agriculture news in marathi, we will make a one brand of milk in the state | Agrowon

राज्यात दुधाचा एकच ब्रॅँड बनविणार : जानकर
रहमान शेख
मंगळवार, 26 सप्टेंबर 2017

राहुरी, जि. नगर : गुजरातमधील ‘अमूल’प्रमाणेच महाराष्ट्राचा दुधाचा एकच ब्रॅँड ‘आरे शक्ती’ सुरू करण्याचा राज्य सरकारचा मानस असून, शेतकऱ्यांनी यापुढे शासकीय दूध डेऱ्यांनाच आपले दूध घालावे, असे आवाहन पशुसंवर्धन, दुग्धविकास व मत्स्यविकासमंत्री महादेव जानकर यांनी केले.

राहुरी, जि. नगर : गुजरातमधील ‘अमूल’प्रमाणेच महाराष्ट्राचा दुधाचा एकच ब्रॅँड ‘आरे शक्ती’ सुरू करण्याचा राज्य सरकारचा मानस असून, शेतकऱ्यांनी यापुढे शासकीय दूध डेऱ्यांनाच आपले दूध घालावे, असे आवाहन पशुसंवर्धन, दुग्धविकास व मत्स्यविकासमंत्री महादेव जानकर यांनी केले.

महात्मा फुले कृषी विद्यापीठ राहुरी येथे कृषी विभाग व आत्मा यांच्या संयुक्त विद्यमाने आयोजित किसान आधार संमेलनाच्या उद्‌घाटनप्रसंगी श्री. जानकर बोलत होते. या वेळी आदर्श गाव योजनेचे अध्यक्ष पोपटराव पवार, कुलगुरू डॉ. के. पी. विश्‍वनाथा, माजी कुलगुरू डॉ. सुभाष पुरी, डॉ. व्यंकट मायंदे, डॉ. पी. एल. माहेश्‍वर, वाल्मीचे महासंचालक डॉ. एच. के. गोसावी, विद्यापीठाचे संचालक उपस्थित होते.

जानकर पुढे म्हणाले, दुधाचे एक राज्यस्तरीय धोरण असून, दुधाच्या रकमेतील ७० टक्के रक्कम शेतकऱ्यांना व ३० टक्के रक्कम प्रक्रिया उद्योगांना मिळेल. तसेच जलयुक्त शिवाराबरोबरच शेतकऱ्यांना मासळीयुक्त तलाव व चारायुक्त शिवार या योजना लवकरच सुरू होतील.

राज्यात प्रतिदिन १.५० कोटी लिटर दूध बाहेरील राज्यांतून येते. आजही आपले राज्य दुग्धोत्पादनामध्ये स्वयंपूर्ण नाही. राज्यामध्ये इतर राज्यांच्या तुलनेत दुधास सर्वांत जास्त भाव दिला जातो.

पशुधन व मत्स्य विभागांमध्ये देशामध्ये राज्याचा १२ वा क्रमांक लागतो, गेल्या अनेक वर्षांपासून राज्याचे या विभागांसाठीचे बजेट केवळ १४० कोटी इतके होते, त्यातील १०० कोटी रुपये कर्मचाऱ्यांच्या वेतनापोटीच खर्च होत होते, आता हे बजेट राज्यसरकारने ६५० कोटींपर्यंत नेले असून, केंद्राने १००० कोटी रुपयांचे अनुदान डेअरी उत्पादनांसाठी जाहीर केले आहे. राज्याचे स्थान देशामध्ये पुढील वर्षी आघाडीवर नेण्याचा मानस त्यांनी या वेळी बोलून दाखविला.

पोपटराव पवार, कुलगुरू डॉ. सुभाष पुरी यांनी मार्गदर्शन केले. तसेच विद्यापीठाचे कुलगुरू डॉ. के. पी. विश्‍वनाथा यांनी प्रास्तविक केले.

इतर ताज्या घडामोडी
पुण्यात गवार, भेंडी, चवळीच्या दरात अल्प...पुणे : गुलटेकडी येथील बाजार समितीमध्ये रविवारी (...
मृदा आरोग्य पत्रिकावाटपात पुणे आघाडीवरपुणे : शेतकऱ्यांना जमिनीत असलेल्या अन्नद्रव्याचे...
बदलत्या वातावरणामुळे ब्रॉयलर्स मार्केट... मागणी आणि पुरवठ्यातील संतुलनामुळे अंडी आणि...
कर्जमाफीच्या यादीची दुरुस्ती सुरूचजळगाव : कर्जमाफीच्या कार्यवाहीबाबत रोजच नवीन...
एकात्मिक पीक पद्धतीत रेशीमचे स्थान अढळजालना : रेशीम उद्योगातील देशांतर्गत संधी पाहता...
शेळीपालनात शास्त्रोक्‍त पद्धतीकडे वळाजालना : शेळीपालनाला आता गोट फार्म असे आधुनिक नाव...
मक्यावरील करपा रोगाच्या जनुकांचा घेतला...मक्यावरील करपा रोगाला प्रतिकार करणाऱ्या जनुकांचा...
वृद्धापकाळातील नाजूकपणा कमी करण्यात...मध्य पूर्वेतील देशांप्रमाणे फळे, भाज्या,...
बुलडाणा जिल्ह्यात जमिनीचे आरोग्य बिघडलेबुलडाणा : विदर्भ-मराठवाडा-खानदेशला जोडणाऱ्या...
मोहराने बहरल्या काजूच्या बागासिंधुदुर्ग : डिसेंबरच्या शेवटच्या सप्ताहातील...
पुणे जिल्ह्यात ‘जलयुक्त’ची ६६४१ कामे... पुणे ः भूजलपातळी वाढविण्याच्या उद्देशाने राज्य...
सातारा जिल्ह्यात रब्बीची १०१ टक्के पेरणी सातारा ः जिल्ह्यात रब्बी हंगामातील पिकांची...
डाळिंबाला द्या काटेकोर पाणीडाळिंब या पिकाला पाण्याची गरज ही मुळातच खूप कमी...
सरकारला शेतकऱ्यांची नाही, उद्योगपतींची...सातारा : कृषी प्रधान देशात २२ वर्षांत १२ लाख...
माथाडी मंडळे बंद करणे हा आत्मघाती प्रकार पुणे : असंघटित कामगारांची संख्या दिवसेंदिवस...
नाणार तेल शुद्धीकरण प्रकल्पावरुन...मुंबई : नाणार (ता. राजापूर) येथील प्रस्तावित हरित...
थकीत ‘एफआरपी’ची रक्कम तत्काळ द्या :...पुणे : थकीत एफआरपीची रक्कम तत्काळ देणे, को २६५...
‘महाबीज’च्या निवडणुकीत खासदार संजय...अकोला : महाराष्ट्र राज्य बियाणे महामंडळाच्या...
अधिक पाण्यामुळे द्राक्ष घडनिर्मितीवर...द्राक्ष वेलीपासून चांगल्या प्रतीच्या...
अतिरिक्त पाण्यामुळे उसाची प्रतिकारशक्ती... अधिक पाण्यामुळे जमिनीमध्ये क्षारांचे प्रमाण...