विदर्भ थंडीने गारठला

विदर्भ थंडीने गारठला
विदर्भ थंडीने गारठला

पुणे : उत्तरेकडून वाहत असलेल्या थंड वाऱ्यामुळे विदर्भातील किमान तापमानात सरासरीच्या तुलनेत चार अंशांपर्यंत घट झाली. परिणामी विदर्भातील थंडीला पारा दहा अंशांच्या खाली उतरला आहे. मंगळवारी (ता.19) सकाळी आठ वाजेपर्यंत विदर्भातील गोंदिया येथे 8.0 अंश सेल्सिअस किमान तापमानाची नोंद झाली असल्याचे हवामान विभागाच्या सूत्रांनी सांगितले.

कोकण, गोव्यासह संपूर्ण राज्यात हवामान कोरडे आहे. त्यामुळे विदर्भाच्या काही भागात किमान तापमानात सरासरीच्या तुलनेत लक्षणीय घट झाली. मराठवाड्याच्या काही भागात किंचित घट झाली आहे. राज्याच्या उर्वरित भागात किमान तापमान सरासरीच्या जवळपास होते. पुणे परिसरात मंगळवारी (ता.19) आकाश अंशत ढगाळ होते. येत्या सोमवारपर्यंत (ता.25) पुणे परिसरात आकाश मुख्यत निरभ्र राहण्याची शक्‍यता आहे.

सध्या उत्तरेकडून येणारे वारे हे राज्याच्या पूर्व भागाकडे अधिक वाहत आहे. त्यामुळे विदर्भात थंडी वाढत आहे. परंतु हळूहळू ही थंडी मराठवाडा, मध्य महाराष्ट्र आणि कोकण या भागातही थंडी वाढेल, असा अंदाज आहे. मात्र, राज्यातील किमान तापमानात चढउतार सुरू असून कोकणात रत्नागिरी वगळता मुंबई, अलिबाग, भिरा, डहाणू येथील किमान तापमानात सरासरीच्या तुलनेत एक ते दोन अंशाने वाढ झाली आहे.

मध्य महाराष्ट्रातील नगर, नाशिक येथे सर्वात कमी म्हणजेच 10 अंश सेल्सिअस एवढ्या किमान तापमानाची नोंद झाली. तर महाबळेश्वर, सोलापूर येथेही सरासरीच्या तुलनेत एक ते दोनअंशाने घट होऊन किमान तापमान 13.0 अंशांवर होते. पुणे, जळगाव, कोल्हापूर, मालेगाव, सांगली, सातारा येथील किमान तापमानात सरासरीच्या तुलनेत एक ते तीन अंशाने वाढले.

मराठवाड्यातील किमान तापमानात सरासरीच्या तुलनेत दोन अंशाने घटले. नांदेड येथे सर्वात कमी दहा अंश सेल्सिअस एवढ्या किमान तापमान होते. परभणीमध्ये 11.4 अंश सेल्सिअस एवढे तापमान होते. औरंगाबाद, बीड, उस्मानाबाद येथील किमान तापमानात सरासरीच्या तुलनेत चार अंशांपर्यंत वाढ झाली. विदर्भातील अकोला, गोंदिया, नागपूर, वाशीम, वर्धा येथील किमान तापमान दहा अंश सेल्सिअसच्या खाली आले होते. बुलढाणा, अमरावती, चंद्रपूर, यवतमाळ येथील किमान तापमान दहा अंशाच्यावर होते.

मंगळवारी (ता.19) सकाळी आठ वाजेपर्यंतचे किमान तापमान व कंसात झालेली घट (अंश सेल्सिअस) मुंबई (सांताक्रुझ) 19.8 (2), अलिबाग 19.4 (1), रत्नागिरी 18.1 (-2), डहाणू 19.4 (1), भिरा 18.3 (1), नगर 10.0 (-1), पुणे 14.3 (3), जळगाव 13.4 (1), कोल्हापूर 15.9 (1), महाबळेश्वर 13.0 (-1), मालेगाव 12.0 (1), नाशिक 10.0, सांगली 16.0 (3), सातारा 13.9 (1), सोलापूर 13.4 (-2), औरंगाबाद 11.4, बीड 16.0 (4),परभणी 11.4 (-2), नांदेड 10.0 (-2), उस्मानाबाद 13.0, अकोला 9.9 (-3), अमरावती 11.6 (-3), बुलढाणा 11.5 (-3), चंद्रपूर 11.6 (-1), गोंदिया 8.0 (-4), नागपूर 8.9 (-4), वर्धा 9.5 (-4), वाशीम 10.0, यवतमाळ 10.4 (-4)

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com