उकाडा वाढू लागला

शुक्रवारी (ता. 29) कोकण, गोव्यात बऱ्याच ठिकाणी, मध्य महाराष्ट्रात काही ठिकाणी तर विदर्भात तुरळक ठिकाणी हलका पाऊस पडण्याची शक्यता हवामान विभागाच्या सूत्रांनी वर्तविली आहे.
उष्णतेत वाढ
उष्णतेत वाढ

पुणे ः पावसाने उघडीप दिल्याने राज्यात हवेचा दाब वाढू लागला आहे. त्यामुळे कमाल तापमानात वाढ होत असून उकाड्यात वाढ झाली आहे. विदर्भातील अकोला येथील कमाल तापमानात सरासरीच्या तुलनेत दोन अंश सेल्सिअसची वाढ होऊन सरासरी 35.6 अंश सेल्सिअस तापमानाची नोंद झाली.

येत्या सोमवार(ता. 2)पर्यंत कोकण, गोवा, मध्य महाराष्ट्र व विदर्भात तुरळक ठिकाणी हलका पाऊस पडण्याची शक्यता आहे. उर्वरित भागात हवामान कोरडे राहण्याचा अंदाज आहे. शुक्रवारी (ता. 29) कोकण, गोव्यात बऱ्याच ठिकाणी, मध्य महाराष्ट्रात काही ठिकाणी तर विदर्भात तुरळक ठिकाणी हलका पाऊस पडण्याची शक्यता हवामान विभागाच्या सूत्रांनी वर्तविली आहे.

सध्या राज्यात अनेक ठिकाणी हवामान कोरडे आहे. गुरुवारी (ता. 28) सकाळपर्यंत कोकणातील हर्णे येथे 30 मिलिमीटर पाऊस पडला. तर मध्य महाराष्ट्रातील कोल्हापूर येथे 20, ओझर येथे 10 मिलिमीटर पाऊस पडला. गुरुवारी विदर्भातील बुलडाणा जिल्ह्यातील खामगाव शहरात हलका पाऊस पडला. उर्वरित भागात हवामान कोरडे होते.

त्यामुळे हवामानात सकाळपासून उकाडा वाढला होता. पुणे जिल्ह्यात दोन दिवसापूर्वी झालेल्या पावसामुळे कमाल तापमानात घट झाली असून मध्य महाराष्ट्रात 25 ते 35 अंश सेल्सिअस तापमानाची नोंद झाली आहे. कोकणातील कमाल तापमान 33 अंश सेल्सिअसच्या खाली होते. मराठवाड्यातील कमाल तापमान 32 ते 34 अंश सेल्सिअसच्या दरम्यान होते. विदर्भात 31 ते 35 अंश सेल्सिअसच्या दरम्यान कमाल तापमान होते.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com