नांदेड जिल्ह्यामध्ये १८ टॅंकरद्वारे पाणीपुरवठा

नांदेड जिल्ह्यामध्ये १८ टॅंकरद्वारे पाणीपुरवठा
नांदेड जिल्ह्यामध्ये १८ टॅंकरद्वारे पाणीपुरवठा

नांदेड ः जिल्ह्यातील तीव्र पाणीटंचाई उद्भवलेली ११ गावे आणि १२ वाड्या तांड्यांना १८ टॅंकरद्वारे पाणीपुरवठा सुरू करण्यात आला आहे. जिल्ह्यातील १७६ विहिरींचे अधिग्रहण करण्यात आले आहे. पाणीटंचाई निवारणार्थ येत्या जून पर्यंतच्या करावयाच्या विविध उपाययोजनासाठी ६८ कोटी २२ लाख ३० हजार रुपये खर्चाचा आराखड्यास जिल्हा प्रशासनाने नुकतीच मंजुरी दिली. गतवर्षीचा टंचाई उपाय योजनांसाठीचा २७ कोटी १४ लाख ६१ हजार रुपये निधी प्राप्त झाला आहे.

सद्यःस्थितीत जिल्ह्यातील तीव्र पाणीटंचाई उद्भवलेल्या नांदेड आणि मुखेड तालुक्यांतील एकूण ११ गावे आणि १२ तांड्यांना ७ शासकीय आणि ११ खासगी असे एकूण १८ टँकरद्वारे पाणीपुरवठा करण्यात येत आहे. पाणीटंचाई उद्भवलेल्या ठिकाणी १३५ गावे व १० वाडी तांड्यांना पाणीपुरवठ्यासाठी १७६ विहिरींचे अधिग्रहण करण्यात आले आहे. आराखड्यानुसार २८ नवीन विंधन विहिरींना मंजुरी देण्‍यात आली आहे. तसेच नळ योजना विशेष दुरुस्‍ती ११ तर ५ तात्‍पुरत्‍या पूरक नळ योजनेला मंजूरी प्रदान करण्‍यात आली आहे. आजवर ७० विंधन विहिरींच्‍या विशेष दुरुस्‍तीची कामे पूर्ण करण्‍यात आली आहेत.

गतवर्षी ऑक्‍टोबर २०१७ ते जून २०१८ या कालावधीतील उपाय योजनांसाठीचा २७ कोटी १४ लाख ६१ हजार रुपयांचा निधी तीन टप्‍प्‍यांत जिल्‍हा परिषदेला प्राप्‍त झाला आहे. त्यातून जिल्ह्यातील १६ तालुक्‍यांत २ हजार ८२७ उपाययोजना हाती घेण्‍यात आल्‍या आहेत. यामध्ये नळ योजनेची विशेष दुरुस्‍ती, इंधन विहिरींची विशेष दुरुस्‍ती, नवीन इंधन विहीर घेणे, तात्‍पुरती पूरक नळ योजना, टँकरद्वारे पाणीपुरवठा करणे, विहीर अधिग्रह आणि विहीर खोलीकरण, गाळ काढणे या उपाययोजना करण्‍यात आल्‍या आहेत.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com