agriculture news in marathi, water supply distrub in warna river costal area, kolhapur, maharashtra | Agrowon

वारणा नदीवरील बंधारा दुरुस्तीमुळे पाणीपुरवठा ठप्प
टीम अॅग्रोवन
बुधवार, 17 ऑक्टोबर 2018

बंधाऱ्याचे काम सुरू असल्याने पाण्याचा विसर्ग बंद आहे. काम युद्धपातळीवर सुरू असून, बंधाऱ्याच्या तळाचे काम झाले, की धरणातून पाणी सोडण्यात येणार आहे. चार दिवसांत पाणीपुरवठा सुरू होण्याची शक्‍यता आहे.
- व्ही. जे. डवरी, शाखा अभियंता, पाटबंधारे विभाग.

कोल्हापूर  : वारणा नदीवरील विविध बंधाऱ्यांची दुरुस्ती सुरू असल्याने धरणातून पाण्याचा विसर्ग बंद करण्यात आला आहे. वारणा नदीचे पात्र कोरडे पडल्याने वारणा नदीकाठावरील गावांमध्ये पिण्याच्या व शेतीचा पाणीपुरवठा ठप्प झाला आहे. गेल्या चार दिवसांपासून नदीतून या गावांना होणारा पाणीपुरवठा बंद झाल्याने गावातील नागरिकांना पाण्यासाठी धावाधाव करावी लागत आहे.

नदीवरील चावरे-घुणकी दरम्यानच्या कोल्हापूर पद्धतीच्या बंधाऱ्याची, दानोळीजवळील बंधाऱ्याची दुरुस्ती सुरू आहे. त्यामुळे पाणी ठिकठिकाणी अडविण्यात आले आहे. नदीपात्र कोरडे पडल्याने कोल्हापूर, सांगली जिल्ह्यातील नदीकाठावरील गावांचा पाणीपुरवठा विस्कळित झाला आहे.
चावरे-घुणकी दरम्यानच्या बंधाऱ्याचे पिलर पावसाळ्यात ढासळले आहेत. त्यामुळे पाटबंधारे विभागाने दुरुस्तीकाम सुरू केले आहे. अडथळ्यामुळे मांगलेदरम्यान बंधाऱ्यातील पाणी अडविल्याने येथील उपसा योजनेजवळच पात्र कोरडे पडले आहे.

याबाबत पाटबंधारे विभागाशी संपर्क साधला असता, अद्याप चार ते पाच दिवस दुरुस्ती चालणार असल्याचे सांगण्यात आले. या गावातील ग्रामपंचायतींनी पाणी जपून वापरण्याचे आवाहन ग्रामस्थांना केले आहे. पाणीपुरवठा अचानक ठप्प झाल्याने कूपनलिका, विहिरींवर पाण्यासाठी ग्रामस्थांची झुंबड उडत असल्याचे चित्र आहे. पाणीपातळी कमी झाल्याने अनेक गावांच्या पिण्याच्या पाण्याचे इंटक उघडे पडले आहेत.

नदीत बांध घालून, पाणी आडवून इंटकवेलपर्यंत पाणी साठविण्याचा प्रयत्न करून पाण्याची उपलब्धता केली जात आहे. अनेक गावांत पाणीपुरवठा बंद झाला आहे. तसेच शेतीच्या पाणी योजनाचे उपसा पंप बंद पडले आहेत. त्यामुळे शेतकरी उपसा पंपाच्या फुटबॉलची लांबी वाढवून, चर मारून पाणीउपसा करीत आहेत.

नदीतील पाणी कमी झाले आहे. बांध घालून, पाणी आडवून पाणीपुरवठा केला आहे. पातळी अशीच राहिली, तर पुरवठा करणे कठीण आहे. इंटकवेलमधील गाळ काढून पाणीपुरवठा सुरळीत करण्याचा प्रयत्न सुरू आहे, असे दानोळीच्या सरपंच सुजाता शिंदे यांनी सांगितले.

नदीत पाणी नसल्याने उपसा पंपातून पाणी उपसणे अशक्‍य झाले आहे. ‘ऑक्‍टोबर हीट’ असल्याने पिकांना पाण्याची आवश्‍यकता आहे. लवकर नदीत पाणी न आल्यास पिके वाळण्याची शक्‍यता आहे.
असे शेतकरी स्वप्नील पाराज यांनी सांगितले.

 

इतर ताज्या घडामोडी
कळमणा बाजार समितीत हरभरा ४१०० रुपयांवरनागपूर ः स्थानिक कळमणा बाजार समितीत हरभरा वगळता...
सोलापुरात हिरवी मिरची, टोमॅटोच्या दरात...सोलापूर ः सोलापूर कृषी उत्पन्न बाजार समितीच्या...
शेतकरी सन्मान योजनेत रत्नागिरीतील आठ...रत्नागिरी : पंतप्रधान शेतकरी सन्मान...
कीटकशास्‍त्र विभागातर्फे ट्रायकोकार्ड...परभणी ः येत्या हंगामात मराठवाड्यातील औरंगाबाद,...
फळबाग योजनेतील अटी कोकणासाठी शिथिल करू...रत्नागिरी ः भाऊसाहेब फुंडकर फळबाग लागवड...
कांदा उत्पादक शेतकऱ्यांना अनुदानाची...नाशिक : मागील वर्षी लाल कांद्याचे भाव पडल्याने...
कपाशीचा नांदेड ४४ बीटी वाण लोकार्पण हा...परभणी  : वसंतराव नाईक मराठवाडा कृषी...
पावसाला उशीर झाल्याने चिंतेचे ढग गडदनांदेड ः नांदेड, परभणी, हिंगोली जिल्ह्यांत यंदा...
कृषी विद्यापीठाच्या वाणांच्या...रत्नागिरी ः डॉ. बाळासाहेब सावंत कोकण कृषी...
परभणी, हिंगोलीतील दूध उत्पादकांच्या... परभणी  ः शासकीय दूध योजनेअंतर्गत परभणी...
विदर्भातील कृषी विकासाला बाधक ठरतोय...नागपूर   ः सत्ताकेंद्र विदर्भात असताना...
आवक कमी झाल्याने भाजीपाल्याच्या दरात वाढपुणे ः गुलटेकडी येथील कृषी उत्पन्न बाजार...
उदारीकरणाच्या नावाखाली उत्पादन...पुणे   : देशात १९९१ मध्ये...
विधिमंडळाचे आजपासून पावसाळी अधिवेशनमुंबई : राज्य विधिमंडळाच्या पावसाळी...
दुष्काळ, पीकविम्याचे आठ हजार कोटी...मुंबई ः लोकसभा निवडणूक निकालाच्या पार्श्वभूमीवर...
दुष्काळ, मंत्र्यांचे भ्रष्टाचार, आरक्षण...मुंबई : राज्यात भीषण दुष्काळ आहे, त्यामुळे...
मॉन्सूनची सिक्कीम, पश्चिम बंगालपर्यंत...पुणे : अरबी समुद्रात गुजरातच्या किनाऱ्यावर...
'टीम देवेंद्र'चा विस्तार; विखे पाटील,...मुंबई : आगामी विधानसभा निवडणूक ऐन तोंडावर आली...
ऊस बिलासाठी शेतकऱ्यांचा पाचपुतेंच्या...श्रीगोंदे : काष्टी येथील माजी मंत्री बबनराव...
खरेदीदारांच्या इच्छेवर पॅकेजिंगचा पडतो...एखादा खाद्यपदार्थ लोकांना आकर्षित ...