agriculture news in marathi, weekly weather advisary | Agrowon

माॅन्सून सक्रिय, सर्वत्र चांगल्या पावसाचा अंदाज
डॉ. रामचंद्र साबळे
शनिवार, 23 जून 2018

महाराष्ट्रावरील हवेचे दाब कमी झालेले असून १००४ हेप्टापास्कल इतका हवेचा दाब राहण्यामुळे माॅन्सून सक्रिय होत आहे. उत्तर भारतात गुजरात व राजस्थान सीमेवर ९९८ हेप्टापास्कल इतका तर उत्तराखंडवरही तितकाच हवेचा दाब राहण्यामुळे तसेच मध्य भारतावर १००० हेप्टापास्कल इतका कमी हवेचा दाब राहण्यामुळे मॉन्सून वेगाने उत्तर भारताच्या दिशेने जाईल. महाराष्ट्रावरून हे वारे पुढे जात असल्याने जूनअखेरपर्यंत अधूनमधून महाराष्ट्रातील सर्वच जिल्ह्यांत पावसाचे प्रमाण चांगले राहील. २४ जून रोजीही हवामान सद्यःस्थितीचे कायम राहील अाणि संपूर्ण भारतावरील हवेचे दाब कमी राहतील.

महाराष्ट्रावरील हवेचे दाब कमी झालेले असून १००४ हेप्टापास्कल इतका हवेचा दाब राहण्यामुळे माॅन्सून सक्रिय होत आहे. उत्तर भारतात गुजरात व राजस्थान सीमेवर ९९८ हेप्टापास्कल इतका तर उत्तराखंडवरही तितकाच हवेचा दाब राहण्यामुळे तसेच मध्य भारतावर १००० हेप्टापास्कल इतका कमी हवेचा दाब राहण्यामुळे मॉन्सून वेगाने उत्तर भारताच्या दिशेने जाईल. महाराष्ट्रावरून हे वारे पुढे जात असल्याने जूनअखेरपर्यंत अधूनमधून महाराष्ट्रातील सर्वच जिल्ह्यांत पावसाचे प्रमाण चांगले राहील. २४ जून रोजीही हवामान सद्यःस्थितीचे कायम राहील अाणि संपूर्ण भारतावरील हवेचे दाब कमी राहतील. त्याच दिवशी काश्मीरवरील हवेचे दाब कमी होत असून तेथेही ९९८ हेप्टापास्कल इतका कमी हवेचा दाब राहण्यामुळे माॅन्सून वेगाने उत्तर दिशेने आगेकूच करेल.

सिक्कीमवरील हवेचे दाब ९९६ हेप्टापास्कल इतका कमी होण्यामुळे काही भागात अतिवृष्टी होणेही शक्‍य आहे. २६ जून रोजी राजस्थानवरील हवेचे दाब ९९४ हेप्टापास्कल इतके कमी होत आहेत. त्याचवेळी पूर्व विदर्भावर केवळ १००० हेप्टापास्कल इतका कमी हवेचा दाब राहण्यामुळे विदर्भाच्या भागातही जोरदार पावसाची शक्‍यता राहील. संपूर्ण उत्तर भारतात ९९६ हेप्टापास्कल इतका कमी हवेचा दाब राहण्यामुळे माॅन्सून उत्तर भारतातही लवकरच पोचेल. २७ जून रोजी गुजरात ते राजस्थान या भागावर तसेच दिल्ली, उत्तर प्रदेश या भागावरील हवेचे दाब ९९६ ते ९९८ हेप्टापास्कल इतका कमी राहण्यामुळे माॅन्सून वारे वेगाने उत्तर भारताच्या दिशेने जाईल आणि विशिष्ट वेळेपूर्वी पोचेल. २८ जून रोजी ही स्थिती कायम राहील. २९ जून रोजीही पावसाची स्थिती कायम राहील किंबहुना पावसाच्या प्रमाणात वाढ होत जाईल. उत्तर महाराष्ट्र, विदर्भ व मराठवाड्यातही पावसाचे प्रमाण वाढेल. मध्य महाराष्ट्रात व कोकणातही पावसाचे प्रमाण अधिक राहील. हिंदी महासागराच्या पाण्याच्या पृष्ठभागाचे तापमानही वाढत आहे. त्यामुळे या पुढे पावसाचे प्रमाण चांगले राहील.

कोकण
ठाणे व सिंधुदुर्ग जिल्ह्यात काही दिवशी ३७ ते ४० मिलिमीटर पावसाची शक्‍यता असून रायगड व रत्नागिरी जिल्ह्यात ५७ ते ६३ मिलिमीटर पावसाची शक्‍यता आहे. ठाणे व सिंधुदुर्ग जिल्ह्यात कमाल तापमान ३३ अंश सेल्सिअस राहील तर रायगड जिल्ह्यात ३२ अंश सेल्सिअस आणि रत्नागिरी जिल्ह्यात २९ अंश सेल्सिअस राहील. रत्नागिरी व रायगड जिल्ह्यात किमान तापमान २४ अंश सेल्सिअस राहील. सिंधुदुर्ग जिल्ह्यात किमान तापमान २३ अंश सेल्सिअस राहील. आकाश अंशतः ढगाळ राहील. ठाणे जिल्ह्यात सकाळची सापेक्ष आर्द्रता ८३ टक्के राहील. तर सिंधुदुर्ग, रत्नागिरी व रायगड जिल्ह्यात सकाळची सापेक्ष आर्द्रता ९२ ते ९३ टक्के राहील. ठाणे जिल्ह्यात दुपारची सापेक्ष आर्द्रता ६४ टक्के राहील. तर रायगड जिल्ह्यात दुपारची सापेक्ष आर्द्रता ८७ टक्के राहील. सिंधुदुर्ग व रत्नागिरी जिल्ह्यात दुपारची सापेक्ष आर्द्रता ९१ ते ९८ टक्के राहील. वाऱ्याचा ताशी वेग ३ ते ६ किलोमीटर राहील. वाऱ्याची दिशा ठाणे व सिंधुदुर्ग जिल्ह्यात नैऋत्येकडून राहील तर रत्नागिरी जिल्ह्यात दक्षिणेकडून व रायगड जिल्ह्यात अग्नेयेकडून.

उत्तर महाराष्ट्र
धुळे जिल्ह्यात काही दिवशी २३ मिलिमीटर पावसाची शक्‍यता असून नाशिक, नंदूरबार, जळगाव जिल्ह्यात काही दिवशी २७ ते २९ मिलिमीटर पावसाची शक्‍यता आहे. धुळे व जळगाव जिल्ह्यात वाऱ्याची दिशा वायव्येकडून राहील. नाशिक व नंदूरबार जिल्ह्यात वाऱ्याची दिशा नैऋत्येकडून राहील. वाऱ्याचा वेग नंदूरबार जिल्ह्यात ताशी २४ किलोमीटर तर धुळे जिल्ह्यात ताशी १७ किलोमीटर जळगाव जिल्ह्यात ताशी १९ किलोमीटर तर नाशिक जिल्ह्यात ताशी १४ किलोमीटर राहील. धुळे व नंदूरबार जिल्ह्यांत कमाल तापमान ३२ अंश सेल्सिअस तर नाशिक जिल्ह्यात ताशी ३३ अंश सेल्सिअस आणि जळगाव जिल्ह्यात ३६ अंश सेल्सिअस राहील. किमान तापमान नाशिक जिल्ह्यात २३ अंश सेल्सिअस व जळगाव जिल्ह्यात २५ अंश सेल्सिअस आणि धुळे व नंदूरबार जिल्ह्यात २६ ते २७ अंश सेल्सिअस राहील. आकाश अंशतः ढगाळ राहील. जळगाव जिल्ह्यात सकाळची सापेक्ष आर्द्रता ७७ टक्के नंदूरबार जिल्ह्यात ९० टक्के, तर नाशिक व धुळे जिल्ह्यात ८० ते ८२ टक्के राहील. दुपारची सापेक्ष आर्द्रता जळगाव व नाशिक जिल्ह्यात ३९ ते ५८ टक्के राहील तर धुळे व नंदूरबार जिल्ह्यात ६४ ते ७४ टक्के राहील.

मराठवाडा
परभणी व हिंगोली जिल्ह्यात काही दिवशी ४० ते ४२ मिलिमीटर पावसाची शक्‍यता आहे. तर नांदेड जिल्ह्यात काही दिवशी ३७ मिलिमीटरपर्यंत पावसाची शक्‍यता आहे. बीड व औरंगाबाद जिल्ह्यात २२ ते २९ मिलिमीटरपर्यंत पावसाची शक्‍यता असून लातूर व जालना जिल्ह्यात १६ ते १८ मिलिमीटर पावसाची शक्‍यता आहे. परभणी, जालना व औरंगाबाद जिल्ह्यात वाऱ्याची दिशा वायव्येकडून तर उर्वरित जिल्ह्यात नैऋत्येकडून राहील. लातूर व नांदेड जिल्ह्यात वाऱ्याचा ताशी वेग २१ किलोमीटर राहील. बीड व जालना जिल्ह्यात ताशी १९ किलोमीटर राहील. तर परभणी, हिंगोली व औरंगाबाद जिल्ह्यात ताशी १२ ते १५ किलोमीटर राहील. उस्मानाबाद जिल्ह्यात कमाल तापमान ३० अंश सेल्सिअस राहील. लातूर, हिंगोली व औरंगाबाद जिल्ह्यात कमाल तापमान ३३ अंश सेल्सिअस राहील. जालना जिल्ह्यात कमाल तापमान ३२ अंश सेल्सिअस राहील. नांदेड, बीड, परभणी जिल्ह्यात ते ३४ अंश सेल्सिअस राहील. किमान तापमान सर्वच जिल्ह्यात २० ते २३ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ६७ ते ८२ टक्के तर दुपारची ४६ ते ६४ टक्के राहील.

पश्‍चिम विदर्भ
अकोला व बुलडाणा जिल्ह्यात काही दिवशी १६ ते २० मिलिमीटर तर वाशीम व अमरावती जिल्ह्यात ३० ते ४० मिलिमीटर पावसाची शक्‍यता आहे. वाऱ्याची दिशा वायव्येडून राहील. वाऱ्याचा ताशी वेग ९ ते १३ किलोमीटर राहील. बुलडाणा व वाशीम जिल्ह्यात कमाल तापमान ३७ अंश सेल्सिअस तर वाशीम व अमरावती जिल्ह्यात ते ३८ अंश सेल्सिअस राहील. किमान तापमान बुलडाणा जिल्ह्यात २४ अंश सेल्सिअस राहील तर अकोला, वाशीम व अमरावती जिल्ह्यात २५ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ९० ते ९५ टक्के तर दुपारची ५८ ते ६८ टक्के राहील. वाऱ्याचा ताशी वेग ९ ते १३ किलोमीटर राहील.

मध्य विदर्भ
नागपूर जिल्ह्यात काही दिवशी ४० मिलिमीटर पावसाची शक्‍यता आहे. वर्धा व यवतमाळ जिल्ह्यात १५ ते २१ मिलिमीटर पावसाची शक्‍यता आहे. वाऱ्याची दिशा प्रामुख्याने नैऋत्येकडून राहील. नागपूर जिल्ह्यात कमाल तापमान ४० अंश सेल्सिअस राहील तर यवतमाळ व वर्धा जिल्ह्यात ३५ ते ३६ अंश सेल्सिअस राहील. किमान तापमान सर्वच जिल्ह्यात २६ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ८९ ते ९४ टक्के तर दुपारची सापेक्ष आर्द्रता ४५ ते ७५ टक्के राहील.

पूर्व विदर्भ
चंद्रपूर व गडचिरोली जिल्ह्यात या आठवड्यात काही दिवशी ४० मिलिमीटरपर्यंत पावसाची शक्‍यता आहे. वाऱ्याची दिशा नैऋत्येकडून राहील. वाऱ्याचा ताशी वेग ५ ते ७ किलोमीटर राहील. चंद्रपूर जिल्ह्यात कमाल तापमान ३८ अंश सेल्सिअस राहील तर उर्वरित जिल्ह्यात ते ४१ ते ४२ अंश सेल्सिअस राहील. गडचिरोली जिल्ह्यात किमान तापमान २७ अंश सेल्सिअस राहील तर चंद्रपूर, भंडारा व गोंदिया जिल्ह्यात २४ ते २५ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ८५ ते ९५ टक्के तर दुपारची सापेक्ष आर्द्रता ८५ ते ९५ टक्के तर दुपारची सापेक्ष आर्द्रता चंद्रपूर जिल्ह्यात ६५ टक्के व उर्वरित जिल्ह्यात ३९ ते ४२ टक्के राहील.

दक्षिण पश्‍चिम महाराष्ट्र
कोल्हापूर, सोलापूर व नगर जिल्ह्यात काही दिवशी २३ ते २४ मिलिमीटर पावसाची शक्‍यता असून पुणे जिल्ह्यात ३७ मिलिमीटर पावसाची शक्‍यता आहे. सांगली व सातारा जिल्ह्यात ७ ते १५ मिलिमीटर पावसाची शक्‍यता आहे. वाऱ्याची दिशा नैऋत्येकडून राहील. सांगली जिल्ह्यात वाऱ्याचा वेग ताशी २१ किलोमीटर राहील तर सोलापूर व नगर जिल्ह्यात ताशी १७ किलोमीटर राहील. कोल्हापूर व पुणे जिल्ह्यात ताशी १० किलोमीटर तर सांगली जिल्ह्यात ७ किलोमीटर राहील. कोल्हापूर व सांगली जिल्ह्यात कमाल तापमान २९ अंश सेल्सिअस राहील. सातारा जिल्ह्यात ३० अंश सेल्सिअस आणि सोलापूर, पुणे व नगर जिल्ह्यात ३२ ते ३३ अंश सेल्सिअस राहील. किमान तापमान सोलापूर जिल्ह्यात २४ अंश सेल्सिअस राहील. तर पुणे जिल्ह्यात २३ अंश सेल्सिअस आणि उर्वरित जिल्ह्यात २१ ते २२ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ६८ ते ९३ टक्के तर दुपारची सापेक्ष आर्द्रता ६० ते ७८ टक्के राहील.

कृषी सल्ला

  • वाफसा अवस्थेपेक्षा थोडा अधिक पाऊस होताच मूग, मटकी, चवळी, हुलगा, तूर, सोयाबीन, सूर्यफूल, भुईमूग या पिकांच्या पेरण्याबरोबर ज्वारी, बाजरी, कपाशी, मका या पिकांच्याही पेरण्या कराव्यात.
  • पेरणीपूर्वी बियास जिवाणू संवर्धकाची प्रक्रिया करावी.
  • आंतरपीक पद्धतीचा अवलंब जरूर करावा.
  • पेरणीनंतर सारे व पाट पाडावेत. पावसाचे पाणी वाफ्यातच मुरेल आणि पिकास अधिक काळ जमिनीतील पाण्याचा उपयोग होईल.

(ज्येष्ठ कृषी हवामान तज्ज्ञ अाणि सदस्य संशोधन परिषद, वसंतराव नाईक मराठवाडा कृषी विद्यापीठ, परभणी)

 

इतर ताज्या घडामोडी
जळगाव जिल्ह्यात नवती केळीचे दर स्थिरजळगाव ः जिल्ह्यात नवती केळीचे दर मागील आठवड्यात...
कोल्हापुरात फळांची आवक मंदावली,...कोल्हापूर : येथील कृषी उत्पन्न बाजार समितीत या...
कळमणा बाजारात सोयाबीनच्या दरात वाढनागपूर ः सोयाबीनच्या दरात अल्पशी वाढ वगळता कळमणा...
नाशिकला टोमॅटोची आवक वाढली; कांदा,...नाशिक : नाशिक बाजार समितीत गतसप्ताहात टोमॅटोची...
कपाशीतील किडींचे एकात्मिक नियंत्रणसध्या कपाशीचे पीक पाते, फुले व बोंड लागण्याच्या...
सांगली जिल्ह्यात सेंद्रिय शेतमालाला हवी...सांगली जिल्ह्यामध्ये सेंद्रिय शेतीमाल विक्री...
नाशिक जिल्ह्यात सेंद्रिय शेतीची वाटचाल...नाशिक जिल्ह्यात सेंद्रिय शेतीचे तीन वर्षांपूर्वी...
नाशिक, निफाड कारखाना भाड्याने देण्याचा...नाशिक : कर्जबाजारी व आर्थिक डबघाईमुळे गेल्या काही...
अकोला, बुलडाण्यात पीक कर्जवाटप ३०...अकोला  ः शेतकऱ्यांना खरीप हंगामासाठी पीक...
गोंदियातील कृषी सेवा केंद्रे लावणार...गोंदिया   ः जमिनीची गरज ओळखूनच खताची मात्रा...
साताऱ्यात पावसाअभावी पिके करपू लागलीसातारा  : जिल्ह्यात सुमारे एक महिन्यापासून...
नगर जिल्ह्यात पावसाअभावी कांदा लागवड...नगर  ः जिल्हाभरात पावसाअभावी कांदालागवड...
वाशीममध्ये रब्बीत हरभऱ्याचे क्षेत्र...वाशीम  ः या हंगामात जिल्ह्यात चांगला पाऊस...
खरेदी केंद्र सुरू करण्याच्या मागणीसाठी...सातारा  : शेतीमाल खरेदी केंद्रे त्वरित सुरू...
संघर्ष गोकुळ ‘मल्टिस्टेट’चाकोल्हापूर जिल्हा दूध संघ (गोकुळ) मल्टिस्टेट...
'दारुमुळे दरवर्षी अडीच लाखापेक्षा जास्त...नवी दिल्ली- दारूमुळे दरवर्षी जवळपास अडीच...
जालन्यात पाण्यात बुडून तिघांचा मृत्यूजालना : गणपती बाप्पांचे विसर्जन करताना जालना...
शिखर, रोहितने पाकला धुतले; भारत अंतिम...दुबई : पाकिस्तानने उभारलेल्या 237 धावांचा सहजी...
खानदेशात मध्यम पाऊस; नंदुरबारला हुलकावणीजळगाव : खानदेशात शुक्रवारी (ता.२१) मध्यरात्री व...
पुणे जिल्ह्यात ढगाळ हवामानपुणे  : जिल्ह्यात आठवड्याच्या सुरवातीला...