agriculture news in marathi, weekly polultry analysis | Agrowon

संतुलित पुरवठ्यामुळे एेन नवरात्रात बाॅयलर तेजीत
दिपक चव्हाण
सोमवार, 25 सप्टेंबर 2017
आठवडाभरात ब्रॉयलर्सच्या बाजारात जोरदार वाढ झालीय. चालू आठवड्यात विजयादशमीमुळे बाजारात पुरवठा वाढेल, पण मागणीही चांगली राहील, असे तज्ज्ञांनी म्हटले आहे.
 
नाशिक विभागात शनिवारी ( ता. २३)  ८० रु. प्रतिकिलोने ब्रॉयलर पक्ष्यांचे लिफ्टिंग झाले. श्रावणानंतर बाजाराने प्रथमच ८० चा टप्पा गाठला आहे. श्रावण ते नवरात्रीच्या कालावधीत अलीकडील वर्षांच्या सरासरी भावाच्या तुलनेत यंदा बाजार जास्त तुटला नाही. बाजार खाली येताच वेगाने सुधारणा झाली आहे.
 
आठवडाभरात ब्रॉयलर्सच्या बाजारात जोरदार वाढ झालीय. चालू आठवड्यात विजयादशमीमुळे बाजारात पुरवठा वाढेल, पण मागणीही चांगली राहील, असे तज्ज्ञांनी म्हटले आहे.
 
नाशिक विभागात शनिवारी ( ता. २३)  ८० रु. प्रतिकिलोने ब्रॉयलर पक्ष्यांचे लिफ्टिंग झाले. श्रावणानंतर बाजाराने प्रथमच ८० चा टप्पा गाठला आहे. श्रावण ते नवरात्रीच्या कालावधीत अलीकडील वर्षांच्या सरासरी भावाच्या तुलनेत यंदा बाजार जास्त तुटला नाही. बाजार खाली येताच वेगाने सुधारणा झाली आहे.
 
बाजाराच्या पुढील वाटचालीसंदर्भात महाराष्ट्र पोल्ट्री ब्रिडर्स वेल्फेअर असोसिएशनचे सचिव डॉ. पी. जी. पेडगावकर म्हणाले, ‘‘गेल्या काही वर्षांत नवरात्रीत सातत्याने मंदीत राहणारा बाजार यंदा तेजीत आहे. त्याचे प्रमुख कारण म्हणजे, उत्पादकांनी नुकसान टाळण्यासाठी प्लेसमेंट करताना सावध पावले उचलली. याशिवाय, पक्ष्यांच्या विक्रीत शिस्तबद्ध सातत्य ठेवले आहे. तेजीबाबत चुकीच्या धारणा ठेवून माल रोखण्याचे प्रकार झाले नाहीत. त्याचे चांगले परिणाम आता दिसत आहेत.’’ 
 
‘‘पुढील काळात बाजाराची वाटचाल दोन प्रमुख घटकांवर ठरणार आहे. एक, सध्याच्या तेजीमुळे उत्पादकांत काहीसा अतिआत्मविश्वास येणे आणि दुसरे, तापमान खाली येण्यामुळे पक्ष्यांचे आरोग्य चांगले राहून वजनरूपी पुरवठा वाढणे, या टाळता येऊ शकणाऱ्या दोन बाबी बाजाराच्या दृष्टीने निर्णायक ठरू शकतात,’’ असे डॉ. पेडगावकर म्हणाले.
 
सध्या नवरात्रीमुळे किरकोळ विक्री मंदीत आहे, पण संस्थात्मक (हॉटेल) विक्री जोरदार आहे, असे निरीक्षण नाशिकचे पोल्ट्री उद्योजक डॉ. अनिल फडके यांनी नोंदवले. येत्या काळात दसरा सण डोळ्यांसमोर ठेऊन झालेली प्लेसमेंट बाजारात येईल. अर्थातच पुरवठा जास्त असेल पण मागणीही चांगली राहील, असेही ते म्हणाले.
 
एकादिवसीय वयाच्या पिलांचे (चिक्स) भाव पुन्हा उच्चांकी भावपातळीवर पोचले आहेत. प्रतिनगामागे ४१ रुपयांचा आकडा पार होताना दिसत आहे. सध्याच्या चिक्सच्या भावानुसार ओपन फार्मर्सचा उत्पादन खर्च प्रतिकिलो ६८ रुपयांच्या पार जाताना दिसत आहे. सध्याची प्लेसमेंट ४० दिवसांनी नोव्हेंबरच्या पहिल्या आठवड्यात येईल. 
 
सध्याच्या प्लेसमेंटबाबात खडकेश्वरा हॅचरिजचे संचालक संजय नळगीरकर म्हणाले, ‘‘पिलांचा पुरवठा मागणीपेक्षा कमी असल्याने त्यांचे भाव मोठ्या तेजीत आहेत. पिलांच्या वाढत्या दरामुळे उत्पादन खर्चात वाढ होत असून, या पार्श्वभूमीवर सध्याच्या प्लेसमेंटला मिळणारा मोबदला कितपत किफायती ठरेल, हे येत्या काळातील वातावरण कसे राहील, यावर अवलंबून आहे. ऑक्टोबर हीट, तापमानातील चढ-उतार, नोव्हेंबरमध्ये थंडी वाढली तर वजन लवकर येणे, अशा अनेक बाबी पुढील दिवसांत प्लेसमेंट करताना शेतकऱ्यांना लक्षात ठेवाव्या लागतील.’’
 
- दीपक चव्हाण.
 
पोल्ट्री दर
प्रकार भाव परिमाण बाजारपेठ
ब्रॉयलर ८० प्रतिकिलो नाशिक
अंडी ३४५ प्रतिशेकडा पुणे
चिक्स ४१ प्रतिनग पुणे
हॅचिंग एग्ज ३० प्रतिनग मुंबई
मका १५०० प्रतिक्विंटल सांगली
सोयामिल २५,००० प्रतिटन इंदूर

 

 
 

इतर अॅग्रोमनी
नोंदी ठेवून करा शेतीचे नियोजनशेतीच्या नोंदी या अनुभव समृद्ध करण्यासाठी कामी...
दुधावर प्रक्रिया करणाऱ्या कंपन्यांना ‘...देशात दुधाचा पुरवठा वाढला असून केवळ दूध विकणाऱ्या...
नाबार्ड पाच हजार `एफपीओं`चे उद्दिष्ट...``नाबार्डने शेतकरी उत्पादक संघ (एफपीओ) स्थापन...
सेंद्रिय भातशेतीसोबतच राबविली थेट...पुणे जिल्ह्यातील भोयरे (ता. मावळ) येथील रोहिदास...
धान्यांतील पुरवठा वाढ संतुलित होणार?केंद्रीय कृषी मंत्रालयाच्या १३ जुलैच्या...
सोयाबीन, कापूस, हळदीत घटएनसीडीईएक्समध्ये या सप्ताहात साखर व हळद वगळता...
सोयाबीन, कापूस अन् हळदीत घटएनसीडीइएक्समध्ये या सप्ताहात कापूस व हळद वगळता...
दुष्काळ, आपत्तीवर चेळकर कुटुंबीयांची...लातूर जिल्ह्यातील किल्लारी येथील चेळकर...
खतांच्या किमतीत २० टक्के वाढकच्च्या मालाच्या किमतीत वाढ झाल्यामुळे...
रुपयाची घसरण निर्यातीसाठी लाभदायीसध्या डॉलरच्या तुलनेत रुपया आणखी कमजोर होऊन...
साखर कारखान्यांकडील थकीत रकमेत तीन हजार...केंद्र सरकारने साखर उद्योगाला दिलासा...
साखरेच्या दरात ३.५ टक्के वाढकेंद्र सरकारने साखर कारखान्यांना जुलै महिन्यात...
सोयाबीन, हरभऱ्याच्या फ्युचर्स भावात घटएनसीडीईएक्समध्ये या सप्ताहात कापूस व हळद वगळता...
सोयाबीनच्या फ्युचर्स भावात घटएनसीडीइएक्स मध्ये या सप्ताहात कापूस, मका व साखर...
सोयाबीनच्या फ्युचर्स भावात नरमाईएनसीडिएक्स मध्ये या सप्ताहात कापूस, साखर, हळद,...
तूर उत्पादकांना दोन हजार बोनस न दिल्यास...अमरावती ः तुरीची शासकीय हमीभाव खरेदी सुरू करावी...
सोयाबीनमध्ये तेजीची शक्यता नाहीदेशातील प्रमुख बाजारपेठांमध्ये सध्या सोयाबीनचे दर...
सीमाबंदीमुळे टोमॅटोचा लाल चिखलकेंद्रीय कृषी मंत्रालयाने ३० मे रोजी...
दूध दर कमी असतानाही मूल्यवर्धित...वाढता उत्पादन खर्च, तुलनेने कमी झालेले दूध दर...
सोयाबीन, मका, हरभऱ्यात नरमाई; साखर, हळद...एनसीडीईएक्समध्ये या सप्ताहात कापूस व साखर वगळता...