राज्यात बहुतांश भागांत थंडी दाखल

राज्यात बहुतांश भागांत थंडी दाखल
राज्यात बहुतांश भागांत थंडी दाखल

पुणे : राज्यातील बहुतांशी भागांत थंडी दाखल झाली आहे. किमान तापमानात सरासरीच्या तुलनेत तीन अंशांपर्यंत घट झाली. शुक्रवारी (ता. २७) सकाळी आठवाजेपर्यंत नाशिकमध्ये सर्वांत कमी म्हणजेच १४.५ अंश सेल्सिअसची किमान तापमानाची नोंद झाली असल्याचे हवामान विभागाच्या सूत्रांनी सांगितले.  देशातून परतीचा पाऊस गेला असला, तरी कर्नाटकाच्या काही भागांत हवेचा कमी दाबाचा पट्टा आहे. त्यामुळे कोकण, मध्य महाराष्ट्र आणि कर्नाटकाच्या काही भागांत हलका पाऊस पडत आहे. आज (शनिवारी) कोकण, गोव्यात तुरळक ठिकाणी मेघगर्जनेसह पाऊस पडण्याची शक्यता आहे. मध्य महाराष्ट्र, मराठवाडा आणि विदर्भात हवामान कोरडे राहील. पुणे परिसरातही येत्या गुरुवार (ता. २) पर्यंत आकाश अंशतः ढगाळ राहणार असल्याचा अंदाज हवामान विभागाच्या सूत्रांनी वर्तविला.  सध्या सूर्य मकरवृत्ताकडे हळूहळू सरकत आहे. कमाल आणि किमान तापमानात चढ- उतार होत आहे. कोकण, गोवा व विदर्भाच्या काही भागांत कमाल तापमानात सरासरीच्या तुलनेत लक्षणीय वाढ झाली आहे. डहाणूमध्ये कमाल तापमानात सरासरीच्या तुलनेत चार अंश सेल्सिअसने वाढ होऊन ३७.२ अंश सेल्सिअसची सर्वांत जास्त कमाल तापमानाची नोंद झाली. मध्य महाराष्ट्र आणि मराठवाड्याच्या काही भागांत किंचित वाढ झाली आहे. राज्याच्या उर्वरित भागांत कमाल तापमान सरासरीच्या जवळपास होते.  विदर्भाच्या काही भागांत किमान तापमानात सरासरीच्या तुलनेत लक्षणीय घट झाली आहे. मराठवाड्याच्या काही भागांत किंचित घट झाली आहे. मध्य महाराष्ट्राच्या काही भागांत किमान तापमानात सरासरीच्या तुलनेत लक्षणीय वाढ झाली. साताऱ्यातील किमान तापमानात सरासरीच्या तुलनेत तीन अंशांपर्यंत घट झाली असून, २१.८ अंश सेल्सिअसची नोंद झाली आहे. तर नगर, कोल्हापूर, जळगाव, अकोला येथील किमान तापमानातही सरासरीच्या तुलनेत दोन अंशांनी घट झाली.     शुक्रवारी (ता. २७) सकाळी आठ वाजेपर्यंतचे कमाल, कंसात किमान तापमान ः अंश सेल्सिअसमध्ये :  मुंबई ३६.३ (२५.५), सांताक्रूझ ३६.६ (२३.७), अलिबाग ३५.२ (२४.५), रत्नागिरी ३६.२ (२४.४), डहाणू ३७.२ (२३.०), पुणे ३१.७ (१८.९), नगर - (१५.०), जळगाव ३५.४ (१५.४), कोल्हापूर ३१.७ (२२.५), महाबळेश्वर २७.६ (१८.२), मालेगाव ३४.२ (१६.४), नाशिक ३२.४ (१४.५), सांगली ३२.२ (२१.५),  सातारा ३२.६ (२१.८), सोलापूर ३४.१ (१८.६), उस्माबाद - (१६.१), औरंगाबाद ३२.६ (१७.२), परभणी ३३.८ (१८.०), नांदेड ३५.० (२०.५), अकोला ३५.५ (१७.३),  अमरावती ३१.४ (१७.४), बुलडाणा ३२.५ (१८.४), ब्रह्मपुरी ३४.७ (१८.२), चंद्रपूर ३४.० (२०.६), गोंदिया ३३.३ (१८.२), नागपूर ३३.४ (१७.०), वाशीम ३४.०,  वर्धा ३३.५ (१७.०), यवतमाळ ३५.० (१५.४)  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com