agriculture news in marathi, Water supply in Marathwada projects decreased | Agrowon

मराठवाड्यातील प्रकल्पांमधील पाणीसाठा घटला
टीम अॅग्रोवन
सोमवार, 13 ऑगस्ट 2018

औरंगाबाद : पावसाळा सुरू असला तरी पाऊसच पडत नसल्याने मराठवाड्यातील पाणीसाठ्यात वाढ होण्याऐवजी घट नोंदली गेली आहे. ही घट गत आठवड्याच्या तुलनेत किंचित असली, तरी भर पावसाळ्यात ती नोंदली गेल्याने चिंता वाढविणारी आहे.

औरंगाबाद : पावसाळा सुरू असला तरी पाऊसच पडत नसल्याने मराठवाड्यातील पाणीसाठ्यात वाढ होण्याऐवजी घट नोंदली गेली आहे. ही घट गत आठवड्याच्या तुलनेत किंचित असली, तरी भर पावसाळ्यात ती नोंदली गेल्याने चिंता वाढविणारी आहे.

मराठवाड्यातील मोठ्या, मध्यम, लघू प्रकल्पांसह गोदावरी, तेरणा, मांजरा, रेणा नदीवरील बंधाऱ्यांमध्ये केवळ १९.५५ टक्‍केच उपयुक्‍त पाणीसाठा शिल्लक आहे. गत आठवड्यात २२.८६ टक्‍के असलेला ११ मोठ्या प्रकल्पातील पाणीसाठा २१.९७ टक्‍क्‍यांवर आला आहे. मोठ्या प्रकल्पांपैकी येलदरी, सिद्धेश्वर, सिनाकोळेगाव या प्रकल्पांमध्ये उपयुक्‍त पाण्याचा थेंब नाही. मध्यम प्रकल्पांची स्थितीही अवघड आहे. ७५ मध्यम प्रकल्पांत केवळ १५ टक्‍केच उपयुक्‍त पाणीसाठा शिल्लक आहे. गत आठवड्यात तो १५.३४ टक्‍के इतका होता. गत आठवड्यात १२.५६ टक्‍के उपयुक्‍त पाणीसाठा असलेल्या ७४६ लघू प्रकल्पांमध्ये केवळ १२.२७ टक्‍केच उपयुक्‍त पाणीसाठा शिल्लक आहे.

गोदावरी नदीवरील ११ बंधाऱ्यांतील उपयुक्‍त पाणीसाठा ३३.४० टक्‍क्‍यांवरून घटून ३३.२४ टक्‍क्‍यांवर आला आहे. दुसरीकडे तेरणा मांजरा, रेणा नदीवरील २४ बंधाऱ्यांमधील पाणीसाठाही २८.६० टक्‍क्‍यांवरून २७.६० टक्‍क्‍यांवर आला आहे. औरंगाबाद व जालना जिल्ह्यांत सुरू असलेले पाण्याचे टॅंकर व कायम असलेले पाणी पुरवठ्यासाठीचे विहिरींचे अधिग्रहण भूजल स्थितीही स्पष्ट करण्यास पुरेशी आहे.

२९८ लघू प्रकल्पात ५ टक्‍क्‍यांच्या आत उपयुक्‍त पाणीसाठा
मराठवाड्यातील ७४६ लघू प्रकल्पांपैकी तब्बल २९८ लघू प्रकल्पांमध्ये ५ टक्‍क्‍यांच्या आतच उपयुक्‍त पाणीसाठा शिल्लक आहे. त्यामध्ये औरंगाबाद जिल्ह्यातील तेरा प्रकल्पात ५ टक्‍के, परभणीमधील २२ प्रकल्पातही ५ टक्‍के, बीडमधील १२६ प्रकल्पात ३ टक्‍के, तर जालना जिल्ह्यातील ५७ प्रकल्पांत केवळ १ टक्‍का उपयुक्‍त पाणीसाठा शिल्लक आहे. लातूर जिल्ह्यातील १३२ प्रकल्पात १० टक्‍केच उपयुक्‍त पाणीसाठा शिल्लक असल्याची माहिती जलसंपदा विभागाच्या सूत्रांनी दिली.

३५ मध्यम प्रकल्पांची स्थिती अवघड
मराठवाड्यातील ७५ मध्यम प्रकल्पांपैकी तब्बल ३५ मध्यम प्रकल्पांची स्थिती उपयुक्‍त पाणीसाठ्याबाबत अवघड बनली आहे. या प्रकल्पांमध्ये उपयुक्‍त पाण्याचा थेंब नाही. त्यामध्ये औरंगाबाद जिल्ह्यातील १३, जालना जिल्ह्यातील २, बीड जिल्ह्यातील ९, लातूर जिल्ह्यातील ३, उस्मानाबाद जिल्ह्यातील ५, नांदेडमधील २ व परभणी जिल्ह्यातील एका प्रकल्पाचा समावेश आहे.

 

इतर अॅग्रो विशेष
एकात्मिक कीड नियंत्रणासाठी फेरोमोन...रासायनिक कीडनाशकांना किटक प्रतिकारक होत असून,...
परागकणांचा मागोवा घेण्याची कार्यक्षम...दक्षिण आफ्रिकेतील स्टेल्लेनबाऊच विद्यापीठातील...
खानदेशात पाणीटंचाईच्या प्रस्तावात वाढजळगाव : खानदेशात पाणीटंचाईचे प्रस्ताव वाढत आहेत....
कडाक्याच्या थंडीने गव्हाच्या विविध...सातारा ः येथील वेण्णा तलाव परिसरात असलेल्या...
राहुरी कृषी विद्यापीठाचा दर्जा घसरलापुणे: राहुरी येथील महात्मा फुले कृषी...
कणेरी मठावर देशातील पहिले डिव्हाइन...कोल्हापूर : हजारो फुलझाडांसह विविध प्रकारची...
आंध्र प्रदेशातील एका कंपनीचा परवाना `...नागपूर ः आंध्र प्रदेशातील एका बियाणे कंपनीच्या...
आणखी साडेचार हजार गावांमध्ये दुष्काळी...मुंबई : खरीप हंगाम २०१८ मध्ये राज्यातील ५०...
मराठवाड्यात आज पावसाचा अंदाजपुणे : कमाल तापमानात वाढ झाल्याने राज्यात...
भाजप सरकारमध्ये शेतकऱ्यांची बाजू घेणारा...सेलू, जि. परभणी ः केंद्र तसेच राज्य सरकारमधील...
कापूस आयातीवर निर्बंध हवेतजळगाव ः आंतरराष्ट्रीय बाजारात भारतीय व अमेरिकन...
लेखी आश्वासनानंतर लाल वादळ शमलेनाशिक: प्रलंबित मागण्यांसाठी किसान सभेने काढलेला...
आदर्श नैसर्गिक शेतीसह जपली पीक विविधता नांदेड जिल्ह्यातील मालेगांव (ता. अर्धापूर) येथील...
अर्थसंकल्पीय अधिवेशनात दुष्काळावर दोन...मुंबई: लोकसभा निवडणुकीच्या पार्श्वभूमीवर...
विदेशी भाज्यांमधून अल्पभूधारक...येळगाव (ता. जि. बुलडाणा) येथील विष्णू गडाख या...
शेतकऱ्यांचा लाँग मार्च स्थगित; सरकारचे...मुंबई : आश्वासन देऊनही वर्षभरापासून पूर्ण न...
वासंतीकरणाच्या प्रक्रियेतील तापमानाचे...वसंताच्या आगमनामुळे प्रत्येक वनस्पती किंवा...
मराठवाड्यात ‘रेशीम’ला रिक्त पदांचे...औरंगाबाद ः राज्याला रेशीम उद्योगात उदयोन्मुख...
खानदेशात पपई लागवडीत होणार निम्म्याने...जळगाव : खानदेशात आगाप पपई लागवडीला सुरवात झाली...
रशियाला द्राक्ष निर्यातीत ‘क्लिअरिंग’चा...नाशिक : भारतीय द्राक्षाचा रशिया मोठा आयातदार आहे...