agriculture news in marathi, weather, forecast, pune | Agrowon

उत्तर कोकण, मध्य महाराष्ट्र, मराठवाडा, विदर्भात तुरळक ठिकाणी मेघगर्जनेसह पावसाचा अंदाज
संदीप नवले
बुधवार, 11 ऑक्टोबर 2017

आज (बुधवारी) उत्तर कोकणात तुरळक ठिकाणी जोरदार पाऊस पडेल. मध्य महाराष्ट्रात काही ठिकाणी मुसळधार पाऊस पडण्याची शक्‍यता आहे.

पुणे : सध्या राज्यातील अनेक भागांत हवेचे दाब कमी झाले आहे. त्यामुळे मराठवाडा व विदर्भात काही ठिकाणी जोरदार पाऊस पडत आहे. मराठवाडा व विदर्भात बहुतांशी ठिकाणी तर कोकण, मध्य महाराष्ट्रात बऱ्याच ठिकाणी मेघगर्जनेसह जोरदार सरी कोसळत असल्याचे हवामान विभागाच्या सूत्रांनी सांगितले.

येत्या शुक्रवार (ता. 13) पर्यंत कोकणात तुरळक ठिकाणी मुसळधार पाऊस पडण्याची शक्‍यता आहे. आज (बुधवारी) उत्तर कोकणात तुरळक ठिकाणी जोरदार पाऊस पडेल. मध्य महाराष्ट्रात काही ठिकाणी मुसळधार पाऊस पडण्याची शक्‍यता आहे. मध्य महाराष्ट्र, मराठवाडा व विदर्भात तुरळक ठिकाणी विजांचा कडकडाट व मेघगर्जनेसह पाऊस पडेल. शनिवार (ता.14) पर्यंत कोकण, मध्य महाराष्ट्र व मराठवाड्यात बऱ्याच ठिकाणी तर विदर्भात काही ठिकाणी हलका पाऊस पडण्याचा अंदाज हवामान विभागाने दिला.

सध्या राज्यातील बहुतांशी भागात ढगाळ हवामान आहे. त्यामुळे कमाल तापमानाचा पारा 32 अंशापर्यंत खाली आला आहे. काही ठिकाणी अधूनमधून ऊन पडत असून काही भागात उकाडा वाढला आहे. मंगळवारी ( ता. 10) मध्य महाराष्ट्रातील नेवासा, पुणे, मराठवाड्यातील सोयगाव, बनोटी येथे जोरदार पाऊस पडला. कोकणात व मध्य महाराष्ट्रात काही ठिकाणी ढगाळ हवामान होते. मंगळवारी सकाळीपर्यंत कोकणातील म्हापसा, म्हसळा, कानकोन, दापोली, मुरबाड अशा काही ठिकाणी हलका ते जोरदार पाऊस पडला. तसेच वाणगाव, भिवपुरी, खंद या घाटमाथ्यावरही हलका पाऊस पडला.

मध्य महाराष्ट्रातील पाथर्डी येथे सर्वाधिक 50 मिलिमीटर पाऊस पडला. तर नेवासा, आंबेगाव, घोडेगाव, सुरगाणा, बार्शी येथेही जोरदार पाऊस पडला. मराठवाड्यातील घनसांगवी, मुदखेड, वसमत येथे 70 मिलिमीटर पाऊस पडल्याची नोंद झाली. उर्वरित अनेक ठिकाणी हलका ते मध्यम स्वरूपाचा पाऊस पडला. विदर्भातील मंगळूरपीर येथे 90 मिलिमीटर पाऊस पडला. तर बाभूळगाव, हिंगा, अकोट, अमरावती, बाळापूर, चिखली येथेही जोरदार पाऊस पडला.

मंगळवारी (ता.10) सकाळी आठ वाजेपर्यंत झालेला पाऊस (मिलिमीटरमध्ये)
कोकण ः म्हापसा 50, म्हसळा 40, कानकोन, दापोली, मुरबाड 30, कर्जत 20, लांजा, महाड, मुंबई, पेरनेम, उरण, वैभववाडी 10
मध्य महाराष्ट्र ः पाथर्डी 60, नेवासा 50, आंबेगाव, घोडेगाव, सुरगाणा 40, बार्शी, दिंडोरी, गगनबावडा, जुन्नर, ओझर, पंढरपूर, फलटण, शेवगाव, सोलापूर 30
चांदवड, जामखेड, सिन्नर, त्र्यंबकेश्वर 20, अकोले, धरणगाव, इगतपुरी, कळवण, माढा, महाबळेश्वर, माळशिरस, पेठ, श्रीगोंदा, येवला 10
मराठवाडा ः घनसांगवी, मुदखेड, वसमत 70, अहमदपूर, औढानागनाथ, परभणी 60, औरंगाबाद 50, नायगाव, खैरगाव, उदगीर, उमरी 40, कळंब, खुल्ताबाद, लोहा,
माजलगाव, शिरूरअनंतपाल, सोनपेठ 30
विदर्भ ः मंगळूरपीर 90, बाभूळगाव 80, हिंगा 60, अकोट, अमरावती, बाळापूर, चिखली, करंजालाड, खामगाव, परतूर, तिरोरा 50, धानोरा, लाखंदूर, मोताळा,
मूर्तिजापूर 40, बार्शी, बुलडाणा, चांदूर, दारव्हा, कुही, मलकापूर, पुसद 30, अहिरी, अकोला, अरणी, आष्टी, बत्कुली, भद्रावती, भामरागड, भिवपूर, चांदूरबाजार,
देऊळगाव राजा, कुरखेडा, लाखनी, महागाव, नागपूर, नांदूर, पाटवाडा, राजूरा, साकोली, सिंधखेडराजा, तुमसर, उमरखेड 20

इतर अॅग्रो विशेष
दक्षिण अशियात मॉन्सूनचा पाऊस सरासरी...पुणे : भारतासह दक्षिण आशियातील देशांच्या बहुतांशी...
विश्वासावर बहरेल व्यापारचीन-अमेरिकेमध्ये चालू असलेल्या व्यापार युद्धाच्या...
निवडणुकीने दुष्काळ खाऊन टाकू नये म्हणून...लोकसभेच्या निवडणुकीमुळे राजकीय हवामान-बदल होत...
उपलब्ध पाण्याचे गणित मांडा...अनेक कारणांमुळे जलसंधारण ही सोपी वाटणारी म्हणून...
उत्कृष्ठ कारली पिकवण्यात पाटील यांचा...लोणी (ता. चोपडा, जि. जळगाव) येथील भरत, गणेश व...
पेरू, अॅपलबेरमधून पीक बदल, कष्टातून...पारंपरिक शेती पद्धतीत बदल करून व सेंद्रिय...
राज्यात उरले अवघे ३०५ टीएमसी पाणीपुणे (प्रतिनिधी) : उन्हाच्या झळांना होरपळ वाढून...
केंद्राकडून यंदा खरिपात १२ टक्के अधिक...पुणे : राज्यासाठी गेल्या खरीप हंगामाच्या तुलनेत...
उन्हाचा चटका पुन्हा वाढण्याची शक्यतापुणे : मागील आठवड्यात झालेला पूर्वमोसमी वादळी...
सूर्य तळपताना छत करा दुरुस्तआठवड्यापूर्वी आलेल्या चांगल्या पावसाच्या अंदाजाने...
आयोगाचा कारभार प्रश्‍नचिन्हांकितप्रत्येक निवडणुकीची रीत न्यारी असते,...
पाणी व्यवस्थापनातून वाढविली कापसाची...आत्महत्याग्रस्त यवतमाळ जिल्ह्यातील अंबोडा (ता....
पाणी व्यवस्थापनातून नळावणे गावाची...अनेक वर्षांच्या पाणीटंचाईतून मुक्त होण्यासाठी...
डेरे यांनी उभारली अत्याधुनिक सिंचन...सातारा जिल्ह्यातील कवठे येथील अतुल डेरे यांनी...
‘आर्टिफिशियल इंटिलिजन्स’कडे आयटी...‘आर्टिफिशियल इंटिलिजन्स’ हेच येत्या काळातील...
पाणी व्यवस्थापनातून ग्रामविकासपाण्यासाठी कायम संघर्ष करीत असलेल्या कान्होळ (जि...
अवघी कारभारवाडी झाली ठिबकमयकोल्हापूर जिल्ह्यातील कारभारवाडी (ता. करवीर) येथे...
सर्वाधिक ६५० शेततळ्यांचं अजनाळेसोलापूर जिल्ह्यातील सांगोला तालुका दरवर्षीच...
अल्पभूधारकांच्या आयुष्यात जलश्रीमंती बुलडाणा जिल्ह्यात जानेफळ परिसरात शासनाच्या...
सत्तावीस गटांच्या बळातून घडली किमयासंगमनेर (जि. नगर) तालुक्यातील सावरगाव तळ...