agriculture news in Marathi, weekly Poultry analysis, Maharashtra | Agrowon

दक्षिणेत बाजार सावरला; महाराष्ट्रातही सुधारणा अपेक्षित
दिपक चव्हाण
सोमवार, 12 फेब्रुवारी 2018

मधल्या काळात व्हॉट्सअॅपद्वारे चिकनबाबत अपप्रचार पसरवले गेल्याने खप कमी झाला होता. मात्र, त्यातील फोलपणा ग्राहकांच्या लक्षात आला असून, आता विक्री पूर्ववत होताना दिसत आहे.
- डॉ. अजय देशपांडे, पोल्ट्री उद्योजक, पुणे.

विविध कारणांमुळे मंदीत असलेला ब्रॉयलर्सच्या बाजाराने गेल्या आठवड्यात तिमाहीतील नीचांकी पातळी गाठली. मात्र, दक्षिण भारतासह महाराष्ट्रामध्ये कमी झालेला खप आता पूर्ववत होत असून, बाजारभावातही सुधारणा दिसेल, असे तज्ज्ञांनी म्हटले आहे.

शनिवारी (ता. १० ) रोजी बेंचमार्क नाशिक विभागातील दर ५५ रु. प्रतिकिलोपर्यंत खाली गेले. गेल्या पंधरवड्यापासून बाजारभाव सातत्याने दबावात राहत आहेत. या संदर्भात, पुण्यातील पोल्ट्री उद्योजक डॉ. अजय देशपांडे म्हणाले, की आठवड्याच्या पहिल्या दिवशी ( ता. ११) एकादशी आणि मंगळवारी (ता. १३) महाशिवरात्री आहे. यामुळे विक्रीमध्ये थोडी नरमाई दिसेल. मात्र, दक्षिण भारतातील बाजारभाव सुधारत आहे. तेथे मागणीच्या प्रमाणात उत्पादन नियोजनाचा प्रभाव चालू आठवड्यापासून दिसेल. बुधवारपासून खप आणि बाजारभाव दोन्हींत सुधारणा अपेक्षित आहे.

वातावरण अजून तापत नसून, पक्ष्यांची वजने वेगाने येत आहेत. तशातच प्रतिकूल हवामानामुळे पक्ष्यांची विक्री वाढतेय. त्यामुळे बाजारभाव दबावात होते. मधल्या काळात व्हॉट्सअपद्वारे चिकनबाबत अपप्रचार पसरवले गेल्याने खप कमी झाला होता. मात्र, त्यातील फोलपणा ग्राहकांच्या लक्षात आला असून, आता विक्री पूर्ववत होताना दिसत आहे. येत्या महिन्यांत कर्नाटकातील निवडणुकांमुळे चिकनच्या खपाला चालना मिळणार आहे. पुढे होळी असल्यामुळे बाजाराचे सेटिंमेंट खपवाढीच्या दृष्टीने पूरक ठरतील.

महाराष्ट्रात चिक्सचे दर खाली आले असले, तरी प्रथिन स्रोतांचे दर वाढल्याने ओपन फार्मर्स द्विधा मनस्थितीत आहेत. यामुळे चालू दिवसांत प्लेसमेंटचा वेग कमी राहील, असे डॉ. देशपांडे म्हणाले.

कोमरला समूहाचे संचालक कृष्णचरण म्हणाले, विविध कारणांमुळे बाजारभाव दबावात होते आणि विक्री वाढली होती. लहान माल मोठ्या प्रमाणावर विकला गेला आहे. मात्र गेल्या आठवड्याअखेर बाजारात सुधारणा दिसत आहे. हैदराबाद बाजारात ६५ पर्यंत सुधारणा झाली आहे. बंगळूर बाजारही याच मार्गावर आहे. यामुळे महाराष्ट्रातील बाजारातही वाढ अपेक्षित आहे. सध्या सोयामील व अन्य प्रथिन स्रोत महाग झाले असून, त्याने खाद्यावरील आणि पर्यायाने एकूण उत्पादन खर्चात मोठी वाढ झाली आहे.

या दरम्यान एका दिवसाच्या पिलांचे भाव उच्चांकी ४७ रु. प्रतिनग वरून ३७ रु.पर्यंत खाली आले आहेत. सध्याच्या पातळीवर पिलांचे बाजारभाव स्थिरावतील. त्यामुळे शेतकऱ्याला थोडा दिलासा मिळेल. तथापि, चिक्सचे अजून खाली जाण्यासाठी ऑगस्टपर्यंत वाढ पाहावी लागेल. 

गुजरात राज्यातील मार्केटबाबत आणंदस्थित पोल्ट्री उद्योजक अनुभाई पटेल म्हणाले, ‘शनिवारी ता. १० रोजी ६१ रु. प्रतिकिलोने लिफ्टिंग झाले. वजन आणि संख्यारूपी पुरवठा फार नाही. मात्र, खप कमी झाला आहे. पक्ष्यांची वजने सव्वादोन किलोच्या आत नियंत्रणात आहेत. सध्याचे वातावरण प्रतिकूल असल्याने विक्रीचा अधिक दिसत आहे. चालू आठवड्यात प्लेसमेंटचे प्रमाण घटणार आहे. कारण, आजपासून पुढे ४० दिवसांनी तयार होणार माल हा चैत्र नवरात्रीत बाजारात येईल. हा कालावधीत गुजरातेत उपवास पाळले जातात.

१५ मार्चनंतरचा परीक्षांचा कालावधी आणि चिक्सचे महाग दर आणि सध्याची ब्रॉयलरची मंदी यामुळे देखील प्लेसमेंटमध्ये घट दिसत आहे. या दरम्यान, सध्याच्या कमी वजनाच्या मालाच्या विक्रीमुळे होळी आधी बाजारात सुधारणा दिसण्याची शक्यता आहे.’
 

प्रकार    भाव   परिमाण   बाजारपेठ
ब्रॉयलर   ५५   प्रतिकिलो      नाशिक
हैदराबाद ३८०    प्रतिशेकडा          पुणे
चिक्स     ३७    प्रतिनग  पुणे
अंडी  ३५५       प्रतिशेकडा  पुणे
हॅचिंग एग्ज     ३४.५   प्रतिनग   मुंबई
मका     १०६०     प्रतिक्विंटल     लासलगाव
सोयामील   ३१००० प्रतिटन        इंदूर

     
   
  

  

 

इतर अॅग्रो विशेष
आज संत तुकाराम बीजदेहू, जि. पुणे  : जगद्‌गुरू संत श्री तुकाराम...
उज्ज्वल भविष्याचा सर्वोत्तम मार्ग ‘जल...भारत जलसंकट समस्येचा सामना करत आहे. वाढती...
जल‘मुक्त’ शिवारवॉ टर ग्रीडच्या माध्यमातून मराठवाड्यातील सर्व...
राज्यात शंभर लाख टन साखर उत्पादनभवानीनगर, जि. पुणे ः राज्यात ३० टक्के हुमणीग्रस्त...
मध्य महाराष्ट्र, मराठवाड्यात अवकाळीची...पुणे : रविवारी, सोमवारी पुन्हा काही अंशी...
जैविक कीड-नियंत्रणासाठी उपयुक्त बुरशीगेल्या काही वर्षांमध्ये कीडनियंत्रणासाठी...
केशर आंबा फळगळीची कारणे अन् उपाययोजना  सद्यःस्थितीत हवामान आंबा झाडांसाठी...
रसदार उन्हाळी काकडी अर्थकारणाला देतेय...जळगाव जिल्ह्यात पाचोरा, जामनेर, यावल, जळगाव आदी...
बॅंक अधिकारी झाला पूर्णवेळ प्रयोगशील...विशाखापट्टण व त्यानंतर हैद्रराबाद येथे खासगी...
स्मार्ट प्रकल्पाचा केंद्रबिंदू शेतमाल ‘...पुणे : राज्यातील बहुतेक शेतकऱ्यांना आता पिकवायचे...
पूर्व विदर्भात गारपीटपुणे  ः दोन दिवसांपूर्वी मध्य भारतात तयार...
जनावराच्या आहारात पाणी महत्त्वाचेजनावरांचे योग्य पोषण होण्यासाठी तसेच दुग्धोत्पादन...
राज्यात १७८ तालुक्यांत भूजल चिंताजनकपुणे ः कमी झालेला पाऊस, वाढत असलेला पाण्याचा उपसा...
दरामुळे साखरेचा रंग फिकाकोल्हापूर : साखरेचे विक्री मूल्य वाढविल्यानंतरही...
‘उजनी’तील पाणीसाठा उणे पातळीत सोलापूर  ः सोलापूर जिल्ह्याची वरदायिनी...
राज्यभरात अन्नत्याग आंदोलनमुंबई ः शेतकरी साहेबराव करपे व कुटुंबीयांप्रती...
मार्चनंतरही पणन करणार कापूस बाजारात...यवतमाळ ः शेतकऱ्यांच्या घरातील कापूस विकल्या...
मढी यात्रेला बुधवारपासून प्रारंभनगर ः होळीच्या दिवशी सकाळी कानिफनाथांच्या समाधीला...
दर्जेदार ऊसबेण्याची केली निर्मिती काशीळ (ता. जि. सातारा) येथील उच्चशिक्षित व...
मतदानासाठी सकाळी सात ते सायंकाळी...अकोला ः देशात होत असलेल्या लोकसभा...