agriculture news in marathi, weekly polultry analysis | Agrowon

ब्रॉयलर्सच्या बाजारभावात चढ-उतार, सुधारणा अपेक्षित
दिपक चव्हाण
सोमवार, 26 फेब्रुवारी 2018
सध्याच्या पातळीपेक्षा अधिक खाली बाजार जाणार नाही. शेजारी राज्यांत चांगली परिस्थिती आहे. त्यामुळे महाराष्ट्रातील बाजारातही सुधारणा होण्यास वाव आहे.
- डॉ. अजय देशपांडे, पोल्ट्री उद्योजक, पुणे.
ब्रॉयलर्सच्या बाजारात सध्या अस्थिरता दिसत आहे. तथापि, ६० रुपये प्रतिकिलोच्या खाली बाजार जाताच किरकोळ खप वाढतोय. महाराष्ट्राच्या शेजारी राज्यांत बाजार उंचावले आहेत. यामुळे येत्या दिवसांत राज्यातील बाजारभावांत सुधारणा होण्यास वाव आहे.
 
गेल्या आठवड्यात बेंचमार्क नाशिक बाजारात ५५ प्रतिकिलो दराने लिफ्टिंग झाले. मागील आठवड्यातील ६५ रुपये पातळीवरून बाजार पुन्हा दहा रुपयांनी उतरला आहे. पुणे विभागात अंड्यांचे बाजारभाव देखील गेल्या आठवड्यातील पातळीवरुन सुमारे दहा टक्क्यांनी नरमले आहेत.
 
पुणेस्थित योजना पोल्ट्री संचालक राजू भोसले म्हणाले, की गेल्या महिनाभरापासून रविवारचा चिकनचा खप रोडावत चालल्याचे निरीक्षण आहे. सरासरी खपाच्या तुलनेत १५ टक्के कमी विक्री होत आहे. महिनाभरापूर्वी रविवारी या सर्वाधिक खपाच्या दिवशी दुकानासमोरील रांगा हटत नव्हत्या. मात्र, चालू महिन्यातील सर्व रविवारी खरेदीत नेहमीसारख्या रांगा दिसल्या नाहीत. अजून उन्हाळ्याचा प्रभाव नसला तरी परीक्षांचा हंगाम सुरू झाल्यामुळे एकूण संस्थात्मक खपात घट येऊ शकते." योजना पोल्ट्रीद्वारेत थेट चिकन विक्री केली जाते.
 
पोल्ट्री उद्योजक पांडुरंग सांडभोर म्हणाले, की पुण्यासह महाराष्ट्रात चिकन विक्री करणाऱ्या दुकानांची संख्या वाढली आहे. त्यामुळे विक्री विभागली गेलीय. या प्रक्रियेत दुकानावरची विक्री कमी दिसत असली तरी ठोक विक्रीत नेहमीप्रमाणे माल जातोय. मधल्या काळात काही नकारात्मक बातम्यांमुळे विक्री कमी झाली होती. मात्र, आता खप पूर्ववत झाला आहे. 
 
ते म्हणाले, की मागील आठवड्यातील बाजारातील वाढ-घट ही मागणी पुरवठ्याच्या खेळामुळे झाली आहे. यातील सकारात्मक बाब अशी की, किरकोळ विक्रीतील स्पर्धेमुळे मोठ्या शहरातील बोर्ड रेट हलताना दिसत आहेत. ज्या ज्या वेळी लिफ्टिंग रेट ६० रुपये प्रतिकिलोच्या खाली जातो, त्या त्या वेळी किरकोळीचे दर कमी होतात. त्या माध्यमातून चिकनचा खप १५ ते २० टक्के वाढतो. येत्या दिवसांत बाजारभावात पुन्हा सुधारणा होईल.
 
फलटण विभागात देशी (डीपी) कोंबडीचा लिफ्टिंग दर ११० रुपये प्रतिकिलो आहे. ग्रामीण भागात जत्रांचा हंगाम सुरू झाला आहे. यामुळे देशी पक्ष्यांचा खप आणि दर टिकून राहतील किंवा त्यात सुधारणाही होऊ शकेल, असे श्री. सांडभोर यांनी सांगितले.
 
अमरावती येथील आगत हॅजरिजचे संचालक सुनील झोंबाडे म्हणाले, की विदर्भातील ग्रामीण व निमशहरी भागातील किरकोळ विक्री नेहमीप्रमाणे सुरळीत आहे. नाशिक विभागातील दर कमी झाल्याने त्याचा प्रभाव विदर्भातील बाजारावरही झाला आहे. सध्याच्या मंदीमुळे नवे प्लेसमेंट थोडे घटले आहे. याशिवाय अमरावती विभागात कमी प्रमाणात पाऊस झाला असून, त्या अनुषंगाने विदर्भात भूजलाची उपलब्धता कमी राहणार असल्यानेही प्लेसमेंटवाढीबाबत शेतकरी उत्साही नाहीत.

 

प्रकार भाव परिमाण बाजारपेठ
ब्रॉयलर ५५ प्रतिकिलो नाशिक
चिक्स ३५ प्रतिनग पुणे
हॅचिंग एग्ज ३३.५ प्रतिनग मुंबई
अंडी ३७५ प्रतिशेकडा पुणे
मका ११५० प्रतिक्विंटल देवळा
सोयामील ३१७५१ प्रतिटन इंदूर

 

 

टॅग्स

इतर ताज्या घडामोडी
पुणे जिल्ह्यातील सात साखर कारखान्यांचा...पुणे ः पुणे जिल्ह्यातील साखर कारखान्यांचा ऊस गाळप...
उष्णतेचे कारण देऊन पपईच्या दरात अडवणूकनंदुरबार : जिल्ह्यातील पपई उत्पादकांना अपेक्षित...
नांदेड जिल्ह्यात साडेअकराशे हेक्टरवर...नांदेड ः नांदेड जिल्ह्यात गुरुवार (ता. १४) पर्यंत...
नगर जिल्हाधिकाऱ्यांच्या तपासणी मोहिमेची...नगर : जनावरांच्या छावण्या सुरू केल्या. मात्र,...
वऱ्हाडात हळद काढणीला सुरवातअकोला : वऱ्हाडात दुष्काळी परिस्थिती, तसेच पाणी...
परभणीतील पशुवैद्यक विद्यार्थ्यांचे भीक...परभणी ः पशुसंवर्धन विभागांतर्गंत पशुधन सहायकांना...
नाशिक जिल्ह्यात बिबट्यांचा धुमाकूळनाशिक : नाशिक शहर व जिल्ह्यात बिबट्याच्या...
सोलापूर कृषी विज्ञान केंद्राला...सोलापूर : भारतीय कृषी व संशोधन परिषदेअंतर्गत...
नगर जिल्ह्यात सव्वा कोटी टन उसाचे गाळपनगर ः जिल्ह्यातील २३ सहकारी व खासगी साखर...
सोलापूर जिल्हा दूध संघाचे पैसे...सोलापूर : दूध अनामत रक्कम, पशुखाद्य व गायी...
शेतकऱ्यांचे नाही, तर श्रीमंतांचे...प्रयागराज, उत्तर प्रदेश : "गेल्या काही...
नगरला चिंच प्रतिक्विंटल ८३०० ते ११९००...नगर ः नगर बाजार समितीत गेल्या आठवडाभरात भुसार...
शिरवळला पशुवैद्यकीय विद्यार्थ्यांचे...सातारा : सहायक पशुधन विकास अधिकाऱ्यांच्या...
स्वाभिमानीसोबत दिलजमाईसाठी बुलडाण्यात...बुलडाणा ः लोकसभा निवडणुकीसाठी राष्ट्रवादीने...
जळगावात गव्हाची आवक रखडत; दर स्थिरजळगाव ः जिल्ह्यात गव्हासाठी प्रसिद्ध असलेल्या...
नाशिकमध्ये हिरव्या मिरचीची आवक टिकून;...नाशिक : नाशिक कृषी उत्पन्न बाजार समितीमध्ये...
I transfer my JOSH to you...पणजी : गोव्याचे मुख्यमंत्री मनोहर पर्रीकर यांनी...
जीवलग मित्र गेला...मनोहर गेला. हे जरी सत्य असले तरी ते मान्य होणे...
जबरदस्त, प्रभावी इच्छाशक्तीचे केंद्र :...लहानपणापासूनच कुठलीही गोष्ट एकदा ठरवली की, तो ती...
तळपत्या सूर्याचा अस्त !राजकारणी माणसाला यश आणि अपयशाचा सामना रोजच करावा...