महाराष्ट्रातून मॉन्सून परतला

महाराष्ट्रातून मॉन्सून परतला
महाराष्ट्रातून मॉन्सून परतला

पुणे : नैऋत्य मोसमी वारे अर्थात मॉन्सून संपूर्ण महाराष्ट्रातून परतला आहे. २४ तासांमध्ये मॉन्सून संपूर्ण देशातून बाहेर पडण्यास पोषकस्थिती असल्याची माहिती भारतीय हवामान विभागातर्फे देण्यात अाली. १३९ दिवसांच्या मुक्कामानंतर मॉन्सून महाराष्ट्रातून परतल्याचे हवामान विभागाने मंगळवारी (ता.२४) जाहीर केले. १४ मे रोजी पश्‍चिम बंगालमध्ये दाखल झालेला मॉन्सून, महाराष्ट्रात ७ जूनला दाखल हाेऊन, २० जूनला महाराष्ट्र व्यापला हाेता.

महाराष्ट्राबराेबर ईशान्य भारत, बंगालच्या उपसागराचा काही भाग, आंध्र प्रदेशची किनारपट्टी, तेलंगणा आणि अरबी समुद्राच्या काही भागातून मॉन्सून परतलल्याचे हवामान विभागाने स्पष्ट केले आहे. गेल्या वर्षी (२०१६) १५ आॅक्टाेबरला, तर २०१५ मध्ये १८ आॅक्टाेबरला मॉन्सून राज्यातून परतला हाेता.  दरम्यान, मॉन्सून परतल्यानंतर वातावरणातील आर्द्रतेचे प्रमाण कमी हाेऊन राज्याच्या विविध भागांतील किमान तापमानात घट झाली असून, थंडी पडण्यास सुरवात झाली आहे. राज्यात विदर्भाच्या काही भागात किमान तापमानात सरासरीच्या तुलनेत लक्षणीय घट, तर मराठवाड्याच्या काही भागात किमान तापमानात सरासरीच्या तुलनेत किंचित घट झाली आहे. राज्याच्या उर्वरित भागात किमान तापमान सरासरीच्या जवळपास हाेते. राज्यात मंगळवार (ता.२४) च्या गेल्या २४ तासांत महाबळेश्‍वर येथे किमान तापमान १६.६ अंश सेल्सिअस नाेंद झाली. तर मुंबईत २४.५ आणि पुण्यात १८.४ अंश सेल्सिअस तापमानाची नाेंद झाली. 

येत्या २४ तासांत गाेव्यासह संपूर्ण राज्यात हवामान काेरडे राहण्याचा अंदाज हवामान विभागाने वर्तविला आहे. पुढील ४८ तासांत गुरुवार (ता. २६) काेकण गाेवा, मध्य महाराष्ट्र व मराठवाड्यात मेघगर्जनेसह पाऊस पडण्याची शक्यता वर्तविण्यात आली आहे. तर विदर्भात हवामान काेरडे राहण्याचा अंदाज वर्तविला आहे. शुक्रवारी (ता. २७) गाेव्यासह संपूर्ण राज्यात मेघगर्जनेसह पाऊस पडण्याची शक्यता, तर शनिवारी (ता. २८) मध्य महाराष्ट्र व मराठवाड्यात मेघगर्जनेसह पाऊस पडण्याची शक्यता वर्तविण्यात आली असून, काेकण गाेवा व विदर्भात हवामान काेरडे राहण्याचा अंदाज वर्तविला आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com