agriculture news in marathi, Water stress in villages in Jat taluka | Agrowon

जत तालुक्यातील गावांना पाणीटंचाईच्या झळा
टीम अॅग्रोवन
बुधवार, 12 सप्टेंबर 2018

सांगली : बेबंद पाणीउपसा, भूगर्भातील घटलेला पाणीसाठा, वाढते तापमान आणि कमी पाऊसमान, यामुळे जत तालुक्‍याला दरवर्षीप्रमाणे यंदाही पाणीटंचाईस तोंड द्यावे लागत आहे. विशेषत: पूर्व भागातील जवळपास ५० गावे टंचाइने त्रस्त झाली आहेत. सहा गावांना अधिग्रहण केलेल्या विहिरी, कूपनलिकेतून पाणीपुरवठा सुरू आहे. याबरोबरच १६ गावांकडून टॅंकरची मागणी करण्यात आली आहे.

सांगली : बेबंद पाणीउपसा, भूगर्भातील घटलेला पाणीसाठा, वाढते तापमान आणि कमी पाऊसमान, यामुळे जत तालुक्‍याला दरवर्षीप्रमाणे यंदाही पाणीटंचाईस तोंड द्यावे लागत आहे. विशेषत: पूर्व भागातील जवळपास ५० गावे टंचाइने त्रस्त झाली आहेत. सहा गावांना अधिग्रहण केलेल्या विहिरी, कूपनलिकेतून पाणीपुरवठा सुरू आहे. याबरोबरच १६ गावांकडून टॅंकरची मागणी करण्यात आली आहे.

तलावातील पाणीसाठा घटला आहे. पाण्यासाठी लोकांची भटकंती सुरू आहे. पिके होरपळू लागली आहेत. जनावरांचे हाल सुरू आहेत. अशावेळी म्हैसाळ पाणी योजनेतून पाणी सतत सोडणे आवश्‍यक असताना शासन व प्रशासन मात्र कागदी घोडे नाचविण्यात मग्न असल्याची शेतकऱ्यांची भावना आहे.

जत तालुक्‍यात उन्हाळा कडक जाणार, अशी स्थिती निर्माण झाली आहे. मागील वर्षी वरुणराजाची कृपा झाल्याने यंदा दुष्काळाच्या झळा फार जाणवल्या नाहीत. यंदा सप्टेंबर महिना सुरू झाला तरीही पावसाचा पत्ता नाही. जिल्हाधिकारी यांच्याकडे टॅंकर देण्याचे अधिकार आहेत. स्थानिक पातळीवर मंडळ अधिकारी व पंचायत समितीच्या पाणीपुरवठा विभागाकडून पाहणी करण्यात येत आहे. टॅंकरसाठी भूजल सर्वेक्षण विभागाची परवानगी घ्यावी लागणार आहे. टॅंकरग्रस्त गावांमधील पाणीसाठे संपुष्टात आले आहेत. तलाव कोरडे पडू लागले आहेत, पाणी योजनांचे स्राेत आटले आहेत. त्यामुळे पाण्याची टंचाई निर्माण झाली आहे.

मागील वर्षी म्हैसाळ योजनेचे पाणी सोडण्यात आले होते. त्यामधून कुंभारी, कोसारी, बागेवाडी, गुळवंची, कंठी, बिरनाळ, शेगाव, तिप्पेहळ्ळी, बनाळी, वाळेखिंडी या भागातील तलाव भरून घेण्यात आले होते. तो पाणीसाठा आता संपुष्टात आला आहे. कृष्णा नदीच्या पाण्यावर शेतकऱ्यांनी फळबागा व नगदी पिके घेतली आहेत. यावर्षी पाणी सोडण्याची चिन्हे दिसत नसल्याने पश्‍चिम भागातील शेतकरी चिंताग्रस्त झाला आहे.

टंचाईग्रस्त गावे  :
उमदी, डफळापूर, बिळूर, तिकोंडी, मुचंडी, माडग्याळ, गुड्डापूर, उमराणी, जिरग्याळ, मिरवाड, शिंगणापूर, कुडनूर, लकडेवाडी, अमृतवाडी, सनमडी, मायथळ, टोणेवाडी, वज्रवाड, बसर्गी, खिलारवाडी, येळदरी, गूगवाड, सिंदूर, एकुंडी, वळसंग, बागलवाडी, बेळुंखी, बाज.
टॅंकर मागणी केलेली गावे :
कोतेबोबलाद, अंकलगी,व्हसपेठ, सोन्याळ, हळ्ळी, अचकनहळ्ळी, कोनबगी, काराजनगी, सोनलगी, अंतराळ, माडग्याळ, आंसगी-जत, तिल्याळ, पांढरेवाडी, लमाणतांडा (द), दरिबडची.

इतर बातम्या
कर्जमाफीची प्रक्रिया थंडावल्याने...सोलापूर : शेतमालाचे कोसळलेले दर, कर्जमाफी होऊनही...
विदर्भात उद्यापासून पावसाची शक्यता;...पुणे : बंगालच्या उपसागरात तयार होत असलेली...
भाजपची राष्ट्रीय परिषद ११ जानेवारीपासूननवी दिल्ली ः भारतीय जनता पक्षाच्या राष्ट्रीय...
यंत्रमाग १ तर प्रोसेस, सायझिंगला २...मुंबई  ः महाराष्ट्र राज्याचे वस्त्रोद्योग...
अटी, शर्ती काढल्या तरच कर्जमाफीचा फायदा नगर : सरकारच्या चुकीच्या धोरणामुळे कर्ज झाले आहे...
कर्जासाठी शेतकऱ्याचा बॅंकेसमोर मृत्यू...मुंबई : कर्जाच्या मागणीसाठी शेतकऱ्यांना स्टेट...
ग्रामपंचायतीच्या ८०० सदस्यांचे सदस्यत्व...सोलापूर : निवडणूक निकालानंतर सहा महिन्यांच्या आत...
प्रतापगडावर शिवप्रताप दिन उत्साहातसातारा : ढोल-ताशांचा रोमांचकारी गजर, छत्रपती...
कांद्याला पाचशे रुपये अनुदान द्यानाशिक : कांद्याला हमीभाव मिळत नसल्याने...
'प्रकल्पग्रस्त पुनर्वसनात वेळेचा अपव्यय...नाशिक : शासकीय अधिकारी काम कसे करतात, यावरच...
बचत गटांच्या सक्षमीकरणासाठी ‘...मुंबई : राज्यातील महिला सक्षमीकरणाशी निगडित...
विहीर अधिग्रहणापोटी आता वाढीव मोबदलानागपूर : पाणीटंचाईच्या पार्श्‍वभूमीवर अधिग्रहित...
वीस वाळू घाटांच्या लिलावाचा मार्ग मोकळाअकोला : मुंबई उच्च न्यायालयाच्या नागपूर खंडपीठाने...
मराठवाड्यात रब्बी पिकांची होरपळ सुरूऔरंगाबाद : मराठवाड्यातील पेरणी झालेल्या रब्बी...
नांदेडमध्ये नाफेडतर्फे तूर खरेदी केंद्र...नांदेड ः केंद्र शासनाच्या आधारभूत किंमत खरेदी...
परभणीत आज शेतकरी सुकाणू समिती बैठकपरभणी : राज्यातील दुष्काळग्रस्त शेतकऱ्यांना मदत,...
सांगली बाजार समितीत हमालांचे आंदोलनसांगली ः कृषी उत्पन्न बाजार समितीतील हमालांनी...
नगर जिल्ह्यात हमी केंद्रांकडे शेतकरी...नगर ः आधारभूत किमतीने मूग, उडीद सोयाबीनची खरेदी...
शिवसेनेकडून जिल्हा परिषदेत नाराजांचे...जळगाव : जिल्हा परिषदेत तीन पंचवार्षिक भाजपसोबत...
बुलडाणा जिल्ह्यात सोयाबीन खरेदी अत्यल्पबुलडाणा : जिल्हा मार्केटिंग फेडरेशनने सुरू...