agriculture news in marathi, weekly polultry analysis, pune, maharashtra | Agrowon

वाढत्या पुरवठ्यामुळे ब्रॉयलर्सचा बाजार दबावातच
दिपक चव्हाण
मंगळवार, 21 नोव्हेंबर 2017
डिसेंबरअखेरपर्यंत बाजार फारसा किफायती राहणार नाही. पण, जानेवारी ते मार्च या ९० दिवसांतील सरासरी दर चांगला राहील व चालू तिमाहीतील तोटा भरून निघण्यास मदत होईल.
- डॉ. अजय देशपांडे, पोल्ट्री उद्योजक, पुणे.

सध्या ब्रॉयलर्स पक्ष्यांना थंडीमुळे जोरदार उठाव असला तरी मागणीतील वाढीपेक्षा पुरवठ्यातील वाढ विविध कारणांमुळे अधिक राहत आहे. त्यामुळे बाजारभाव दबावात आहेत. दुसरीकडे अंड्यांचे दर नव्या उच्चांकावर पोचले आहेत.

शनिवारी (ता. १८) बेंचमार्क नाशिक विभागात अडीच किलो वजनाच्या ब्रॉयलर्स पक्ष्यांना ५५ रुपये तर तीन किलो ब्रॉयलर पक्ष्यांना ५१ रुपयांपर्यंत दर मिळाला. पुणे विभागात अंड्यांचे फार्म लिफ्टिंग दर आजवरच्या उच्चांकी अशा ५६० रुपये प्रतिशेकडा या नव्या उच्चांकावर पोचले आहेत.
 
ब्रॉयलर्स बाजारासंदर्भात पुण्यातील पोल्ट्री उद्योजक डॉ. अजय देशपांडे म्हणाले, की सध्या प्लेसमेंटच्या रुपाने दहा टक्के तर वजनांच्या रुपाने वीस टक्के अशी तीस टक्के उत्पादनवाढ बाजारात दिसत आहे. दरवर्षी ब्रॉयलर्सची मागणी आठ ते दहा टक्क्यांनी वाढत असते. सध्या ऐन हंगामात मागणीपेक्षा उत्पादनवाढ जास्त झाल्यामुळे बाजारभाव दबावात आहे. मार्गशीर्ष महिन्यामुळे घरगुती मागणीत घट होईल. तथापि या काळात पुरवठा संतुलित ठेवण्याचे नियोजन केले आहे. 
 
डॉ. देशपांडे म्हणाले, की नोव्हेंबर ते फेब्रुवारी या काळात हिवाळ्यातील अनुकूलतेमुळे ब्रॉयलर पक्ष्यांची वजने अपेक्षेपेक्षा चांगली येतात. त्या माध्यमातून बाजारात पुरवठा वाढतो. तथापि, अतिथंडीमुळे ब्रडिंग काळात लहान पिलांची मरतूक मोठ्या प्रमाणावर होत असते. खास करून उत्तर भारतात उत्पादन कमी होत असते. त्यामुळे हिवाळा हा ब्रॉयलर पोल्ट्रीसाठी सर्वस्वी अनुकूल असतो, असे म्हणणे सयुक्तिक ठरणार नाही. लहान पक्ष्यांच्या दृष्टीने हा काळ प्रतिकूल असतो. त्यामुळे फेब्रुवारी-मार्च या काळात उत्पादन नियंत्रित होत असते.
 
 डिसेंबरअखेरपर्यंत बाजार फारसा किफायती राहणार नाही. पण, जानेवारी ते मार्च या ९० दिवसांतील सरासरी दर चांगला राहील व चालू वर्षाअखेरीतील तिमाहीतील तोटा भरून निघण्यास मदत होईल. नव्या वर्षातील पहिल्या तिमाहीत संस्थात्मक उत्पादन वाढण्याला फार मोठी जागा नाही. या एका दिवसांच्या पिलांच्या पुरवठ्यात मोठी वाढ दिसत नाही. इच्छा असूनही प्लेसमेंट वाढवता येणार नसल्यामुळे उत्पादन संतुलित राहील, असे डॉ. देशपांडे यांनी सांगितले.
 
हिवाळ्यातील मागणीमुळे या वर्षी अंड्यांच्या भावाने नवा उच्चांक गाठला आहे. बाजाराने प्रथमच प्रतिशेकडा पाचशेचा टप्पा पार करून ५६० इतक्या विक्रमी भावाची नोंद केली आहे. या वेळी कच्चा माल स्वस्त मिळत असल्याने प्रथमच मार्जिनमध्येही उच्चांकी वाढ झाली आहे. बाजारभावासंदर्भात अमरावती येथील
 
ज्येष्ठ लेअर उद्योजक रवींद्र मेटकर म्हणाले, की अंड्यांना उच्चांकी भाव मिळत असला तरी सध्याच्या रेटमध्ये मालास उठाव नाही. तीन-चार दिवसांचा माल पडून आहे. ट्रेडर्सकडून सध्याच्या भावात मोठी मागणी नसून, किरकोळ विक्रीत घट होत असल्याचे दिसते."
 
प्रकार भाव परिमाण बाजारपेठ
ब्रॉयलर ५५ प्रतिकिलो नाशिक
अंडी ५६० प्रतिशेकडा पुणे
चिक्स ४० प्रतिनग पुणे
हॅचिंग एग्ज ३३.५ प्रतिनग मुंबई
मका १२५० प्रतिक्विंटल सांगली
सोयामिल २१,००० प्रतिटन इंदूर
 
टॅग्स

इतर अॅग्रो विशेष
परभणी, राहुरी कृषी विद्यापीठांना पाच...परभणी ः भारतीय कृषी संशोधन परिषदअंतर्गत कृषी...
कोकण, मध्य महाराष्ट्रात हलक्या ते मध्यम...पुणे : पावसाला पोषक हवामान झाल्याने आठवड्याच्या...
‘आरएसएफ’च्या मूळ सूत्रात घोडचूकपुणे: शेतकऱ्यांना हक्काचा ऊसदर मिळवून देणाऱ्या...
साखर कारखान्यांची धुराडी आजपासून पेटणारपुणे: राज्यातील साखर कारखान्यांच्या गाळप हंगामाला...
सहकारी बॅंकांना एकाच छताखाली आणणार :...पुणे ः सहकार क्षेत्राला ‘अच्छे दिन’ आणण्यासाठी...
चला मिरचीच्या आगारात राजूरा बाजारात...मिरचीचे आगार अशी ओळख अमरावती जिल्ह्यातील राजूरा...
‘एसआरटी’ तंत्राने मिळाली उत्पादनासह...पेंडशेत (ता. अकोले, जि. नगर) या कळसूबाई शिखराच्या...
तुटवड्यामुळे कांद्याच्या दरात सुधारणानवी दिल्ली ः देशातील महत्त्वाच्या कांदा उत्पादक...
कृषी विद्यापीठांचे संशोधन आता एका...मुंबई ः राज्यातील चारही कृषी विद्यापीठांनी केलेले...
महाराष्ट्रातील दुष्काळग्रस्तांना...शिर्डी: महाराष्ट्रात यंदा पाऊस कमी झाला....
कोल्हापुरी गुळाचा गोडवा यंदा वाढणारकोल्हापूर : यंदाच्या पावसाळ्यात गुजरात,...
कमी दरांवरून जिनर्सचा ‘सीसीआय’च्या...जळगाव ः भारतीय कापूस महामंडळाच्या (सीसीआय) कापूस...
होय, आम्ही बदलू शेतीचे चित्र... ‘शाळेत सुरू असलेल्या कृषी शिक्षण अभ्यासक्रमातून...
‘पंदेकृवि’च्या सुवर्णमहोत्सवी वर्षाचा...अकोला :  डॉ. पंजाबराव देशमुख कृषी विद्यापीठ...
शेतीपासून जितके दूर जाल तितके दुःख...पुणे : शेतीशी जोडलेली माणसं ही निसर्ग आणि मानवी...
नाबार्डच्या व्याजदरातच जिल्हा बँकांना...मुंबई : राज्य बँकेला नाबार्डकडून मिळणाऱ्या...
कोकण, पश्‍चिम महाराष्ट्रात काही ठिकाणी...पुणे : कोकण अाणि पश्‍चिम महाराष्ट्रात काही ठिकाणी...
अकोला, बुलडाणा जिल्ह्यांत कोरडवाहू...अकोला : अकोला आणि बुलडाणा जिल्ह्यात कोरडवाहू...
अठरा गावांनी केली कचऱ्यापासून गांडूळखत...गावे आणि वाडीवस्त्याही स्वच्छतेत अग्रभागी...
‘सीसीआय’च्या खरेदीला दिवाळीत मुहूर्तमुंबई : देशातील महत्त्वाच्या कापूस उत्पादक...