agriculture news in marathi, weather, temperature, forecasting | Agrowon

थंडीच्या लाटेने विदर्भ गारठला
टीम अॅग्रोवन
गुरुवार, 28 डिसेंबर 2017

पुणे : उत्तरेकडून वाहत असलेल्या थंड वाऱ्यामुळे राज्यातील किमान तापमानात घट झाली आहे. विदर्भातील अनेक भागांत थंडीची लाट आली असून, किमान तापमान सरासरीच्या तुलनेत पाच अंशांपर्यंत घटले आहे. बुधवारी (ता. 27) सकाळी आठ वाजेपर्यंत नागपूर येथे 7.8 अंश सेल्सिअस किमान तापमानाची नोंद झाली असल्याचे हवामान विभागाच्या सूत्रांनी सांगितले.

पुणे : उत्तरेकडून वाहत असलेल्या थंड वाऱ्यामुळे राज्यातील किमान तापमानात घट झाली आहे. विदर्भातील अनेक भागांत थंडीची लाट आली असून, किमान तापमान सरासरीच्या तुलनेत पाच अंशांपर्यंत घटले आहे. बुधवारी (ता. 27) सकाळी आठ वाजेपर्यंत नागपूर येथे 7.8 अंश सेल्सिअस किमान तापमानाची नोंद झाली असल्याचे हवामान विभागाच्या सूत्रांनी सांगितले.

विदर्भाच्या काही भागांत किमान तापमानात सरासरीच्या तुलनेत चांगलीच घट झाली. मराठवाडा आणि मध्य महाराष्ट्रात सरासरीच्या तुलनेत किंचित घट झाली आहे. कोकणातील किमान तापमानात चढउतार सुरू आहे. राज्याच्या उर्वरित भागांत किमान तापमान सरासरीच्या जवळपास होते. पुणे परिसरात येत्या रविवारपर्यंत (ता. 31) पुणे परिसरात आकाश मुख्यत निरभ्र राहील.

सध्या राज्यात हवामान कोरडे आहे. त्यामुळे गेल्या काही दिवसांपासून थंडी हळूहळू वाढू लागली आहे. विदर्भातील नागपूर येथील किमान तापमानात सरासरीच्या तुलनेत पाच अंशांनी घटले. गोंदिया, वर्धा येथील किमान तापमानही सरासरीच्या तुलनेत चार अंशांनी घटले. उर्वरित भागातही किमान तापमानात एक ते तीन अंशांनी घटले असून विदर्भात थंडीने चांगलीच हुडहुडी भरविली आहे.

कोकणातील मुंबई, डहाणू, भिरा येथील किमान तापमान सरासरीच्या तुलनेत एक अंशाने घटले आहे. अलिबाग, रत्नागिरी येथील किमान तापमान सरासरीच्या तुलनेत एक अंशाने वाढले आहे. मध्य महाराष्ट्रातील नाशिक, महाबळेश्वर, नगर, सातारा येथील किमान तापमानात सरासरीच्या तुलनेत एक अंशाने घटले. पुणे, कोल्हापूर, मालेगाव, सांगली येथील किमान तापमानात सरासरीच्या तुलनेत एक अंशाने वाढले. मराठवाड्यातील औंरगाबाद, परभणी, नांदेड येथील किमान तापमानात सरासरीच्या तुलनेत एक ते चार अंशांनी घटले असल्याचे हवामान विभागाच्या सूत्रांनी सांगितले.

बुधवारी (ता. 27) सकाळी आठ वाजेपर्यंतचे किमान तापमान व कंसात झालेली घट (अंश सेल्सिअसमध्ये) ः

मुंबई (सांताक्रूझ) 16.6 (-1), अलिबाग 18.4(1), रत्नागिरी 20.3 (1), डहाणू 16.8 (-1), भिरा 15.0 (-2), पुणे 10.8, जळगाव 9.0 (-2), कोल्हापूर 16.1 (1), महाबळेश्वर 12.0 (-1), मालेगाव 10.5, नाशिक 8.2 (-1), सांगली 14.1 (1), सातारा 12.3 (-1), सोलापूर 15.0, औरंगाबाद 10.1 (-1), ,परभणी 9.5 (-4), नांदेड 10.0 (-2), उस्मानाबाद 8.6, अकोला 9.4 (-4), अमरावती 11.2(-3), बुलडाणा 12.0(-2), चंद्रपूर 10.8 (-3), गोंदिया 8.1 (-4), नागपूर 7.8 (-5), वर्धा 9.1 (-4), यवतमाळ 12.0 (-2).

इतर अॅग्रो विशेष
समजून घ्या पाण्याचे महत्त्वपाण्याची समस्या शाश्वत पद्धतीने सोडवण्यासाठी...
जनावरांची तडफड, लोकांचा पाण्यासाठी टाहोसोलापूर ः राज्य शासनाने दुष्काळ जाहीर करून जवळपास...
‘गुणनियंत्रण’विरोधात विखेंचेही पत्र पुणे : राज्याच्या कृषी खात्यातील गुण नियंत्रण...
राज्य बॅंकेकडून साखरेच्या मूल्यांकनात...कोल्हापूर : केंद्राने खुल्या साखरेचे किमान विक्री...
राज्यात उद्या हलक्या पावसाची शक्यतापुणे: वेगाने बदलणारे वातावरण, वाऱ्यांच्या...
प्रेरणा प्रकल्पातून ९० हजार शेतकऱ्यांचे...मुंबई : राज्यातील शेतकरी आत्महत्याग्रस्त १४...
कांद्याच्या ढिगाऱ्यात बुजवून घेत...नाशिक  : कमी पाऊस, दुष्काळी परिस्थिती व...
एका संदेशाने आयुष्य केले बळकटटाकळी ढोकेश्वर, जि. नगर  ः काही तासांपूर्वी...
'दावणीलाही नाही आणि छावणीत नाही; जनावरे...सोलापूर :  मागील सरकारच्या काळात छावणीत...
वनहक्काच्या ४३ हजारांहून अधिक...मुंबई : राज्यात मागील अवघ्या तीन महिन्यांत...
खानदेशात मका दरात वाढजळगाव ः खानदेशातील प्रमुख बाजार समित्यांमध्ये मक्...
पशूपालन अन्‌ गूळनिर्मितीतून शेती केली...राशिवडे (ता. राधानगरी, जि. कोल्हापूर) येथील...
दुष्काळातही भाजीपाला शेतीतून मिळविले...लातूर जिल्ह्यातील उमरगा (यल्लादेवी) येथील माळी...
रयत राजाची अन् राजा रयतेचाहिंदवी स्वराज्य संस्थापक, रयतेचा लोककल्याणकारी...
थकीत एफआरपीचा तिढासा  खरेच्या किमान विक्री मूल्यात प्रतिक्विंटल २००...
भारतीय लष्कराने घेतला बदला; पुलवामा...जम्मू : पुलवामात सीआरपीएफ जवानांवरील हल्ल्यानंतर...
आदिवासींचं श्रद्धास्थान असलेल्या कचारगड...कचारगड, जि. गोंदिया : मध्य भारतातील सर्व आदिवासी...
मराठवाड्यात दीड महिन्यात ७७...औरंगाबाद : मराठवाड्यातील शेतकरी आत्महत्यांचे सत्र...
चार वर्षांत संत्रा उत्पादकांची दखलच...नागपूर : कोट्यवधी रुपयांची उलाढाल असलेल्या आणि...
सांगली जिल्ह्यातील सहा कारखाने...सांगली  ः सहा कारखान्यांनी एकरकमी एफआरपी...