agriculture news in Marathi, what happen with animal insurance scheme, Maharashtra | Agrowon

पशुधन विमा योजनेचे काय झाले ?
टीम अॅग्रोवन
मंगळवार, 27 मार्च 2018

अकोला ः दिवसेंदिवस जनावरांच्या किमती वाढत असून, जनावरे पाळणाऱ्यांना पाठबळ म्हणून पशुधन विमा योजना महत्त्वाची मानली जाते; परंतु राज्यात मागील वर्षभरात ही योजना राबवण्यात अपयश आल्याचे समोर आले आहे. आता हे अपयश झाकण्यासाठी कधी ‘गेल्या वर्षात उद्दिष्टापेक्षा अधिक काम झाले’ असे कारण दिले जाते, तर कधी ही योजना राबवण्यासाठी इच्छुक कंपनी अद्याप नियुक्त झालेली नाही. लवकरच नव्याने निविदा प्रक्रिया राबवली जाईल, असे सांगितले जाते. दुर्दैवाने या घोळात संपूर्ण वर्ष निघून गेले.

अकोला ः दिवसेंदिवस जनावरांच्या किमती वाढत असून, जनावरे पाळणाऱ्यांना पाठबळ म्हणून पशुधन विमा योजना महत्त्वाची मानली जाते; परंतु राज्यात मागील वर्षभरात ही योजना राबवण्यात अपयश आल्याचे समोर आले आहे. आता हे अपयश झाकण्यासाठी कधी ‘गेल्या वर्षात उद्दिष्टापेक्षा अधिक काम झाले’ असे कारण दिले जाते, तर कधी ही योजना राबवण्यासाठी इच्छुक कंपनी अद्याप नियुक्त झालेली नाही. लवकरच नव्याने निविदा प्रक्रिया राबवली जाईल, असे सांगितले जाते. दुर्दैवाने या घोळात संपूर्ण वर्ष निघून गेले.

राज्यात पशुधन विमा योजना २०१५-१६ मध्ये धूमधडाक्‍यात व मोठा गाजावाजा करीत राबवण्यात आली. या वर्षात नियुक्त केलेल्या विमा कंपनीने उद्दिष्टापेक्षा अधिक काम केले. त्यामुळे या कंपनीचा आधीच मोठा निधी शासनाकडे थकला आहे. ही योजना केंद्र व राज्याच्या अर्थसाह्याने राबवली जाते. पहिल्याच वर्षी निधी उपलब्धतेचा फटका बसला.

मध्यंतरी हा प्रकार ‘ॲग्रोवन''ने चव्हाट्यावर आणल्यानंतर मंत्रालयापर्यंत पळापळ झाली. केंद्राने काही निधी महाराष्ट्र पशुधन विकास महामंडळाकडे वळती केल्याचे सांगण्यात आले. परंतु राज्याच्या वाट्याचे पैसे तेव्हा मिळाले नव्हते. या संदर्भात माहिती घेतली असता, फेब्रुवारीत राज्याचा वाटा पशुधन विकास महामंडळाला मिळाला आहे. केंद्र व राज्याचे पैसे प्राप्त झाले. आता ही योजना राबवण्यासाठी विमा कंपनीची गरज आहे.

यापूर्वी एकदा निविदा प्रक्रिया करण्यात आली. मात्र एकाच कंपनीने उत्सुकता दाखवली होती. त्यामुळे ही निविदा प्रक्रिया दुसऱ्यांदा केली जाणार आहे. या योजनेचे राज्यात उद्‌घाटन झाल्यानंतर जवळपास मार्च २०१७ पर्यंत व्यवस्थित काम झाले. त्यानंतर हे नवीन आर्थिक वर्ष सुरू झाले तेव्हापासून (एप्रिल २०१७) आजवर योजना रखडलेली आहे. पूर्वीच्या कंपनीसोबत केलेला करार हा मार्चमध्ये संपुष्टात आला. नवीन करार व निधी उपलब्ध झाला असता तर योजना राबवणे शक्‍य होते. पण दोन्ही गोष्टी उपलब्ध झाल्या नव्हत्या. आता निधी उपलब्ध झालेला आहे, तर काम करण्यासाठी कंपनी निश्‍चित झालेली नाही.

या कागदोपत्री गोंधळात राज्यात पशुधन विमा योजना राबवता आलेली नाही हे वास्तव आहे. या संदर्भात मंत्रालय स्तरावरून ठोस पावले उचलण्याची गरज असताना, याकडे लक्ष द्यायला कुणालाही वेळ नसल्याची दुर्दैवी बाबही बोलली जात आहे. योजनेचे उद्‍घाटन झाल्यानंतर पहिल्या वर्षात राज्यात पावणेतीन कोटींपेक्षा अधिक जनावरांचा विमा उतरविण्यात आला होता.  

पशुधन विमा योजनेची वाटचाल

  • राज्यात २०१५-१६ मध्ये मोठा गाजावाजा करीत प्रारंभ
  • योजनेला केंद्र व राज्याच्या अर्थसाह्य
  • पहिल्याच वर्षी योजनेला निधी उपलब्धतेचा फटका
  • मागील वर्षभरात पशुधन विमा योजना - राबवण्यात अपयश
  • विमा कंपनीचा मोठा निधी शासनाकडे थकला
  • केंद्राने काही निधी महाराष्ट्र पशुधन विकास महामंडळाला दिला
  • - राज्याचा वाटा फेब्रुवारीत महामंडळाला मिळाला
  • आता योजना राबविण्यासाठी कंपनीची गरज

    नव्याने निविदा प्रक्रिया
    या संदर्भाने पशुधन विभागाच्या वरिष्ठ अधिकाऱ्यांशी संपर्क साधला असता, केंद्राचा निधी आधीच मिळाला असून, आता गेल्या महिन्यात राज्याचाही वाटा प्राप्त झाला आहे. नव्याने निविदा प्रक्रिया करून ही योजना राबविण्याची कारवाई केली जाईल, असे अधिकाऱ्यांचे म्हणणे होते.

इतर अॅग्रो विशेष
फलोत्पादन अनुदान अर्जासाठी शेवटचे चार...पुणे : एकात्मिक फलोत्पादन अभियानातून (एमआयडीएच)...
वीज पडून जाणारे जीव वाचवामागील जूनपासून सुरू झालेला नैसर्गिक आपत्तींचा कहर...
जल व्यवस्थापनाच्या रम्य आठवणीजलव्यवस्थापनाचे धडे घेण्यासाठी कुठलेही पुस्तक...
कापूस उत्पादकतेत भारताची पीछेहाटजळगाव ः जगात कापूस लागवडीत पहिल्या क्रमांकावर...
अडीच कोटींचे अनुदान ‘हरवले’पुणे : राज्यातील शेतकऱ्यांना वाटण्यासाठी केंद्र...
उन्हाचा चटका काहीसा कमी पुणे ः गेल्या दोन दिवसांपासून उन्हाच्या चटक्यात...
ऊस पट्ट्यात द्राक्ष शेतीतून साधली...लातूर जिल्ह्यातील आनंदवाडी (ता. चाकूर) हे गाव ऊस...
खारपाणपट्ट्यात कृषी विद्यापीठाने दिला...खारपाणपट्ट्यात विविध हंगामात पिके घेण्यावर...
शेतीमाल दरवाढीचे लाभार्थी सधन शेतकरीचमिलिंद मुरुगकर यांनी अटलबिहारी वाजपेयी यांच्या...
व्यवस्था परिवर्तन कधी?सतराव्या लोकसभेची निवडणूक सध्या सुरू आहे. एक...
राज्यातील दहा मतदारसंघांत आज मतदानपुणे ः लोकसभा निवडणुकीच्या दुसऱ्या टप्प्यात...
मराठवाड्यात सव्वाचार लाख जनावरे चारा...औरंगाबाद : गत आठवड्याच्या तुलनेत औरंगाबाद, बीड व...
नुकसानीचे पंचनामे होणार केव्हा?जळगाव  ः खानदेशात सलग तिसऱ्या दिवशी म्हणजेच...
जीपीएसद्वारे टँकर्सचे नियंत्रण करा ः...मुंबई : राज्यातील धरण व तलावांमध्ये उपलब्ध...
राज्यात कोरड्या हवामानाचा अंदाजपुणे : पूर्वमोसमी पावसाच्या सर्वच भागात हजेरी...
चीनची दारे भारतीय केळीसाठी बंदच जळगाव ः अतिथंडी व फी जारियम विल्ट या रोगामुळे...
वादळी पावसाने दाणादाणपुणे  : सोसाट्याचा वारा, मेघगर्जना, विजा,...
उत्पादन वाढले; पण उठाव ठप्पशेतकऱ्यांच्या दृष्टीने चालू ऊस हंगाम फारसा ठीक...
शुभवार्तांकनावर शिक्कामोर्तबअर्धा देश दुष्काळाने आपल्या कवेत घेतला आहे....
'कोरडवाहू'साठी एक तरी शाश्‍वत पीक...माझ्याकडे उत्तम बागायतीची सुविधा असून, गेल्या २०-...