agriculture news in marathi, Water storage reserved in Parbhani | Agrowon

परभणीतील प्रकल्पांमधील पाणीसाठा आरक्षित
टीम अॅग्रोवन
मंगळवार, 19 डिसेंबर 2017

परभणी (प्रतिनिधी)ः जिल्ह्यात यंदा झालेल्या पावसाच्या तुटीमुळे प्रकल्पांच्या अनेक जलशयांमध्ये गत वर्षीच्या तुलनेत कमी उपयुक्त पाणीसाठा उपलब्ध झाला आहे. त्यामुळे येत्या जुलैपर्यंत अनेक भागात निर्माण होणाऱ्या संभाव्य पाणीटंचाईवरील उपाययोजनांअंतर्गत मोठ्या, मध्यम आणि लघू प्रकल्पांतील तसेच गोदावरी नदीवरील उच्च पातळी बंधाऱ्यांमधील ५६.४२ दलघमी पाणीसाठा जिल्हा प्रशासनातर्फे आरक्षित करण्यात आला आहे.

परभणी (प्रतिनिधी)ः जिल्ह्यात यंदा झालेल्या पावसाच्या तुटीमुळे प्रकल्पांच्या अनेक जलशयांमध्ये गत वर्षीच्या तुलनेत कमी उपयुक्त पाणीसाठा उपलब्ध झाला आहे. त्यामुळे येत्या जुलैपर्यंत अनेक भागात निर्माण होणाऱ्या संभाव्य पाणीटंचाईवरील उपाययोजनांअंतर्गत मोठ्या, मध्यम आणि लघू प्रकल्पांतील तसेच गोदावरी नदीवरील उच्च पातळी बंधाऱ्यांमधील ५६.४२ दलघमी पाणीसाठा जिल्हा प्रशासनातर्फे आरक्षित करण्यात आला आहे.

सद्यःस्थितीत २२ लघू तलावांपैकी ६ प्रकल्पांतील उपयुक्त पाणीसाठा संपला आहे. इतर तलावातील पाणीसाठा वाढता उपसा तसेच बाष्पीभवनामुळे घटत चालला आहे. त्यामुळे यंदा अनेक भागातील नागरिकांना लवकरच पाणीटंचाईच्या संकटाला सामोरे जावे लागण्याची चिन्हे दिसू लागली आहेत.

दरम्यान संभाव्य टंचाईग्रस्त पाहता आरक्षित पाणीसाठा जुलैपर्यंत उपलब्ध राहील यांची काळजी घ्यावी, असे निर्देश प्रशासनातर्फे देण्यात आले आहेत. मानवत तालुक्यातील १९ गावे, गंगाखेड तालुक्यातील ४ आणि परभणी तालुक्यातील १० गावांतील पाणीपुरवठा योजनांसाठी जायकवाडी धरणातील ०.२८९ दलघमी पाणीसाठा आरक्षित करण्यात आला आहे. निम्न दुधना प्रकल्पातील ३३.४४६ दलघमी पाणीसाठा मानवत, सेलू, पाथरी तालुक्यातील ५७ गावे तसेच नगर परिषदा अंतर्गतच्या पाणीपुरवठा योजनांसाठी आरक्षित ठेवण्यात आला आहे.

येलदरी धरणातील ७.४८९ दलघमी पाणीसाठा जिंतूर नगरपालिका तसेच परभणी महापालिका आणि जिंतूर तालुक्यातील ३८ गावांसाठीच्या प्रादेशिक पाणीपुरवठा योजनांसाठी आरक्षित केला आहे. सिध्देश्वर धरणातील ०.४४१ दलघमी पाणीसाठा वस्सा १२ गावे पाणीपुरवठा योजना तसेच पूर्णा तालुक्यातील १२ गावांच्या पाणीपुरवठा योजनांसाठी राखीव केला आहे. करपरा मध्यम प्रकल्पांतील २.७९६ दलघमी पाणीसाठा कुपटा १६ गावे प्रादेशिक पाणीपुरवठा योजनेसाठी तर मासोळी मध्यम प्रकल्पांतील ३.४१५ दलमघी पाणीसाठा गंगाखेड तालुक्यातील ३ गाव प्रादेशिक पाणीपुरवठा योजनेसाठी तसेच नगर परिषदेसाठी राखीव आहे.

गोदावरी नदीवरील ढालेगाव येथील उच्च पातळी बंधाऱ्यातील १.५८३ दलघमी पाणीसाठा पाथरी तालुक्यातील १४ गाव पाणीपुरवठा योजनेसाठी व नगर परिषदेसाठी आरक्षित आहे.

मुद्दगल बंधाऱ्यातील २.००६ दलघमी पाणीसाठा सोनपेठ, पाथरी तालुक्यातील १० गावे तसेच सोनपेठ नगर परिषदेसाठी, मुळी बंधाऱ्यातील १.०६४ दलघमी पाणीसाठा गंगाखेड तालुक्यातील ७ गावांसाठी राखीव आहे. डिग्रस बंधाऱ्यातील ३.७१८ दलघमी पाणीसाठा पालम, पूर्णा, तालुक्यातील २० गावे तसेच पालम नगर पंचायतीसाठी राखीव आहे. पेडगाव लघू तलावातील ०.००९५ दलघमी पाणीसाठा पेडगाव, जांब, पान्हेरा, मोहपुरी, मांडाखळी, पाळोदी, सावळी, सावरगाव खुर्द या गावांच्या पाणीपुरवठा योजनांसाठी, झरी तलावातील ०.००८५ दलघमी पाणीसाठा पाथरी तालुक्यातील ७ गावांसाठी तर पिंपळदरी तलावातील ०.००२३ दलघमी पाणीसाठा आरक्षित ठेवण्यात आला आहे.

इतर ताज्या घडामोडी
रविवार विशेष : दावणत्या दाव्यानं असे किती जीव ओढत नेले असतील...
केंद्रीय कृषी विद्यापीठे ही काळाची गरज...देशात वातावरणावर आधरित १५ झोन आहेत. या...
श्रीमंत रानातला ‘गरीब’ प्रतिभावंत !ठकाबाबांनी जगण्यावर, कलेवर भरभरून प्रेम केले. कला...
तूर, हरभरा अनुदान मिळण्यासाठी अचूक...मुंबई : शेतकऱ्यांचे आधार क्रमांक बँक खात्यास...
पाकिस्तानात घुसूनच सर्जिकल स्ट्राइक करा...नवी दिल्ली : दहशतवादाविरोधात सर्व राजकीय पक्षांनी...
शिवजयंतीला शिवनेरी किल्ल्यावर शिववंदनापुणे : छत्रपती श्री शिवाजी महाराज यांच्या...
हुतात्मा संजय राजपूत, नितीन राठोड यांना...बुलडाणा  ः काश्मीरमधील पुलवामा सेक्टरमध्ये...
जिवाणूंमुळे होतो फुफ्फुसाच्या...फुफ्फुसाच्या ट्यूमरच्या विकासामध्ये तेथील...
पाणीटंचाईची ऊस लागवडीला झळपुणे :ऑक्टोबरपासून सुरू झालेल्या...
नगर जिल्हा परिषदेचे उद्या अंदाजपत्रकनगर : जिल्हा परिषदेची अंदाजपत्रकीय विशेष सभा...
सौरपंपांपासून साडेचार हजार शेतकरी वंचितजळगाव : मुख्यमंत्री सौरकृषिपंप योजनेच्या लाभासाठी...
सौर कृषिपंप योजनेच्या लाभार्थ्यांचा...सोलापूर : शेतकऱ्यांना सौरऊर्जेद्वारे दिवसाही...
औरंगाबादेत द्राक्ष प्रतिक्विंटल ३५०० ते...औरंगाबाद : येथील कृषी उत्पन्न बाजार समितीमध्ये...
शिवसेना-भाजपचे युतीच्या दिशेने पुढचे...मुंबई: लोकसभा निवडणुकीतील युतीसाठी शिवसेना-...
किमान तापमानात वाढ, उन्हाळी हंगामास...महाराष्ट्रावर १०१४ हेप्टापास्कल इतका हवेचा दाब...
पुणे विभागात हरभऱ्याची ४९ टक्केच पेरणीपुणे : पावसाळ्यात कमी पावसामुळे जमिनीत पुरेशी ओल...
शाळांमधील ४९८ खोल्या धोकादायकपुणे : जिल्हा परिषदेच्या शिक्षण विभागाने...
मराठवाड्यात रब्बी पिकांची वाढ खुंटलीऔरंगाबाद : पाण्याचा ताण, तापमानातील चढउतार यामुळे...
अमरावतीत तूर, कापसाला मिळेना भावअमरावती : चीनकडून भारतीय सोयाबीनला वाढती...
गुलाब उत्पादकांच्या कष्टाला मिळाले फळ नाशिक : दुष्काळी परिस्थिती, कमी असलेला भाव,...