कोकणात पाऊस जोर धरणार

पुणे  : मॉन्सूनच्या आगमनास पोषक स्थिती निर्माण झाल्याने कोकणातील सिंधुदुर्ग, रत्नागिरी जिल्ह्यांमध्ये पावसाने जोर धरला आहे. कोकण किनाऱ्यालगतच्या समुद्रात ढगांची दाटी होऊ लागली आहे. आज (ता. २०) कोकणात पावसाचा जोर वाढून, तुरळक ठिकाणी मुसळधार पावसाची शक्यता आहे. मध्य महाराष्ट्र, विदर्भ, मराठवाड्यातही हलक्या ते मध्यम पावसाची शक्यता हवामान विभागाने वर्तविली आहे. 

बुधवारी (ता. १९) सकाळपर्यंतच्या २४ तासांमध्ये कोकण आणि मध्य महाराष्ट्रात तुरळक ठिकाणी हलक्या ते जोरदार पावसाने हजेरी लावली. सिंधुदुर्ग, रत्नागिरी जिल्ह्यातील काही भागांत बुधवारी (ता. १९) दुपारपासूनच मुसळधार पावसाला सुरवात झाली. सिंधुदुर्गमध्ये जिल्ह्याच्या पूर्व पट्ट्यात पावसाचा जोर अधिक असून, कोरडे पडलेले नदीनाले या पावसामुळे वाहू लागले आहेत; तर कोकणासह मध्य महाराष्ट्रात ढगांची फळी दिसून येत आहे. विदर्भ, मराठवाड्यातही अंशत: ढगाळ हवामान होत आहे. यातच राज्याच्या तापमानातही घट होत असून, विदर्भात तापमान ४२ अंशांच्या खाली; तर उर्वरित राज्यात जवळपास सर्व ठिकाणी तापमान ४० अंशांच्या खाली घसरले आहे. 

बुधवारी (ता. १९) सकाळपर्यंतच्या २४ तासांमध्ये राज्यात विविध ठिकाणी पडलेला पाऊस, मिलिमीटरमध्ये स्रोत : कृषी विभाग)  ः कोकण : ठाणे ४०, भाईंदर ३६, अलिबाग ४३, किहीम ६०, सरल ६२, चरी ४७, पनवेल ४०, पवयंजे ४२, नेरळ ४१, कळंब ४०, पेण ३४, हमरापूर ६२, वशी ५८, लोनेरे ४०, चानेरा ३६, कोलाड ३०, मुरूड ३४, मेंढा ३३, मार्गतम्हाणे ४३, रामपूर ३५, वाकवली ३०, वेलवी ३३, तलवली ३२, पटपन्हाले ८०, अबलोली ३०, म्हाप्रल ३०, कोटवडे ३६, तुलसानी ३५, राजापूर ६०, कुंभवडे ४९, लांजा ४०, भांबेड ४७, पूनस ४४, सातवली ८५, विलवडे ५५. आंबोली ४०, कसाल ४५, तालवट ३४.  मध्य महाराष्ट्र : इगतपुरी १४, मोरांबा १३, शेंडी १०, घोटावडे १७, माले १९, मुठे १२, लोणावळा १७, बामणोली २४, हेळवाक ३९, महाबळेश्‍वर २३, लामज १६, आंबा १४, राधानगरी १२, गगनबावडा १६, साळवण ३७, गवसे १२, हेरे १९.