agriculture news in marathi, weather forecast, fluctuation in minimum temperature | Agrowon

उत्तरेकडील थंड वाऱ्याचा प्रवाह कमी होतोय
टीम अॅग्रोवन
मंगळवार, 30 जानेवारी 2018

पुणे : दक्षिण महाराष्ट्र आणि कर्नाटकाचा उत्तर भाग या दरम्यान चक्राकार वाऱ्याची क्षेत्र तयार झाले आहे. त्यामुळे महाराष्ट्राच्या दक्षिण भागात किमान तापमानात वाढ होऊ लागली आहे. तसेच उत्तरेकडील थंड वाऱ्याचा प्रवाह कमी होत आहे. त्यामुळे कोकण, मध्य महाराष्ट्राचा उत्तर भाग, मराठवाडा आणि विदर्भातील काही ठिकाणी थंडी कमीअधिक असल्याचे हवामान विभागाच्या सूत्रांनी सांगितले. 

पुणे : दक्षिण महाराष्ट्र आणि कर्नाटकाचा उत्तर भाग या दरम्यान चक्राकार वाऱ्याची क्षेत्र तयार झाले आहे. त्यामुळे महाराष्ट्राच्या दक्षिण भागात किमान तापमानात वाढ होऊ लागली आहे. तसेच उत्तरेकडील थंड वाऱ्याचा प्रवाह कमी होत आहे. त्यामुळे कोकण, मध्य महाराष्ट्राचा उत्तर भाग, मराठवाडा आणि विदर्भातील काही ठिकाणी थंडी कमीअधिक असल्याचे हवामान विभागाच्या सूत्रांनी सांगितले. 

सध्या विदर्भात तुरळक ठिकाणी थंडीची लाट आहे. ही लाट अजून एक दोन राहण्याची शक्यता आहे. त्यानंतर थंडीची तीव्रता कमी होण्यास सुरवात होईल. विदर्भातील गोंदिया आणि मध्य महाराष्ट्रातील निफाड येथे ८.० अंश सेल्सिअसची सर्वांत कमी किमान तापमानाची नोंद झाली आहे. संक्रांतीनंतर थंडी कमी होण्यास सुरवात झाली होती. परंतु, गेल्या आठवड्यात पुन्हा काही प्रमाणात थंडी परतली होती. मात्र, आता थंडी कमी होण्यास सुरवात झाली असली तरी कमाल तापमानात किंचित वाढ होण्यास सुरवात झाली आहे. थंडीमुळे दुपारी उन्हाचा चटका सुखद वाटू लागला असला तरी सायंकाळी पुन्हा काही प्रमाणात थंडी जाणवत आहे. रात्री दहानंतर थंडीत किंचित वाढ होत जाऊन पहाटे किमान तापमानाचा पारा दहा अंशाच्या खाली उतरत आहे.  

कोकणातील मुंबई, रत्नागिरी, भिरा येथील किमान तापमानाचा पारा सरासरीच्या तुलनेत एक दोन अंश सेल्सिअसने घटला आहे. भिरा येथे १५.० अंश सेल्सिअस एवढे किमान तापमानाची नोंद झाली आहे. अलिबाग व डहाणू येथील किमान तापमानात सरासरीच्या तुलनेत एक ते दोन अंश सेल्सिअसने वाढला आहे. 

मध्य महाराष्ट्रातील दक्षिण कोल्हापूर, महाबळेश्वर, सांगली, मालेगाव येथील किमान तापमानात सरासरीच्या तुलनेत एक अंश सेल्सिअसने वाढले. नगर, जळगाव, नाशिक आणि सातारा येथील किमान तापमान सरासरीच्या तुलनेत एक अंश सेल्सिअसने घटले. निफाड, नाशिक, जळगाव येथील किमान तापमानाचा पारा दहा अंश सेल्सिअसच्या खाली होता. 

मराठवाड्यातील बीड, परभणी येथे थंडीचा प्रभाव अजूनही कायम आहे. औरंगाबाद, नांदेड, उस्मानाबाद येथे काही प्रमाणात थंडी कमी झाली आहे. परभणी कृषी विद्यापीठाच्या परिसरात सर्वात कमी १०.१ अंश सेल्सिअस किमान तापमानाची नोंद झाली आहे. विदर्भातील बहुतांशी सर्वच जिल्ह्यांत थंडीच्या लाटेमुळे किमान तापमानाचा पारा आठ अंशांपर्यंत खाली आला आहे. नागपूर, ब्रह्मपुरी आणि गोंदिया येथील किमान तापमान दहा अंशाच्या खाली होते. अकोला, अमरावती, बुलढाणा, चंद्रपूर, वाशीम, वर्धा, यवतमाळ येथील किमान तापमान दहा अंशांच्यावर होते. 

सोमवारी (ता.२९) सकाळी आठ वाजेपर्यंतचे किमान तापमान व कंसात झालेली घट (अंश सेल्सिअस) : मुंबई (सांताक्रुझ) १६.० (-१), अलिबाग १८.४ (१), रत्नागिरी १७.६ (-२), भिरा १५.० (-१), डहाणू १७.० (२), पुणे ११.५, नगर १०.१ (-३), जळगाव ९.० (-४), कोल्हापूर १६.९ (१), महाबळेश्वर १४.६ (१), मालेगाव १२.४ (१), नाशिक ९.९ (-१), निफाड ८.०, सांगली १५.३ (१), सातारा १२.९ (-१), सोलापूर १६.७, औरंगाबाद १२.६ (१), बीड १०.३ (-४), परभणी (कृषी विद्यापीठ परिसर) १०.१, परभणी शहर ११.० (-५), नांदेड १४.५, उस्मानाबाद १२.९, अकोला १२.५ (-२),  अमरावती १४.०, बुलढाणा १५.० (-२), चंद्रपूर १३.२ (-२), गोंदिया ८.० (-६), नागपूर ९.३ (-५), वाशीम  १०.६, ब्रह्मपुरी ९.८, वर्धा १०.१ (-४), यवतमाळ १३.४ (-३)
 

इतर अॅग्रो विशेष
लातूरच्या अडत बाजारात २१४७ कोटींची...लातूर : जिल्ह्यात सतत दोन वर्ष पडलेला पाऊस,...
जळगावात बुधवारी जमीन सुपीकतेविषयी...जळगाव  ः शेतीचे ज्ञान, तंत्रज्ञान, बाजारातील...
विकास यात्रेत प्रत्येक भारतीयाचे योगदान...नवी दिल्ली ः चार वर्षांपूर्वी भारतात बदल...
मॉन्सून आज अरबी समुद्रातपुणे ः मॉन्सून शुक्रवारी (ता. २५) अंदमानात दाखल...
विदर्भात उष्णतेची लाट; चंद्रपूर ४६.३...पुणे ः विदर्भात उष्णतेची लाट टिकून राहण्याबरोबरच...
कृषी तंत्रनिकेतन अभ्यासक्रम सुरू ठेवणार...पुणे ः तीन वर्षांचा कृषी तंत्रनिकेतनचा अभ्यासक्रम...
‘अॅग्रोस्को’मध्ये १५६ शिफारशींना मंजुरीदापोली, जि. रत्नागिरी : राज्यातील चारही कृषी...
कृषी शिक्षण घेताना दुग्ध व्यवसायाचा...सातारा जिल्ह्यातील जांभगाव येथील नीता शंकर जांभळे...
‘दिलासा`ने दिली शाश्वत ग्रामविकासाची...औरंगाबाद येथील दिलासा जनविकास प्रतिष्ठान ही...
मोदी सरकार पास की नापास? बघा रिपोर्ट...मोदी सरकारचा चार वर्षांचा प्रवास, पुढच्या...
भारत शेतीमध्ये जागतिक महासत्ता :...बारामती ः भारत हा शेतीच्या बाबतीत जगातील महासत्ता...
माॅन्सून अंदमानात; मंगळवारपर्यंत केरळातपुणे : नैऋत्य मोसमी वाऱ्यांनी (मॉन्सून) बंगालच्या...
जॉईंट अॅग्रेस्को : ‘कृषी’च्या मंथनाकडे...दापोली, जि. रत्नागिरी : शेतकऱ्यांच्या आत्महत्या...
मध्य महाराष्ट्रात पावसाचा अंदाजपुणे ः पावसाला पोषक हवामान असल्याने कोकण,...
गोष्ट अश्‍वमेधाच्या डिजिटल घोड्यांचीनरेंद्र मोदी देशाच्या राजकारणात उतरले तेच मुळी...
छत्तीसगडच्या शेतकऱ्यांना सीताफळाने...सीताफळ शेतीत देशात अाघाडीवर महाराष्ट्राची भुरळ...
चला आटपाडीला देशी शेळी, माडग्याळी मेंढी...आटपाडी (जि. सांगली) येथील अोढा पात्रात दर शनिवारी...
विशेष संपादकीय : देशाच्या 'फिटनेस'चे...नरेंद्र मोदी यांच्या नेतृत्वाखालील भारतीय जनता...
मोदी सरकार चार वर्ष : अपेक्षा...गेल्या चार वर्षांत नरेंद्र मोदी सरकारला अनेक चढ-...
विवेकबुद्धी, स्वयंप्रेरणाच बनली धूसरमोदी सरकारच्या काळात हिंदुत्व आणि नरम हिंदुत्व...