agriculture news in marathi, weather, forecast, pune | Agrowon

विजांच्या कडकडाटांसह पावसाची आजही शक्यता
संदीप नवले
गुरुवार, 12 ऑक्टोबर 2017

येत्या दोन ते तीन दिवसांत पावसाचा जोर कमी होणार असून हळूहळू पाऊस कमी होण्याची शक्यता हवामान विभागाच्या सूत्रांनी वर्तविली आहे.

पुणे : बंगालचा उपसागर व दक्षिण बांगलादेश येथे निर्माण झालेले कमी दाबाचे क्षेत्र बुधवारी (ता. ११) कायम होते. त्यामुळे राज्यात ठिकठिकाणी कमी अधिक प्रमाणात पाऊस पडला. आज (गुरुवारी) उत्तर कोकणात तुरळक ठिकाणी जोरदार पाऊस पडेल. तर मध्य महाराष्ट्रात काही ठिकाणी मुसळधार पाऊस पडण्याची शक्यता आहे. मध्य महाराष्ट्र, मराठवाडा व विदर्भात तुरळक ठिकाणी विजांचा कडकडाट व मेघगर्जनेसह पाऊस पडेल.

येत्या शनिवार (ता. १४) पर्यंत कोकणात तुरळक ठिकाणी मुसळधार पाऊस पडण्याची शक्यता आहे. रविवार (ता.१५) पर्यंत कोकण, मध्य महाराष्ट्र व मराठवाड्यात बऱ्याच ठिकाणी तर विदर्भात काही ठिकाणी हलका पाऊस पडण्याचा अंदाज आहे. राज्यातील बहुतांशी भागात हवेचे दाब कमी झालेल्या दाबामुळे कोकण, मध्य महाराष्ट्र, मराठवाडा व विदर्भात काही ठिकाणी मेघगर्जनेसह जोरदार पाऊस पडत आहे. येत्या दोन ते तीन दिवसांत पावसाचा जोर कमी होणार असून हळूहळू पाऊस कमी होण्याची शक्यता हवामान विभागाच्या सूत्रांनी वर्तविली आहे.

तर काही ठिकाणी ढगाळ हवामान असून अधूनमधून ऊन पडत आहे. त्यामुळे कमाल तापमानाचा पारा सरासरीच्या तुलनेत दोन ते तीन अंश सेल्सिअसने कमी झाला असून असून तो 33 अंशपर्यंत खाली आला आहे. विदर्भातील चंद्रपूर येथे 33.2 अंश सेल्सिअस कमाल तापमानाची नोंद बुधवारी (ता.11) सकाळी झाली. तर महाबळेश्वर येथे 18 अंश सेल्सिअस किमान तापमान होते.

मध्य महाराष्ट्रातील कमाल तापमान 25 ते 32 या दरम्यान होते. काही वेळा ढगाळ हवामान होते. तर काही वेळा ऊन पडल्याचे चित्र होते. बुधवारी पुणे परिसरात हलका पाऊस पडला. कोकणात कमाल तापमानाचा पारा 29 ते 32 या दरम्यान होता. डहाणूमध्ये 32.7 अंश सेल्सिअस कमाल तापमान होते. मराठवाड्यातील कमाल तापमानाचा पारा सात अंशापर्यंत खाली गेला होता. तर कमाल तापमान 25 ते 28 या दरम्यान होते. विदर्भातही दोन ते तीन अंश सेल्सिअसने कमाल तापमान कमी झाले होते. तर कमाल तापमानाचा पारा 28 ते 33 या दरम्यान होता.

राज्यातील शहरनिहाय कमाल तापमान (अंश सेल्सिअसमध्ये)
पुणे 28.2, नगर 25.7, जळगाव 30.2, कोल्हापूर 29.7, महाबळेश्वर 22.8, मालेगाव 28.2, नाशिक 29.7, सांगली 30.1, सातारा 30.2, सोलापूर 32.0,
सांताक्रुझ 31.4, अलिबाग 29.3, रत्नागिरी 31.8, डहाणू 32.7, उस्मानाबाद 28.9, औरंगाबाद 28.4, परभणी 25.1, अकोला 31.1, अमरावती 29.2 बुलडाणा 28.4, चंद्रपूर 33.2,
गोंदिया 32.2, नागपूर 31.4, वर्धा 31.0, यवतमाळ 30.0

इतर अॅग्रो विशेष
खानदेशातील जलसाठ्यात घट जळगाव : खानदेशात पाणीबाणी वाढू लागली असून,...
जिनर्स कापूस खरेदी केंद्रांसाठी ९००...जळगाव ः भारतीय कापूस महामंडळाच्या (सीसीआय) कापूस...
राज्यात दुधाचे दर पुन्हा घसरलेपुणे: राज्यात होत असलेल्या जादा दुधाच्या...
दावणीला आणि छावणीला परिस्थितीनुसार चारा...बीड : राज्यात सरासरीच्या ७० टक्के पाऊस पडला असून...
सत्ताधाऱ्यांना नमवण्याची ताकद...मुंबई : गेल्या चार वर्षांत देश चुकीच्या...
दुष्काळातही माळरानावर हिरवाई फुलवण्याचे...लातूर जिल्ह्यातील वाघोली येथील सोनवणे कुटुंब...
सेंद्रिय पद्धतीने ऊस लागवड ते...लातूर येथील विलास सहकारी साखर कारखान्याने...
श्री विठ्ठल-रुक्मिणीचे २४ तास दर्शनसोलापूर ः पंढरपुरात श्री विठ्ठल -रुक्मिणीच्या...
हरभरा पेरणी ३३ टक्क्यांनी माघारलीनवी दिल्ली ः देशातील दुष्काळी स्थितीचा परिणाम...
राणी लक्ष्मीबाईंचे गाव बनले पाणीदारसातारा: झाशीची राणी लक्ष्मीबाईंचे मूळ गाव म्हणजे...
विदर्भापाठोपाठ मराठवाडा, मध्य...पुणे : राज्यात किमान तापमानाचा पारा घसरल्याने...
खानदेशात जनावरांची निम्म्या दरात विक्रीचाळीसगाव, जि. जळगाव ः लांबलेल्या व अवेळी पडलेल्या...
रब्बी पेरणी २० टक्क्यांनी घटलीनवी दिल्ली ः देशातील बहुतांशी भागात यंदाच्या...
सातारा, सोलापूर, परभणीत ऊसदरासाठी आंदोलनपुणे ः गेल्या गळीत हंगामातील थकबाकी द्यावी तसेच...
निर्यातीच्या केळीला १८०० रुपये दरजळगाव ः राज्यात निर्यातीच्या केळीला यंदा उच्चांकी...
नागपूर, गोंदिया गारठलेपुणे : उत्तरेकडील वाऱ्यांच्या प्रभावामुळे राज्यात...
ऊसदराबाबत हवे दीर्घकालीन धोरणऊसदराचा प्रश्न मिटत नाही तोपर्यंत आम्ही कोणताही...
दक्षिण महाराष्टात ऊसतोडी सुरूकोल्हापूर : ऊसदराचा तिढा शनिवारी (ता. ११) दुपारी...
यंदा दिवाळीतच झाली उलंगवाडी...!दसरा अाला की शेतशिवारं पिकांनी बहरून जायची, पण...
मराठवाड्यात चाराटंचाई उंबरठ्यावर औरंगाबाद : एकीकडे पाणीटंचाईचे वादळ मराठवाड्यावर...