गोंदियाचा पारा १० अंशांवर

गोंदियाचा पारा १० अंशांवर
गोंदियाचा पारा १० अंशांवर

पुणे : उत्तरेकडून येत असलेल्या थंड वाऱ्यामुळे विदर्भातील किमान तापमानाचा पारा घसरला आहे. त्यामुळे विदर्भातील बहुतांशी भागात थंडीने चांगलीच हुडहुडी भरवली आहे. सोमवारी (ता. २७) सकाळी आठ वाजेपर्यंत विदर्भातील गोंदिया येथे १०.० अंश सेल्सिअस किमान तापमान नोंद झाल्याचे हवामान विभागाच्या सूत्रांनी सांगितले.

सध्या विदर्भातील किमान तापमानात सरासरीच्या तुलनेत पाच अंशांपर्यंत घट झाली आहे. मराठवाड्यात किंचित घट झाली. मध्य महाराष्ट्रात सरासरीच्या तुलनेत एक ते दोन अंश सेल्सिअसने घट झाली असून, काही ठिकाणी किमान तापमानात वाढ झाली आहे. कोकणातही काही भागात थंडीमध्ये चढउतार होत आहे. उर्वरित भागात हवामान सरासरीएवढेच होते.

यंदा चांगल्या झालेल्या पावसामुळे राज्यातील बहुतांशी भागात सायंकाळी हवेत गारवा तयार होत आहे. त्यामुळे रात्रीचा किमान तापमानाचा पारा खाली उतरत आहे; परंतु पहाटे चांगलीच थंडी हुडहुडी भरत आहे. कोकणातील रत्नागिरी येथील किमान तापमानात सरासरीच्या तुनलेत एक अंश सेल्सिअसने घट झाली असून, किमान तापमान 10.3 अंश सेल्सिअस एवढे होते. अलिबाग, डहाणू येथील किमान तापमानात किंचित वाढ झाली. मध्य महाराष्ट्रातील पुणे, कोल्हापूर, महाबळेश्वर, मालेगाव येथील किमान तापमानात सरासरीच्या तुलनेत एक ते दोन अंश सेल्सिअसने वाढ झाली. जळगाव, सातारा, नाशिक, सातारा येथील किमान तापमानात किंचित घट झाली. सोलापूरमधील किमान तापमान सरासरीच्या तुलनेत तीन अंश सेल्सिअसने घटले.

मराठवाड्यातील परभणी येथील किमान तापमानात सरासरीच्या तुलनेत सर्वाधिक पाच अंश सेल्सिअसने घट होऊन 10.5 अंश सेल्सिअसची नोंद झाली. औंरंगाबाद, उस्मानाबाद येथील किमान तापमान सरासरीच्या जवळपास होते. बीड, नांदेड येथील किमान तापानात किंचित घट झाली. विदर्भातील गोंदिया, यवतमाळ येथील किमान तापमानात सरासरीच्या तुलनेत पाच अंश सेल्सिअसने घट झाली. नागपुरात पाच अंशाने घट झाली असून, पारा दहा अंशांपर्यंत खाली आला आहे. उर्वरित अकोला, अमरावती, बुलडाणा, चंद्रपूर, वर्धा येथील किमान तापमानाचा पारा खाली आला आहे. त्यामुळे अनेक भागात थंडी हळूहळू वाढू लागली आहे. सोमवारी (ता.27) सकाळी आठ वाजेपर्यंतचे किमान तापमान व कंसात झालेली घट (अंश सेल्सिअसमध्ये) :  मुंबई (सांताक्रूझ) 19.5, अलिबाग 20.2 (1), रत्नागिरी 19.3 (-1), डहाणू 20.2 (1), ठाणे 24.2, भिरा 18.5, नगर 11.4 (-2), पुणे 12.5 (1), जळगाव 12.6 (-1), कोल्हापूर 17.5 (1), महाबळेश्वर 15.2 (1), मालेगाव 13.5 (1), नाशिक 11.2 (-1), सांगली 15.0, सातारा 14.4(-1), सोलापूर 13.3 (-3), औरंगाबाद 13.4, बीड 13.8 (-1), परभणी 10.5 (-5), नांदेड 13.0 (-1), उस्मानाबाद 10.9,अकोला 12.6 (-3), अमरावती 13.4 (-3), बुलडाणा 13.6 (-3), चंद्रपूर 14.0 (-1), गोंदिया 10.0 (-5), नागपूर 10.6 (-4), वर्धा 12.4(-3), यवतमाळ 11.0 (-5)  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com