कोकणच्या दक्षिण भागात हवेचा कमी दाबाचा पट्टा

पुणे : कोकणच्या दक्षिण भागात हवेचा कमी दाबाचा पट्टा असून त्याचे चक्राकार वाऱ्यामध्ये रूंपातर होण्याची शक्‍यता आहे. त्यामुळे कोकण, मध्य महाराष्ट्र आणि कर्नाटकाच्या काही भागात हवामान ढगाळ आहे. मध्य महाराष्ट्रात व मराठवाड्यात तुरळक ठिकाणी सोमवारी (ता. ३०) सकाळी आठ वाजेपर्यत हलका पाऊस  पडला.

थंडीत चढउतार होत असले, तरी नगर आणि नाशिकमध्ये हळूहळू थंडी वाढ होऊ लागली आहे. उर्वरित भागांतही किमान तापमान काही प्रमाणात कमी-अधिक होत आहे. सोमवारी (ता. 30) सकाळी आठ वाजेपर्यत नगरमध्ये 12.5 अंश सेल्सिअस किमान तापमानाची नोंद झाली असल्याचे हवामान विभागाच्या सूत्रांनी सांगितले.

सध्या कोकण, मराठवाडा आणि विदर्भाच्या काही भागात कमाल तापमानात सरासरीच्या तुलनेत किचिंत वाढ झाली आहे. डहाणूमध्ये कमाल तापमानात सरासरीच्या चांगलीच वाढ झाली असून 36.1 अंश सेल्सिअसची सर्वांत जास्त कमाल तापमानाची नोंद झाली. त्यापाठोपाठ मुंबईतील कमाल तापमानात सरासरीच्या तुलनेत 2.0 अंश सेल्सिअसने घट होऊन 35.8 अंश सेल्सिअस एवढे तापमान होते. नागपूर, औरंगाबाद, नाशिक, सोलापूर, रत्नागिरी, मालेगाव, जळगाव, परभणी, अकोला येथील कमाल तापमानात वाढ झाली. पुणे, कोल्हापूर, सातारा, सांगली येथील कमाल तापमानात सरासरीच्या तुलनेत एक अंश सेल्सिअसने घट झाली. राज्याच्या उर्वरित भागात कमाल तापमान सरासरीच्या जवळपास होते.

मध्य महाराष्ट्र व मराठवाड्याच्या काही भागांत किमान तापमानात सरासरीच्या तुलनेत किंचित घट झाली. राज्याच्या उर्वरित भागात किमान तापमानात सरासरीच्या जवळपास होते. नगरमधील किमान तापमानात सरासरीच्या तुलनेत 4.6 अंशाने घट होऊन 12.5 अंश सेल्सिअसची नोंद झाली. त्यापाठोपाठ सोलापूरातील किमान तापमानात सरासरीच्या तुलनेत तीन अंशाने घट होऊन 16.5 अश सेल्सिअस एवढे तापमान नोंदविले गेले.

पुणे, नाशिक, सातारा, सांगली, जळगाव, परभणी, भिरा येथील तापमानातही घट झाली. मुंबई, औरंगाबाद, नागपूर, कोल्हापूर, रत्नागिरी, मालेगाव, अकोला येथील किमान तापमानातही सरासरीच्या तुलनेत एक ते दोन अंशाने वाढ झाली.  पुणे परिसरातही रविवार (ता.5) पर्यत आकाश अंशत ढगाळ राहील.

सोमवारी (ता.30) सकाळी आठ वाजेपर्यतचे कमाल, कंसात किमान तापमान (अंश सेल्सिअसमध्ये) मुंबई 35.8 (25.0), सांताक्रूझ 35.6 (22.2), अलिबाग 33.4 (22.2), रत्नागिरी 34.7 (23.5), डहाणू 36.1 (21.6), भिरा (19.5), पुणे 30.8 (16.1), नगर (12.5), जळगाव 34.7 (16.0), कोल्हापूर 29.3 (20.1), महाबळेश्वर 25.2 (16.0), मालेगाव 33.0 (16.5), नाशिक 32.1 (14.8), सांगली 30.0 (18.4), सातारा 29.6 (16.5), सोलापूर 32.5 (16.5), उस्माबाद - (12.6), औरंगाबाद 32.7 (16.6), परभणी 32.9 (16.5), नांदेड 33.0 (17.5), बीड 32.0 (16.0), अकोला 34.5 (19.0), अमरावती 32.2 (18.6), बुलढाणा 31.0 (18.4), ब्रह्मपुरी 34.1 (19.1), चंद्रपूर 32.8 (20.8), गोंदिया 32.0 (18.0), नागपूर 32.9 (19.0), वाशीम - (16.0), वर्धा 32.7 (17.9), यवतमाळ 32.5 (16.4)