्यांची खरीप हंगामाची...
साताऱ्यातील दोन हजार सत्तावीस... सातारा : कृषी यांत्रिकीकरणास मोठ्या प्रमाणात...
साखर जप्त करता येणार नाही ः मुश्रीफ कोल्हापूर  : एफआरपीची थकीत रक्कम ऊस...
नगर जिल्ह्यात ‘जलयुक्त’ची ३७१ कामे पूर्ण नगर : जिल्ह्यात जलयुक्त शिवार अभियानातून मागील...
मराठवाड्याला पिंजार-दमणगंगा खोऱ्यातून...नांदेड  ः मराठवाड्याच्या वाट्याचे कृष्णा...
मिरज पूर्व भागात पाण्यासाठी भटकंती सुरूच सांगली : म्हैसाळ योजनेचा उपसा सुरू होऊन महिना...
धुळ्यात हरभरा खरेदी केंद्रांची संख्या... धुळे  ः धुळे जिल्ह्यातही हरभरा व तुरीला...