agriculture news in marathi, weather prediction, Rain prediction from thrusday | Agrowon

राज्यात गुरुवारपासून पावसाची शक्यता
टीम अॅग्रोवन
मंगळवार, 13 मार्च 2018

पुणे : बंगालच्या उपसागरातील कमी दाबाचे क्षेत्र आणि मध्य प्रदेश आणि महाराष्ट्रातील कमी दबाचा पट्टा पोषक ठरल्याने राज्यात गुरुवारपासून पावसाची शक्यता आहे. शुक्रवारी राज्यात अनेक ठिकाणी पाऊस पडण्याचा अंदाज हवामान खात्याने वर्तविला आहे. कोकणातील भिरा येथे उष्णतेची लाट आली आहे. सोमवारी सकाळपर्यंतच्या २४ तासांमध्ये भिरा येथे राज्यातील उच्चांकी ४२ अंश सेल्सिअस तापमानाची नोंद झाली.

पुणे : बंगालच्या उपसागरातील कमी दाबाचे क्षेत्र आणि मध्य प्रदेश आणि महाराष्ट्रातील कमी दबाचा पट्टा पोषक ठरल्याने राज्यात गुरुवारपासून पावसाची शक्यता आहे. शुक्रवारी राज्यात अनेक ठिकाणी पाऊस पडण्याचा अंदाज हवामान खात्याने वर्तविला आहे. कोकणातील भिरा येथे उष्णतेची लाट आली आहे. सोमवारी सकाळपर्यंतच्या २४ तासांमध्ये भिरा येथे राज्यातील उच्चांकी ४२ अंश सेल्सिअस तापमानाची नोंद झाली.

बंगालच्या उपसागरात श्रीलंका, कोमोरीन आणि मालदीव बेटांलगत ठळक कमी दबाचे क्षेत्र सक्रिय आहे. दोन दिवसांत कमी दाबाचे क्षेत्र आणखी तीव्र होण्याचे संकेत आहेत. त्यामुळे तमिळनाडू आणि केरळच्या दक्षिण किनारपट्टीलगत ताशी ४० ते ६० किलोमीटर वेगाने वारे वाहण्याची; तसेच मध्यम ते जोरदार पावसाची शक्यता आहे. मध्य प्रदेश, विदर्भ, मध्य महाराष्ट्रादरम्यान हवेचा कमी दाबाचा पट्टा तयार झाला असून, मध्य महाराष्ट्रातील चक्राकार वाऱ्याची स्थिती यात मिसळून गेली आहे. पावसाला पोषक हवामान असल्याने गुरुवारी (दि.१५) कोकण, मध्य महाराष्ट्र आणि विदर्भात तुरळक ठिकाणी पाऊस पडणार आहे; तर शुक्रवारपासून संपूर्ण राज्यात हलका पावसाचा अंदाज वर्तविण्यात आला आहे. 

सूर्य तळपू लागल्याने राज्यात दिवस आणि रात्रीच्या तापमानात वाढ होत आहे. मध्य महाराष्ट्र, मराठवाड्यात रात्रीच्या (किमान) तापमानात मोठी वाढ झाली;. तर ढगाळ हवामान, वादळी पावसामुळे विदर्भातील दिवसाचे तापमान घटल्याचे दिसून आले. मध्य महाराष्ट्रात, मराठवाड्यात कमाल तापमान ३६ अंश; तर कोकणात अनेक ठिकाणी पारा ३४ अंशांच्या वर गेला आहे. विदर्भात मात्र कमाल तापमान ३२ ते ३५ अंशांच्या जवळपास असून, तापमानात सरासरीच्या तुलनेत २ ते ७ अंशांनी घट झाली.
सोमवारी (दि. १२) सकाळी साडेआठ वाजेपर्यंतच्या २४ तासांमध्ये राज्यातील विविध ठिकाणचे कमाल तापमान (अंश सेल्सिअसमध्ये) : पुणे ३७.१, जळगाव ३७.०, कोल्हापूर ३६.०, महाबळेश्वर ३१.३, मालेगाव ३७.४, नाशिक ३६.३, सातारा ३७.०, सोलापूर ३८.३, मुंबई ३४.८, अलिबाग ३४.६, रत्नागिरी ३४.७, डहाणू ३३.६, भिरा ४२.०, औरंगाबाद ३४.६, परभणी ३६.९, नांदेड ३८.०, अकोला ३१.०, अमरावती ३०.८, बुलडाणा ३५.२, ब्रह्मपुरी ३२.९, चंद्रपूर ३४.०, गोंदिया ३५.०, नागपूर ३५.०, वर्धा ३२.०, यवतमाळ २७.५.
अकोला, अमरावती, यवतमाळमध्ये 

रविवार ठरला थंड दिवस
राज्यात उन्हाचा ताप वाढत असतानाच, विदर्भात रविवारी (दि. ११) असलेल्या ढगाळ वातावरणामुळे दिवसाच्या तापमानात घट झाली होती. अकोला, अमरावती, यवतमाळमध्ये रविवारचा दिवस थंड ठरला. रात्रीचे तापमान १० अंशांपेक्षा अधिक असेल आणि दिवसाच्या तापमानात सरासरीपेक्षा ४.५ ते ६.४ अंशांनी घट झाल्यास तो दिवस थंड मानला जातो; तसेच कमाल तापमानात ६.५ अंशांपेक्षा अधिक घट झाल्यास तो दिवस अतिथंड ठरतो. रविवारी यवतमाळ येथे दिवसाच्या तापमानात ७.७ अंशांनी घट होता राज्यातील दिवसभराचे सर्वांत कमी २७.५ अंश सेल्सिअस तापमान नोंदले गेले होते. अकोला येथे ४ मिलिमीटर; तर यवतमाळमध्ये ६ मिलिमीटर पावसाची नोंद झाली होती.

इतर अॅग्रो विशेष
कृषी विकास दराची मोठी बुडीमुंबई  ः देशात महाराष्ट्र पहिल्या क्रमांकावर...
कर्नाटकी बेंदराच्या निमित्ताने आज ...कोल्हापूर  : राज्यातील कर्नाटक सीमेलगतच्या...
उत्कृष्ट संत्रा व्यवस्थापनाचा युवा...वयाच्या विसाव्या वर्षीच शेतीत उतरलेल्या ऋषीकेश...
मॉन्सूनचे प्रवाह अजूनही मंदचपुणे  : अरबी समुद्रात गुजरातच्या किनाऱ्यावर...
ढगाळ हवामानासह हलक्या पावसाचा अंदाजपुणे  : ‘वायू’ चक्रीवादळ निवळल्यानंतर...
एफआरपी द्या, काटामारी रोखा : बच्चू...पुणे :  राज्यातील ऊस उत्पादक...
‘जीएम’चा तिढामहिनाभरापूर्वी हरियाना राज्यात एका शेतकऱ्याच्या...
राज्यातील दूध संघांपूढे ‘अमूल’चे कडवे...पुणे: राज्याच्या दूध उद्योगात ‘अमूल’चा होत असलेला...
विदर्भ, मराठवाड्यात उष्ण लाटेचा इशारापुणे : वायू चक्रीवादळाने बाष्प ओढून नेल्याने...
करारावरील अश्‍वगंधा लागवड ठरली डोकेदुखीगडचिरोली ः अश्‍वगंधा लागवड आणि खरेदीचा करार करीत...
शेतकऱ्याच्या आत्महत्येप्रकरणी बँक...वर्धा : पात्र असतानाही कर्जमाफीचा लाभ न...
‘कृषी’तील सुधारणेस कृतिगट : निती आयोगनवी दिल्ली : कृषी क्षेत्रातील अमूलाग्र...
खातेवाटप जाहीर : अनिल बोंडे कृषिमंत्री...मुंबई : मुख्यमंत्री देवेंद्र फडणवीस यांच्या...
विदर्भात भुईमूग शेंगाचे दर पोचले ५७००...नागपूर ः उन्हाळी भुईमुगाची आवक विदर्भातील अनेक...
खास पोह्यासाठी भाताची ‘कर्जत शताब्दी’...रत्नागिरी ः दापोली येथील डॉ. बाळासाहेब सावंत कोकण...
महिला गटाची प्रक्रिया उद्योगातून ‘...बार्शीटाकळी (जि. अकोला) गावातील दहा महिलांनी...
शेतीला मिळाली पूरक उद्योगाची साथमहिलांसाठी बचत गट चळवळ फायद्याची ठरली आहे. बचत...
कृषी, संलग्न विद्याशाखांसाठी ‘खासगी’कडे...पुणे : राज्यातील कृषी व संलग्न विद्याशाखांच्या...
गायी आणि म्हशींच्या गुणसूत्रांची बॅंक...पुणे ः  गायी, म्हशींच्या आनुवंशिक सुधारणा...
मॉन्सूनच्या वाटचालीस पोषक स्थितीपुणे   : अरबी समुद्रात गुजरातच्या...