यशवंत सिन्हांच्या अकोला अांदोलनातील मागण्यांचे काय झाले?

यशवंत सिन्हांच्या अकोला अांदोलनातील मागण्यांचे काय झाले?
यशवंत सिन्हांच्या अकोला अांदोलनातील मागण्यांचे काय झाले?

अकोला ः शेतमालाची हमीभावाने खरेदी, वीज जोडणी, सावकारी कर्जमुक्ती, कर्जमाफी अादी मुद्यांवर शासनाचे लक्ष वेधण्यासाठी माजी केंद्रीय मंत्री यशवंत सिन्हा यांचे अकोल्यातील अांदोलन मुख्यमंत्र्यांनी दिलेल्या अाश्वासनानंतर मागे घेण्यात अाले. तीन दिवस पोलिस मुख्यालयाच्या मैदानावर सिन्हा व शेतकरी जागर मंचाच्या पदाधिकाऱ्यांनी ठिय्या दिल्यानंतर मुख्यमंत्र्यांकडून अाश्वासन दिल्याने शेतकरी अांदोलन मागे घेण्यात अाले. अांदोलकांच्या सर्वच मागण्यांबाबत मुख्यमंत्र्यांनी होकार दिल्याने हे अांदोलन मागे घेत असल्याचे सिन्हा यांनी माध्यमांसमोर जाहीरही केले; परंतु यापैकी किती मागण्या मान्य झाल्या याबाबत अाता प्रश्न उपस्थित केले जाऊ लागले अाहेत.   मंगळवारी (ता. ३०) यशवंत सिन्हा यांनी राष्ट्रमंच स्थापन केला. या राष्ट्रमंचाची संकल्पना ही अकोल्यात काम करत असलेल्या जागर मंचाच्या पार्श्वभूमीवर अाहे. यामध्ये सर्वच पक्षांचे नेते शेतकरी प्रश्नांवर मुक्तपणे बोलू शकतात, समस्यांना वाचा फोडू शकतात. मुळात अाता या राष्ट्र्मंचाच्या स्थापनेनंतर पुन्हा एकदा सिन्हा यांचे अकोला अांदोलन चर्चेत अाले अाहे. सिन्हा यांनी अकोल्यात तीन दिवस ठिय्या केले होते. या वेळी देशभरातील सरकारविरोधी व शेतकऱ्याच्या प्रश्नांवर काम करणाऱ्या नेत्यांनी पाठिंबा दिला होता. मुख्यमंत्र्यांनी मध्यस्थी केल्यानंतर सिन्हा यांनी माघार घेतली होती. मुळात शेतकऱ्यांच्या प्रश्नांवर जी अाश्वासने मिळाली त्याबाबत अाता दोन महिन्यांचा काळ पूर्ण होऊ घातला अाहे. तरीही प्रश्नांची सोडवणूक झालेली दिसत नाही. सावकारी कर्जमाफी तशीच कायम अाहे. शेतमालाच्या भावाची स्थिती दिवसेंदिवस बिकट होत अाहे. भावांतराचा विषय कुठेही अजेंड्यावर अालेला नाही, तर कर्जमाफीचा विषय अद्याप संपलेला नाही. विशेष म्हणजे १५ जानेवारीपर्यंत या मागण्यांच्या अाश्वासनाची अंमलबजावणी करण्याबाबत अाश्वासन देण्यात अाले होते. अाता जानेवारी महिला संपला अाहे; मात्र अाश्वासनाची पूर्तता कधीपासून सुरू होईल, हा मुद्दा कायम                                                                       अाहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com