agriculture news in marathi, weather forecast, fog covers field in vidharbha | Agrowon

गारपिटीनंतर आता धुक्याची चादर; थंडीतही वाढ
टीम अॅग्रोवन
गुरुवार, 15 फेब्रुवारी 2018

पुणे : गेल्या दोन दिवसांपूर्वी मराठवाडा व विदर्भात झालेल्या गारपिटीच्या पावसामुळे वातावरणात ओलावा तयार झाला आहे. त्यामुळे मध्य महाराष्ट्र, मराठवाडा व विदर्भातील बहुतांशी भागात सकाळी धुक्याची चादर पसरली होती. बुधवारी (ता. १४) दिवसभर राज्यातील अनेक भागांत ढगाळ तर कोकणात ऊन पडल्याचे चित्र होते. गुरुवारी (ता.१५) सकाळी आठ वाजेपर्यंत मराठवाड्यातील उस्मानाबाद येथे १३.० अंश सेल्सिअसची सर्वात कमी किमान तापमानाची नोंद झाली असल्याचे हवामान विभागाच्या सूत्रांनी सांगितले. 

पुणे : गेल्या दोन दिवसांपूर्वी मराठवाडा व विदर्भात झालेल्या गारपिटीच्या पावसामुळे वातावरणात ओलावा तयार झाला आहे. त्यामुळे मध्य महाराष्ट्र, मराठवाडा व विदर्भातील बहुतांशी भागात सकाळी धुक्याची चादर पसरली होती. बुधवारी (ता. १४) दिवसभर राज्यातील अनेक भागांत ढगाळ तर कोकणात ऊन पडल्याचे चित्र होते. गुरुवारी (ता.१५) सकाळी आठ वाजेपर्यंत मराठवाड्यातील उस्मानाबाद येथे १३.० अंश सेल्सिअसची सर्वात कमी किमान तापमानाची नोंद झाली असल्याचे हवामान विभागाच्या सूत्रांनी सांगितले. 

गेल्या दहा ते बारा दिवसांपासून मध्य महाराष्ट्राच्या दक्षिण भागात तयार झालेले चक्राकार वारे आणि अरबी समुद्र व केरळच्या परिसरात असलेले कमी दाबाच्या क्षेत्रांची तिव्रता बुधवारी (ता.१४) कमी झाली आहे. मात्र, मराठवाड्यात समुद्रसपाटीपासून नऊशे मीटर उंचीवर काही प्रमाणात चक्राकार वाऱ्याची स्थिती होती. पूर्वेकडून पश्चिमेकडे मंगळवारी (ता.१३) रात्री जोरात वारे वाहत होते. राज्यातील अनेक भागांत बुधवारी ऊन सावल्यांचा खेळ सुरू होता. आजपासून राज्यात आकाश निरभ्र राहणार असून पुन्हा काही दिवस थंडीत किंचित वाढ होईल. 

ढगाळ हवामानामुळे मध्य महाराष्ट्राच्या काही भागात किमान तापमानात सरासरीच्या तुलनेत लक्षणीय वाढ झाली. सरासरीच्या तुलनेत चार अंश सेल्सिअसपर्यंत वाढ झाली. नाशिकमध्ये १४.५ अंश सेल्सिअसची सर्वात कमी किमान तापमानाची नोंद झाली. कोकणात आकाश निरभ्र असल्याने बहुतांशी भागात किंचित थंडी होती. भिरामध्ये १७.० अंश सेल्सिअसचे सर्वात कमी किमान तापमान होते.
 
मराठवाडा व विदर्भाच्या काही भागात किमान तापमानात सरासरीच्या तुलनेत किंचित वाढ झाली. मराठवाड्यातील औरंगाबाद येथे किमान तापमानात सरासरीच्या तुलनेत पाच अंशाने वाढ झाली. उस्मानाबाद पाठोपाठ परभणी येथे १५.१ अंश सेल्सिअस एवढे किमान तापमान होते. विदर्भात काही भागात झालेल्या पावसामुळे किंचित थंडी होती. अमरावती, गोंदिया, यवतमाळ येथे किमान तापमानात सरासरीच्या तुलनेत एक ते दोन अंश सेल्सिअसने घटले होते. गोंदिया येथे १४.५ अंश सेल्सिअसची सर्वात कमी तापमानाची नोंद झाली असल्याचे हवामान विभागाच्या सूत्रांनी सांगितले.  

बुधवारी (ता. १४) सकाळी आठ वाजेपर्यंतचे किमान तापमान व कंसात झालेली घट (अंश सेल्सिअस) : मुंबई (सांताक्रुझ) १६.८ (-१), अलिबाग १९.० (१), रत्नागिरी १८.८ (-१), भिरा १७.० (१), डहाणू १७.७ (१), पुणे १३.३ (२), नगर १५.७ (३), जळगाव १५.० (१), कोल्हापूर १८.२ (२), महाबळेश्वर १५.० (१), मालेगाव १६.० (४), नाशिक १४.५ (-१), निफाड १६.०, सांगली १७.१ (२), सातारा १४.८ (१), सोलापूर १८.६ (१), औरंगाबाद १८.० (५), परभणी (कृषी विद्यापीठ परिसर) १७.५, परभणी शहर १५.१ (-१), नांदेड १८.० (३), उस्मानाबाद १३.०, अकोला १७.८ (२), अमरावती १६.२ (-१), बुलडाणा १६.६, चंद्रपूर १७.०, गोंदिया १४.५ (-१), नागपूर १५.१, वर्धा १५.७ (१), यवतमाळ १५.४ (-२)

इतर अॅग्रो विशेष
परभणी, राहुरी कृषी विद्यापीठांना पाच...परभणी ः भारतीय कृषी संशोधन परिषदअंतर्गत कृषी...
कोकण, मध्य महाराष्ट्रात हलक्या ते मध्यम...पुणे : पावसाला पोषक हवामान झाल्याने आठवड्याच्या...
‘आरएसएफ’च्या मूळ सूत्रात घोडचूकपुणे: शेतकऱ्यांना हक्काचा ऊसदर मिळवून देणाऱ्या...
साखर कारखान्यांची धुराडी आजपासून पेटणारपुणे: राज्यातील साखर कारखान्यांच्या गाळप हंगामाला...
सहकारी बॅंकांना एकाच छताखाली आणणार :...पुणे ः सहकार क्षेत्राला ‘अच्छे दिन’ आणण्यासाठी...
चला मिरचीच्या आगारात राजूरा बाजारात...मिरचीचे आगार अशी ओळख अमरावती जिल्ह्यातील राजूरा...
‘एसआरटी’ तंत्राने मिळाली उत्पादनासह...पेंडशेत (ता. अकोले, जि. नगर) या कळसूबाई शिखराच्या...
तुटवड्यामुळे कांद्याच्या दरात सुधारणानवी दिल्ली ः देशातील महत्त्वाच्या कांदा उत्पादक...
कृषी विद्यापीठांचे संशोधन आता एका...मुंबई ः राज्यातील चारही कृषी विद्यापीठांनी केलेले...
महाराष्ट्रातील दुष्काळग्रस्तांना...शिर्डी: महाराष्ट्रात यंदा पाऊस कमी झाला....
कोल्हापुरी गुळाचा गोडवा यंदा वाढणारकोल्हापूर : यंदाच्या पावसाळ्यात गुजरात,...
कमी दरांवरून जिनर्सचा ‘सीसीआय’च्या...जळगाव ः भारतीय कापूस महामंडळाच्या (सीसीआय) कापूस...
होय, आम्ही बदलू शेतीचे चित्र... ‘शाळेत सुरू असलेल्या कृषी शिक्षण अभ्यासक्रमातून...
‘पंदेकृवि’च्या सुवर्णमहोत्सवी वर्षाचा...अकोला :  डॉ. पंजाबराव देशमुख कृषी विद्यापीठ...
शेतीपासून जितके दूर जाल तितके दुःख...पुणे : शेतीशी जोडलेली माणसं ही निसर्ग आणि मानवी...
नाबार्डच्या व्याजदरातच जिल्हा बँकांना...मुंबई : राज्य बँकेला नाबार्डकडून मिळणाऱ्या...
कोकण, पश्‍चिम महाराष्ट्रात काही ठिकाणी...पुणे : कोकण अाणि पश्‍चिम महाराष्ट्रात काही ठिकाणी...
अकोला, बुलडाणा जिल्ह्यांत कोरडवाहू...अकोला : अकोला आणि बुलडाणा जिल्ह्यात कोरडवाहू...
अठरा गावांनी केली कचऱ्यापासून गांडूळखत...गावे आणि वाडीवस्त्याही स्वच्छतेत अग्रभागी...
‘सीसीआय’च्या खरेदीला दिवाळीत मुहूर्तमुंबई : देशातील महत्त्वाच्या कापूस उत्पादक...