कोकणात पाऊस जोर धरणार

संग्रहित छायाचित्र
संग्रहित छायाचित्र

पुणे  : ‘वायू’ चक्रीवादळाचा प्रभाव ओसरू लागताच राज्यात पावसाला पोषक हवामान होत आहे. आजपासून (ता. १६) कोकणात पाऊस जोर धरणार आहे, तर उद्यापासून (ता. १७) रत्नागिरी, सिंधुदुर्ग आणि रायगड जिल्ह्यांत, तर मंगळवारपासून दक्षिण-मध्य महाराष्ट्रातील कोल्हापूर, सातारा या जिल्ह्यांत काही ठिकाणी मुसळधार पावसाचा अंदाज आहे, तर उर्वरित राज्यात हलक्या पावसाची शक्यता हवामान विभागाने वर्तवली आहे.

शनिवारी (ता. १५) सकाळपर्यंतच्या २४ तासांमध्ये ठाणे, रायगड, रत्नागिरी, सिंधुदुर्ग, पालघर, पुणे, सातारा या जिल्ह्यांत अनेक ठिकाणी हलक्या ते मध्यम पावसाने, तर तुरळक ठिकाणी मुसळधार पावसाने हजेरी लावली. शनिवारी दिवसभर कोकण, मध्य महाराष्ट्रात ऊन-सावल्यांचा खेळ सुरू होता. कोकणात पावसाच्या सरी बरसत होत्या. आज (ता. १६) सिंधुदुर्ग, रत्नागिरी, रायगड जिल्ह्यांत तुरळक ठिकाणी, तर उत्तर कोकण आणि मध्य महाराष्ट्रात हलक्या ते मध्यम पावसाची शक्यता वर्तविण्यात आली आहे. विदर्भातही हलक्या सरींचा अंदाज आहे.

राज्यात असलेले ढगाळ हवामान, वाऱ्यांचा वेग वाढल्याने उन्हाचा ताप कमी झाला आहे. जून महिन्याच्या सुरवातीला ४८ अंशांपर्यंत गेलेले विदर्भातील तापमान पुन्हा ४५ अंशांपर्यंत खाली आले आहे. शनिवारी (ता. १५) सकाळपर्यंतच्या २४ तासांमध्ये चंद्रपूर येथे राज्यातील उच्चांकी ४४.६ अंश सेल्सिअस तापमानाची नोंद झाली. विदर्भात कमाल तापमान ३९ ते ४५ अंश, मध्य महाराष्ट्रात २१ ते ४१, मराठवाड्यात ३६ ते ४२ आणि कोकणात ३२ ते ३४ अंश सेल्सिअसदरम्यान आहे. उद्यापासून (ता. १७) विदर्भातील उष्ण लाट ओसरण्याची शक्यता आहे.

शनिवारी (ता. १५) सकाळपर्यंतच्या २४ तासांमध्ये राज्यात विविध ठिकाणी पडलेला पाऊस, मिलिमीटरमध्ये (स्रोत : कृषी विभाग)    

कोकण : ठाणे ४०, बेलापूर ४२, अलिबाग ४५, किहीम ६३, सरल ५०, चरी ४५, रोहा ४२, मुरूड ४४, श्रीवर्धन ४८, म्हसला ८०, खामगाव ६२, मंडणगड ५४, म्हाप्रल ४४, देव्हरे ८२, देवळे ४९, मालवण ५०, सावंतवाडी ४०, आंबोली ४५, पालघर ४७, बोईसर ४२, तारापूर ४१.

मध्य महाराष्ट्र : धारदगाव १२, मुठे २५, काले ११, कार्ला १२, वेल्हा १४, कण्हेर १०, जावळी १०, बामणोली १६, केळघर १६, म्हावशी १०, ढेबेवाडी १२, तळमावळे १०, कुठरे १८, कोळे १०, किन्हई १०, पुसेसावळी १०, महाबळेश्‍वर ३९, तापोळा १८, लामज २२, चरण १९. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com