कोकणात सोमवारी पावसाचा अंदाज

पुणे : तमिळनाडूच्या परिसरात कमी दाबाचा पट्टा तयार झाला असून, त्याचे चक्राकार वाऱ्यामध्ये रूंपातर झाले आहे. त्यामुळे तमिळनाडू, श्रीलंकेच्या काही भागात, केरळ, आंध्र प्रदेशच्या काही भागात जोरदार पाऊस पडत आहे. तमिळनाडूच्या काही भागात अतिवृष्टी झाली आहे. तमिळनाडूतील कमी दाबाच्या पट्याचा परिणाम कर्नाटक, केरळ, महाराष्ट्रावर होण्याची शक्‍यता आहे. परिणामी गोवा व कोकणाच्या दक्षिण भागात सोमवारी (ता. 5) तुरळक ठिकाणी हलका पाऊस पडण्याची शक्‍यता हवामान विभागाच्या सूत्रांनी वर्तविली.

मध्य महाराष्ट्रात किमान तापमानात घट होऊ लागली आहे. त्यामुळे थंडी चांगलीच जोर धरू लागली आहे. बुधवारी (ता. 1) सकाळी आठ वाजेपर्यंत नगरमधील किमान तापमानाचा पारा 5.5 अंशापर्यंत घसरला असून, चांगलीच थंडी वाढली आहे. सध्या नगरमध्ये सर्वांत कमी म्हणजेच 11.6अंश सेल्सिअस एवढ्या किमान तापमानाची नोंद झाली आहे.

राज्यात येणाऱ्या वाऱ्याची दिशा बदलून ती उत्तरेकडून वारे वाहू लागले आहे. दक्षिणेकडील तापमानात वाढ होऊ लागली असल्याने राज्यातील कमाल आणि किमान तापमानात चढउतार होत आहे. कोकण आणि मध्य महाराष्ट्राच्या दक्षिण भागात कमी दाबाचा पट्टा असल्याने कोकण, मध्य महाराष्ट्र आणि कर्नाटकाच्या काही भागात हवामान ढगाळ होते. पुणे परिसरातही मंगळवार (ता. 7) पर्यंत आकाश अंशत ढगाळ राहील. कोकण, गोवा, मराठवाडा आणि विदर्भाच्या काही भागात कमाल तामपानात सरासरीच्या तुलनेत किचिंत वाढ झाली आहे.

मुंबईमध्ये कमाल तापमानात सरासरीच्या तुलनेत दोन अंशापर्यंत वाढ झाली असून, 35.8 अंश सेल्सिअसची सर्वांत जास्त कमाल तापमानाची नोंद झाली. नागपूर, औरंगाबाद, सोलापूर, रत्नागिरी, सातारा, सांगली, परभणी, अकोला येथील कमाल तापमानातही सरासरीच्या तुलनेत एक ते दोन अंशाने घट झाली, तर मालेगाव, कोल्हापूर, पुणे, नाशिक येथील कमाल तापमानात सरासरीच्या तुलनेत एक ते दोन अंशाने घट झाली. राज्याच्या उर्वरित भागात कमाल तापमान सरासरीच्या जवळपास होते.

मराठवाडा आणि विदर्भाच्या काही भागांत किमान तापमानात सरासरीच्या तुलनेत उल्लेखनीय घट झाली. मध्य महाराष्ट्राच्या काही भागात किमान तापमानात सरासरीच्या तुलनेत किंचित घट झाली आहे. राज्याच्या उर्वरित भागात किमान तापमानात सरासरीच्या जवळपास होते. राज्यात मुंबई वगळत उर्वरित बहुतांशी सर्वच प्रमुख शहरांतील किमान तापमान सरासरीच्या तुलनेत एक ते तीन अंशाने घट झाली आहे. बुधवारी (ता.1) सकाळी आठ वाजेपर्यंतचे कमाल, कंसात किमान तापमान ः अंश सेल्सिअसमध्ये मुंबई 35.8 (25.2), सांताक्रूझ 35.8 (22.6), अलिबाग 34.0 (21.6), रत्नागिरी 35.3 (20.1), डहाणू 34.1 (21.2), भिरा (19.0), पुणे 30.4 (14.2), नगर (11.6), जळगाव 34.0 (14.4), कोल्हापूर 30.7 (18.7), महाबळेश्वर 25.3 (16.0), मालेगाव 30.1 (15.2), नाशिक 31.0 (12.2), सांगली 32.0 (17.1), सातारा 30.6 (15.2), सोलापूर 32.7 (14.8), उस्मानाबाद - (12.9), औरंगाबाद 32.6 (15.0), परभणी 32.5 (15.1), नांदेड 33.5 (17.5), बीड 32.4, अकोला 34.8 (15.8), अमरावती 31.6 (17.8), बुलढाणा 31.5 (17.0), ब्रम्हपुरी 33.6 (15.9), चंद्रपूर 33.2 (19.6), गोंदिया 31.6 (15.2), नागपूर 33.2 (14.3), वाशिम 33.0, वर्धा 33.0 (16.2), यवतमाळ 34.0 (14.4)