पुणे ः गेल्या चार ते पाच दिवसांपासून पावसाने उघडीप दिली आहे. त्यामुळे सकाळपासून ऊन पडत असून, उकाडा वाढू लागला आहे. नागपुरात सोमवारी (ता.२५) कमाल तापमानाची सरासरी ३५.० अंश सेल्सिअसची नोंद झाली; तर पुणे, वर्धा येथील कमाल तापमानात वाढ झाली असून, आॅक्टोबर हीटची चाहूल लागली असल्याचे हवामान विभागाच्या सूत्रांनी सांगितले.
कोकण, गोवा व मध्य महाराष्ट्रात तुरळक ठिकाणी सोमवारी (ता.२५) सकाळपर्यंत मुसळधार पाऊस पडला. कोकण, गोव्यात काही ठिकाणी, मध्य महाराष्ट्र, मराठवाडा व विदर्भात काही ठिकाणी हलका पाऊस पडला. मराठवाडा व विदर्भातही दोन ठिकाणी हलका पाऊस पडला. सोमवारी दिवसभर कोकणात ढगाळ हवामान होते. काही ठिकाणी ऊन पडल्याचे चित्र होते. मध्य महाराष्ट्र, मराठवाडा, विदर्भातही काही ठिकाणी ढगाळ हवामान होते.
अनेक ठिकाणी सकाळपासून ऊन पडल्याचे चित्र होते. त्यामुळे सकाळपासून उकाड्यात वाढ होण्यास सुरवात झाली. दुपारी हवामानात चांगलाच उकाडा तयार झाला होता. त्यामुळे राज्यातील कमाल तापमानात सरासरीच्या तुलनेत एक ते दोन अंश सेल्सिअसने वाढ झाल्याचे चित्र होते. कोल्हापूरमध्ये सकाळी धुके पडले होते.
कोकणातील चिपळूण येथे रविवारी सायंकाळी मुसळधार पाऊस पडला; तर संगमेश्वर, देवरूख, वैभववाडी, पोलादपूर, दोडामार्ग, कणकवली, पेडणे येथेही हलका ते मध्यम स्वरूपाचा पाऊस पडला. मध्य महाराष्ट्रात कोल्हापूर, पन्हाळा येथे ७० मिलिमीटर पाऊस पडला. गगनबावडा, काडगाव, सांगली, शिरोळ, तासगाव येथेही हलका ते मध्यम स्वरूपाच्या सरी बरसल्या. मराठवाड्यातील मुखेड येथे १० मिलिमीटर; तर तर विदर्भातील सेलू, हिंगणघाट, बाभूळगाव येथेही हलका पाऊस पडला. कोकणात गुरुवारी जोरदार पावसाची शक्यता येत्या गुरुवारी (ता.२८) कोकण, गोव्यात तुरळक ठिकाणी मुसळधार पाऊस पडण्याची शक्यता आहे. आज (ता. २६) कोकण, गोवा व मध्य महाराष्ट्रात काही ठिकाणी; तर मराठवाड्यात तुरळक ठिकाणी हलका पाऊस पडण्याचा अंदाज आहे. विदर्भात हवामान कोरडे राहण्याची शक्यता हवामान राहण्याचा अंदाज हवामान विभागाच्या सूत्रांनी दिला. सोमवारी (ता.२५) सकाळी आठ वाजेपर्यंत झालेला पाऊस (मिलिमीटरमध्ये ) कोकण ः चिपळूण ८०, संगमेश्वर देवरूख, वैभववाडी ५०, पोलादपूर ३०, दोडामार्ग, कणकवली, पेडणे, सावंतवाडी १० मध्य महाराष्ट्र ः कोल्हापूर, पन्हाळा ७०, गगनबावडा, काडगाव, सांगली, शिरोळ, तासगाव ५०, गडहिंग्लज, हातकणंगले, राधानगरी, वाळवा, इस्लामपूर ३०, कागल, कराड, कवठेमहाकाळ, कोरेगाव, मिरज, शाहूवाडी, शिराळा २०, गारगोट १० मराठवाडा ः मुखेड १० विदर्भ ः सेलू ४०, हिंगणघाट २०, बाभूळगाव १०
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.